حالىق تورابىنىڭ 1 – ايدىڭ 9 – كۇنى بەيجيڭنەن بەرگەن حابارى. 40 مىڭ ادامنىڭ جەكەلىك ينفورماتسياسىن ساتىپ، 34 مىڭ يۋان اقشا تاپقان سۇن X نىڭ قىلمىستىق ىستەر جاۋاپكەرشىلىگى قۋزاستىرىلۋمەن بىرگە، قوعامدا الەۋمەتتىك مۇددەگە زيان جەتكىزگەنى ءۇشىن تولەم ارقالادى. 1 – ايدىڭ 8 – كۇنى تۇستەن بۇرىن، حاڭجوۋ قالاسى شياچىڭ رايوندىق پروكۋراتۋرا مەكەمەسى ايىپتاۋ كوتەرگەن، ازاماتتىق زاڭناما اتقارىلعاننان بەرگى بۇكىل ەلىمىز بويىنشا جەكەلىك ينفورماتسيانى قورعاۋ جاعىنداعى تۇڭعىش رەتكى ازاماتتىق ۇقىق – مۇددەگە ساياتىن الەۋمەتتىك يگىلىك ارىز – شاعىم دەلوسىنا حاڭجوۋ ينتەرنەتتىك سوت مەكەمەسى ينتەرنەت ارقىلى سوت اشىپ، سوت ۇستىندە ۇكىم جاريالادى، پروكۋراتۋرا ورگانىنىڭ بارلىق ارىز – شاعىم تالابىن قولداپ، سۇن X دى 34 مىڭ يۋان زياندى تولەۋگە ءارى ولكە دارەجەلى اقپارات مەدياسىندا اشىق كەشىرىم سۇراۋعا بۇيىردى، قاتىستى تولەم قاراجاتى جەكەلىك ينفورماتسيانى قورعاۋ جانە ينفورماتسيا حاۋىپسىزدىگىن قورعاۋ قاتارلى الەۋمەتتىك يگىلىك ىستەرىنە پايدالانىلادى.
2020 – جىلى 8 – ايدا، حاڭجوۋ قالاسى شياچىڭ رايوندىق پروكۋراتۋرا مەكەمەسى سۇن X دىڭ ازاماتتاردىڭ جەكەلىك ينفورماتسياسىنا قول سۇعۋ قىلمىسى كۇمانى ارتىلعان قىلمىستىق ىستەر دەلوسىن تەكسەرۋ بارىسىندا مىنانى بايقاعان: 2019 – جىلى 2 – ايدان 9 – ايعا دەيىن، سۇن X ىلگەرىندى – كەيىندى 8 رەت ينتەرنەت ارقىلى 45 مىڭنان استام ادامنىڭ اتى – ءجونى، تەلەفون ءنومىرى، حات ساندىعى قاتارلى ازاماتتاردىڭ جەكەلىك ينفورماتسيالارىن ساتىپ الۋ، اۋىستىرۋ ارقىلى قولعا تۇسىرگەن، ۋيچات، QQ قاتارلى جولدارمەن باسقالارعا ساتىپ بەرىپ، ولاردىڭ جالعان سىرتقى پەرەۆود قىزمەتىن جالپىلاستىرۋىنا بەرگەن، وسى بارىستا 34 مىڭ يۋان پايدا تۇسىرگەن. جوعارىداعى ينفورماتسيالار كوپ رەت زاڭسىز وتكەرمەلەنىپ، كوپتەگەن ادامداردىڭ جەكەلىك ينفورماتسياسى ۇزاق ۋاقىت بويى زيانعا ۇشىراپ، قوعامداعى الەۋمەتتىك مۇددە زياندالعان. سۇن X نىڭ قىلمىستىق ىستەر جاۋاپكەرشىلىگىن زاڭ بويىنشا قۋزاستىرۋمەن بىرگە، اتالعان پروكۋراتۋرا مەكەمەسى حاڭجوۋ قالالىق ينتەرنەتتىك سوت مەكەمەسىنە ازاماتتىق ىستەر الەۋمەتتىك يگىلىك ارىز – شاعىمىن بەرگەن.
پروكۋراتۋرا مەكەمەسى بىلاي دەپ قاراعان: سۇن X نىڭ ارەكەتى ازاماتتىق زاڭنامانى اتقارۋدان بۇرىن تۋىلعانىمەن، ازاماتتىق زاڭنامادا جەكەلىك ينفورماتسيانى قورعاۋ جونىندە اناعۇرلىم ەگجەي – تەگجەيلى بەلگىلەمەلەر جاسالعان. بۇل دەلودا ازاماتتىق زاڭنامانى قولدانۋ ارقىلى زاڭنىڭ ايرىقشا بەلگىلەنبەگەن ازاماتتىق ىستەر نەگىزگى تۇلعاسىنىڭ كىسىلىك ار – نامىسىن جانە كىسىلىك ەركىندىگىن قورعايتىنى جانە وعان قۇرمەت ەتەتىنى اناعۇرلىم ساۋلەلەندىرىلەدى. دەلودا ازاماتتىق زاڭنامانى قولدانعاندا ”دەلوعا قاتىستى ادامداردىڭ زاڭدى ۇقىق – مۇددەسىن زيانداۋ، دەلوعا قاتىستى ادامداردىڭ زاڭدا بەلگىلەنگەن بورىشىن ارتتىرۋ نەمەسە دەلوعا قاتىستى ادامداردىڭ ۇيلەسىمدى تىلەگىنە قايشى كەلۋ» سياقتى جاعدايلار تۋىندامادى. سونىمەن، اتالعان پروكۋراتۋرا مەكەمەسى سوت مەكەمەسىنەن ازاماتتىق زاڭنامانىڭ بەلگىلەمەلەرىنە ساي، زاڭ بويىنشا ۇكىم شىعارۋدى ءوتىندى.
http://kazakh.people.com.cn/306611/15834911.html
