«جاراتىلىستىق قورىقتاردىڭ ەكولوگيالىق ورتاسىن باقىلاۋ - باسقارۋ قىزمەتىنىڭ ۋاقىتتىق اتقارىلاتىن ٵدىسى» (تومەندە قىسقاشا «ۋاقىتتىق اتقارىلاتىن ٵدىس» دەلىنەدى) جاريالاندى. بۇل جونىندە ەكولوگيالىق ورتا مينيسترلىگىنىڭ قاتىستى جاۋاپتىسى بىلاي دەپ اتاپ كورسەتتى: ەكولوگيالىق ورتا تاراۋلارى باقىلاۋ - تەكسەرۋ، باعالاۋ، باقىلاۋدى كۇشەيتۋ، جالپىلىق زاڭ اتقارۋ سياقتى تاسىلدەر ارقىلى جاراتىلىستىق قورىق رايوندارىن ەڭ قاتاڭ قورعايدى جانە باقىلاپ - باسقارادى، مۇنىڭ ىشىندە جاراتىلىستىق قورىققا ساياتىن جاراتىلىستىق بايلىقتى اشۋدى، ەكولوگيانى قورعاۋدى، قالپىنا كەلتىرۋدى باقىلاۋ - باسقارۋدى ءتۇيىندى تۇردە كۇشەيتەدى.
ەكولوگيالىق ورتا مينيسترلىگىنىڭ جاۋاپتىسى بىلاي دەدى: 60 نەشە جىلدىق دامۋ ارقىلى مەملەكەت بويىنشا ءار دارەجەلى، ءار ءتۇرلى جاراتىلىستىق قورىقتاردىڭ سانى 11 مىڭ 800گە جەتىپ، ەلىمىزدىڭ قۇرلىق جەر كولەمىنىڭ %18ىن ۇستايدى، مەملەكەتتىڭ ەكولوگيالىق حاۋىپسىزدىگىن قورعاۋ، ورگانيزمدەردىڭ الۋان تۇرلىلىگىن قورعاۋ، جاراتىلىستىق مۇرالاردى ساقتاۋ جانە ەكولوگيالىق ورتانىڭ ساپاسىن جاقسارتۋ جاقتارىندا ماڭىزدى رول اتقاردى.
ول بىلاي دەپ اتاپ كورسەتتى: ەكولوگيالىق ورتا مينيسترلىگى «ۋاقىتتىق اتقارىلاتىن ٵدىستى» جاساعان كەزدە، ەكولوگيالىق ورتا تاراۋلارىنىڭ «ساياسات، جوبا ولشەمىن بىرلىككە كەلتىرۋ، باقىلاۋ ـ تەكسەرۋ، باعالاۋدى بىرلىككە كەلتىرۋ، زاڭ اتقارۋدى باقىلاۋدى بىرلىككە كەلتىرۋ، باقىلاۋ ـ تەكسەرۋ، جاۋاپقا تارتۋدى بىرلىككە كەلتىرۋ» سياقتى «ءتورتتى بىرلىككە كەلتىرۋ» يدەياسىنا تاباندى بولىپ، جاراتىلىستىق قورىقتاردىڭ ەكولوگيالىق ورتاسىن باقىلاۋ ـ باسقارۋدىڭ ءتۇرلى نەگىزگى تۇزىمدەرىن جاپپاي ورناتتى.
http://kazakh.people.com.cn/15835753.html
