بىلتىر جىل سوڭى مەن بيىل جىل باسىندا شارۋا جۇمىسكەرلەردىڭ ەڭبەكاقىسىن ۋاعىندا بەرە الماۋ ماسەلەسى جۇرتتىڭ نازارىن اۋداردى. وسى جونىندە جەر – جەر، تاراۋلار ەڭبەكاقىنى ۋاعىندا بەرە الماۋدى تۇبىرىنەن وڭالتۋعا قاتىستى قىس مەزگىلىندەگى ارناۋلى ارەكەتتى ىشكەرىلەي ورىستەتىپ، بۇقارانىڭ جاعدايدى اڭىس ەتۋ جولدارىن ىركىلىسسىزدەندىرىپ، شارۋا جۇمىسكەرلەردىڭ ەڭبەكاقىلارىن دەر كەزىندە، تولىعىمەن الۋىنا كەپىلدىك ەتتى. حالىق گازەتىنىڭ وقىرمانداردان كەلگەن حات ستونى، حالىق تورابىنىڭ «باسشىلارعا لەبىز قالدىرۋ ايدارشاسى» جۋىردا پىكىر – ۇسىنىستار توپتاماسىن بىرگە شىعارىپ، ءىشىنارا ماسەلەلەر حات جولداۋ، لەبىز قالدىرۋ قاتارلى تاسىلدەر ارقىلى دەر كەزىندە شەشىم ەتىلدى.
2020 – جىلى 12 – ايدىڭ باسىندا ليۋ جەتەكشى جانە ونىمەن بىرگە جۇمىس ىستەيتىن 10 نەشە جۇمىسكەردىڭ 200 مىڭ يۋاننان استام ەڭبەكاقىسى تاراتىلماعانىنا 3 اي بولعان ەكەن. ول: «2020 – جىلى 3 – ايدان 9 – ايعا دەيىن، ءبىز گۋاڭدۇڭ ولكەسى دۇڭگۋان قالاسى حۇڭمەي قالاشىعىنداعى بەلگىلى نىساندا جارىم جىل جۇمىس ىستەدىك، الدەقاشان تاراتۋعا ءتيىستى ەڭبەكاقىنى نىسانعا جاۋاپتى جاق، ەڭبەك توقتامىن جاساسقان سەرىكتەستىك، جۇمىستى كوتەرمەگە الۋشى جاق سىندى ءۇش جاق ءتۇرلى سىلتاۋلاردى كولدەنەڭ تارتىپ، تاراتپاي كەلدى»، — دەدى. ۇسىنىس – پىكىر توپتاۋعا قاتىناسقاننان كەيىن، ول قالدىرىلعان لەبىزدى ءبىرجاقتىلى ەتۋگە جاۋاپتى ورىن — حۇڭمەي قالاشىقتىق ۇكىمەتتىڭ قايتارعان جاۋابىن تەز ارادا تاپسىرىپ الدى: قالاشىعىمىزداعى تۇرعىن ءۇي جانە قالا – اۋىل قۇرىلىسى مەكەمەسى اتالعان قۇرىلىس جۇرگىزۋشى ورىننىڭ ديرەكتورىمەن دەرەۋ حابارلاسىپ، تاراتىلۋعا ءتيىستى اقشانىڭ ەسەبى ءۇزىلدى. «ەشقانداي مەكەمەگە بارمادىم، ەشقانداي ماتەريال دا تاپسىرمادىم، قاتىستى تاراۋلار تەلەفون ارقىلى سويلەسكەن سوڭ، ەكى كۇن ىشىندە اقشانى تاپسىرىپ الدىق. قانداي جاقسى!» — دەدى ليۋ جەتەكشى.
2020 – جىلى 12 – ايدىڭ 8 – كۇنى، مۋ مىرزا حات جولداپ: «مەن سىچۋاندىق شارۋا جۇمىسكەرمىن، 2020 – جىلى 9 – ايدان 11 – ايعا دەيىن، شانشي ولكەسى شي – ان قالاسى چاڭ – ان رايونىنداعى فىڭ شي جاڭا قالاشىعىندا جۇمىس ىستەدىم. قوجايىنىم 11 – ايدىڭ سوڭىندا ەڭبەكاقىمدى بەرەتىن بولعان، ءبىراق، قازىرگە دەيىن 7544 يۋان ەڭبەكاقىمدى بەرمەدى»، — دەپ اڭىس ەتكەن. مۋ مىرزا اڭىس ەتكەن جاعدايدى قاتىستى تاراۋلار فىڭشي ەڭبەكشىلەردىڭ ۇقىق – مۇددەسىن قامتاماسىزداندىرۋدى باقىلاۋ – تەكسەرۋ ۇلكەن اترەتىنە جوتكەپ بەردى. باقىلاۋ – تەكسەرۋ ۇلكەن اترەتى ينجەنەريانى كوتەرمەگە العان ورىنمەن، ەڭبەك توقتامىن جاساسقان سەرىكتەستىكپەن حابارلاسقان سوڭ، 2020 – جىلى 12 – ايدىڭ 13 – كۇنى مۋ مىرزانىڭ تىلەگى ورىندالىپ، ەڭبەكاقىسى قولىنا ءتيدى. (جىڭ حۇييۇي، جوۋ جيايىڭ ماقالانى جازۋعا اتسالىستى)
http://kazakh.people.com.cn/306611/15834866.html
