[دەلو جاعدايى] جۋىردا، ىشكى موڭعۇل كوححوت قالالىق قوعام حاۋىپسىزدىگى مەكەمەسى ەكونوميكالىق – تەحنيكالىق كوركەيتۋ رايونى بولىمشە مەكەمەسى قىلمىستىق دەلولاردى بارلاۋ ۇلكەن اترەتى ازاماتتاردىڭ جەكەلىك ينفورماتسيالارىنا سۇعاناقتىق جاساۋ قىلمىس كۇمانىنا ساياتىن توپتى تالقاندادى. اتالعان دەلوعا قاتىستى باستى قىلمىس كۇماندىسى ياڭ X ءوزىنىڭ سەرىكتەستىگىندەگى قىزمەتكەردىڭ اسا كوپ مولشەردە تەلەفون جالعاۋى ارقىلى ىشتەن كيەتىن جىلى كيىمدى تەگىن تاراتامىز دەگەن سىلتاۋمەن، قارتتاردى الداۋ وبيەكتىسى ەتكەن. كوپتەگەن قارتتار پايدالاناتىن زاتتى تارتۋ ەتەتىنىن بىلگەن سوڭ، ياڭ X نىڭ تالابى بويىنشا قاتىستى جەكەلىك ينفورماتسيالارى مەن دەنساۋلىق جاعدايىن قالدىرعان.
ياڭ X ساندى دەرەكتەرگە تالداۋ جاساۋ ارقىلى ناۋقاسى بار، دەنساۋلىعى جاعدايى ويداعىداي بولماي جۇرگەن قارتتاردى تۇرگە ءبولىپ تىزىمدەگەن. كەيىن ياڭ X قاتارلىلار قارتتاردىڭ جەكەلىك دەنساۋلىعىنا قاتىستى جيناقتاعان ماتەريالدارىنان پايدالانىپ، قارتتارعا «ارنايى دايىنداعان دەنساۋلىق ساقتاۋ جاعىندا كەڭەس بەرۋ قىزمەتىن» وتەپ، الدىن – الا جوسپارلاپ قويعان تۇراقتى «سەناريا» بويىنشا، «دەنساۋلىق جاعىندا كەڭەس بەرۋشى» اتىن جامىلىپ، قارتتاردىڭ اۋرۋ جاعدايىنا تەگىن تۇردە تالداۋ جاساپ، دەنساۋلىق ساقتاۋ بۇيىمدارىن سىناق رەتىندە تۇتىنۋعا ۇسىنىپ، وسى ورايدان پايدالانىپ، اتالمىش ءتيىمدى باعاداعى دەنساۋلىق ساقتاۋ بۇيىمدارىن ساۋدالاعان.
[زاڭ ۇگىتى] كوححوت قالالىق ەكونوميكالىق – تەحنيكالىق كوركەيتۋ رايوندىق قوعام حاۋىپسىزدىگى بولىمشە مەكەمەسى قىلمىستىق ىستەرگە بارلاۋ جۇرگىزۋ ۇلكەن اترەتىنىڭ باستىعى سۋ فۋدۇڭ مىنانى ءبىلدىردى: ياڭ X مەملەكەتتىڭ قاتىستى بەلگىلەمەلەرىنە قايشى كەلىپ، ازاماتتاردىڭ جەكەلىك ينفورماتسيالارىن الدامكوستىكپەن جيناعان، قىلمىسى اۋىر، «جۇڭحۋا حالىق رەسپۋبليكاسىنىڭ قىلمىستىق ىستەر زاڭىنىڭ» 253 – تارماعىنىڭ 1 -، 3 – تارماقشالارىنداعى بەلگىلەمەلەرگە قايشى كەلۋ كۇمانى بار، ازاماتتاردىڭ ينفورماتسياسىنا سۇعاناقتىق جاساۋ قىلمىسىن قالىپتاستىرعان.
سۇڭ فۋدۇڭ قالىڭ قارتتارعا مىنانى ەسكەرتەدى: زاڭسىز ەلەمەنتتەردىڭ اڭگىمەلەسۋ، تارتۋ ۇسىنۋ، دەنساۋلىق جاعىندا كەڭەس بەرۋ دەگەن جەلەۋمەن جەكەلىك ينفورماتسيانى ۇرلاۋىنان ساقتانۋ كەرەك. بەيتانىس جارنامالاۋشىلاردىڭ سوزىنە وڭاي سەنبەۋ كەرەك. سونىمەن بىرگە، قارتتاردىڭ دەنساۋلىعى جايسىزدانسا، دەر كەزىندە كەمەلدى ەمحانالارعا بارىپ ەمدەلۋى كەرەك، ينتەرنەتتە جارنامالانعان دەنساۋلىق ساقتاۋ بۇيىمدارىنا سەنۋگە بولمايدى، ەگەر دەنساۋلىق ساقتاۋ بۇيىمدارىن ساتىپ الماقشى بولسا، كەمەلدى ءدارى دۇكەندەرىنەن العانى ءجون.
http://kazakh.people.com.cn/306611/15835245.html
