رايونىمىز ورتالىقتىڭ «8 ءتۇرلى بەلگىلەمەسىنىڭ» رۋحىنا قايشىلىق جاساعان 6 تيپتىك ماسەلەنى اشىق جاريالادى

جۋىقتا شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورتالىقتىڭ «8 ءتۇرلى بەلگىلەمەسىنىڭ» رۋحىنا قايشىلىق جاساعان 6 تيپتىك ماسەلەنى حابارلاندىردى. وسى 6 تيپتىك ماسەلە جەكە - جەكە مىنالار:
　　1. شەريا اۋداندىق قوعام حاۋىپسىزدىگى مەكەمەسى پارتكومىنىڭ مۇشەسى، ورىنباسار مەكەمە باستىعى، ءبولىم دارەجەلى بارلاۋشى يۋان گۋاڭجۇننىڭ بەلگىلەمەگە قايشىلىق جاساپ تارتۋ - تارالعى، اقشالاي تارتۋ الۋ سياقتى ماسەلەسى. 2014 - جىلدان 2016 - جىلعا دەيىنگى جۇڭچيۋ، كوكتەم مەرەكەلەرى كەزىندە، يۋان گۋاڭجۇن كوپ رەت بەلگىلەمەگە قايشىلىق جاساپ باسقارۋ، قىزمەت وتەۋ وبيەكتىلەرى تۋ x، جاڭ xx جانە ۋاڭ xx سياقتىلار ۇسىنعان قوي ەتى، اراق - تەمەكى جانە جەرگىلىكتى ونىمدەر سياقتى جالپى سوماسى 15 مىڭ يۋان تۇراتىن تاراتۋ - تارالعىنى قابىلداعان. بۇدان باسقا يۋان گۋاڭجۇننىڭ تارتىپكە قايشى تاعى باسقا ماسەلەلەرى بار. 2018 - جىلى 12 - ايدا يۋان گۋاڭجۇنعا پارتيا ىشىندە قاتاڭ ەسكەرتۋ بەرۋ جازاسى بەرىلدى.
　　2. ماكىت اۋدانى قۇرما اۋىلى سۋ باسقارۋ پۋنكتىنىڭ بۇرىنعى باستىعى مامەتالي سامەتتىڭ بەلگىلەمەگە قايشىلىق جاساپ ۇستەمە قاراجات جانە قوسىمشا قاراجات تاراتۋ ماسەلەسى. 2015 - جىلى 2 - ايدان 12 - ايعا دەيىن مامەتالي سامەت بەلگىلەمەگە قايشلىق جاساپ ىلگەرىندى - كەيىن 3 رەت كەزەكشىلىك اقىسى جانە ۇستەمە جۇمىس اقىسى سياقتى جەلەۋمەن ءوز مەكەمەسىندەگى 23 قىزمەتكەرگە جالپى سوماسى 13 مىڭ 400 يۋان ۇستەمە قاراجات جانە قوسىمشا قاراجات تاراتقان. 2018 - جىلى 11 - ايدا مامەتالي سامەتكە پارتيا ىشىندە ەسكەرتۋ بەرۋ جازاسى بەرىلدى.
　　3. قوبىقسارى موڭعۇل اۆتونوميالى اۋدانى يىكى ۇتىبۇلاق مال فەرماسى ەمحاناسىنىڭ باستىعى ۋاڭ شينجۇڭنىڭ بەلگىلەمەگە قايشىلىق جاساپ اقشالاي تارتۋ ۇسىنۋ ماسەلەسى. 2015 - جىلدان 2017 - جىلعا دەيىنگى كوكتەم مەرەكەسى كەزىندە، ۋاڭ شينجۇڭ قوبىقسارى اۋداندىق قوعامدىق قامسىزداندىرۋدى باسقارۋ مەكەمەسىنىڭ بۇرىنعى باستىعى يىن xxپەن (باسقا دەلودا شارا قولدانىلدى) بايلانىسىن نىعايتىپ، تۋىسى اشقان جەكە ەمحانانىڭ قوعامدىق قامسىزداندىرۋدان ەسەپ جابۋ جاعىندا قامقورلىققا يە بولۋىنا قولايلى بولۋىن كوزدەپ، ىلگەرىندى - كەيىندى يىن xxكە جالپى 30 مىڭ يۋان اقشالاي تارتۋ ۇسىنعان. 2018 - جىلى 11 - ايدا ۋاڭ شينجۇڭعا پارتيا ىشىندە ەسكەرتۋ بەرۋ جازاسى بەرىلدى.
　　4. شونجى اۋداندىق قوعامدىق قامسىزداندىرۋ ىستەرىن باسقارۋ مەكەمەسى ەسەپ جابۋ ءبولىمىنىڭ باستىعى ۋي نانىڭ بەلگىلەمەگە قايشىلىق جاساپ ۇلىنىڭ «ايعا تولعان تىلەۋىن» وتكىزۋى ماسەلەسى. 2017 - جىلى 2 - ايدا ۋي نا بەلگىلەمەگە قايشىلىق جاساپ، ۇلىنىڭ «ايعا تولعان تىلەۋىن» وتكىزىپ، باسقارۋ، قىزمەت وتەۋ وبيەكتىلەرىنەن 30 ادامدى قوناعاسىعا شاقىرىپ، جالپى 8400 يۋان اقشالاي تارتۋ العان. 2018 - جىلى 12 - ايدا ۋي ناعا پارتيا ىشىندە ەسكەرتۋ بەرۋ جازاسى بەرىلدى.
　　5. شاپشال سىبە اۆتونوميالى اۋداندىق حالىق شيپاحاناسى جالپىلىق ىستەر ءبولىمىنىڭ بۇرىنعى مەڭگەرۋشىسى تۇڭ جين - يدىڭ ۇكىمەت اقشاسىمەن ءىشىپ - جەۋ سياقتى ماسەلەلەرى. 2016 - جىلى 12 - ايدا، 2018 - جىلى 1 - ايدا تۇڭ جين - ي ىلگەرىندى - كەيىندى 2 رەت بەلگىلەمەگە قايشىلىق جاساپ ۇكىمەت اقشاسىنان 6800 يۋان جۇمساپ، جالپىلىق ىستەر بولىمىندەگى 19 قىزمەتكەردى باس قوسۋعا ۇيىمداستىرىپ، ناشار قوعامدىق ىقپال تۋدىرعان. بۇدان سىرت، تۇڭ جين - يدىڭ تارتىپكە قايشى تاعى باسقا ماسەلەلەرى بار. 2018 - جىلى 12 - ايدا تۇڭ جين - يگە پارتيا ىشىندە قاتاڭ ەسكەرتۋ بەرۋ، اكىمشىلىك دارەجەسىن تومەندەتۋ جازاسى بەرىلدى.
　　6. بۋرىلتوعاي اۋدانى جەتارال قالاشىق پارتكومىنىڭ مۇشەسى، ورىنباسار شۋجيى مۇرال قايسا ۇلىنىڭ جەكە اۆتوكولىك شىعىندارىن ۇكىمەت ەسەبىنەن تولەۋ سياقتى ماسەلەسى. 2013 - جىلى 1 - ايدان 2015 - جىلى 10 - ايعا دەيىن مۇرال قايسا ۇلى قىزمەت قولايلىلىعىنان پايدالانىپ، اۆتوكولىك جالداۋ اقىسى، ماي قۇيۋ اقىسى سياقتى جەلەۋمەن 9200 يۋان قىزمەت قاراجاتىن زاڭسىز ايىرباستاپ، ءوزىنىڭ جەكە اۆتوكولىگىنە ماي قۇيۋعا ىستەتكەن. مۇنان تىس، مۇرال قايسا ۇلىنىڭ تارتىپكە قايشى تاعى باسقا ماسەلەلەرى بار. 2018 - جىلى 12 - ايدا مۇرال قايسا ۇلىنا پارتيا ىشىندە قاتاڭ ەسكەرتۋ بەرۋ جازاسى بەرىلدى.
　　«ءتورت ءتۇرلى بۇرىس ستيل» ماسەلەسىنىڭ ەسكىلىكتى دەرتى ۇزاققا سوزىلىپ، ءسىڭىستى ادەتكە اينالىپ، تامىرى تەرەڭگە جايىلدى، جوعارىدا ايتىلعان 6 ماسەلەنىڭ كوبى مەرەكە - مەيرام كەزىندە تۋىلعاندىقتان، مەرەكە كەزىنىڭ «سىناق ءتۇيىنى» ەكەندىگىن تۇسىندىرەدى. 2019 - جىلعى كوكتەم مەرەكەسى «ءتورت ءتۇرلى بۇرىس ستيلگە» قارسى تۇرۋداعى ماڭىزدى مەرەكە، ستيلى پاك، سالتى دۇرىس بولۋعا كەپىلدىك ەتە الۋ - الماۋ، «مەرەكەدە شىرىكتەسۋ» دەرتىن تۇبەگەيلى جويا الۋ - الماۋ − پارتيانى جاپپاي قاتاڭ جونگە سالۋدى ۇزبەي ىلگەرىلەتۋ جونىندەگى ءبىر رەتكى سىناق. بۇكىل رايونىمىزداعى ءار دارەجەلى پارتكومدار (پارتيا باسشىلىق گرۋپپاسى) جانە ءتارتىپ تەكسەرۋ، باقىلاۋ - تەكسەرۋ ورگاندارى باتىل تۇردە باس شۋجي شي جينپيڭنىڭ ماڭىزدى نۇسقاۋى بويىنشا ساياسي دەڭگەيدى جانە ساياسي سانانى شىنايى جوعارىلاتىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، يمەنبەۋ، كاپەرىنە الماۋ، ۇران سالۋ، فورماشىلدىق ىستەۋ ماسەلەلەرىن قاداعالاپ، ماڭىزدى ساتتەردە، مەرەكە - مەيرامداردا بوساڭسىتپاۋدان بۇلجىماۋ كەرەك. باقىلاۋ - تەكسەرۋدى كۇشەيتىپ، ءوز جەرىنىڭ، ءوز تاراۋىنىڭ ءىس جۇزىندىك جاعدايىمەن ۇشتاستىرىپ، ءتۇرلى فورمالاردان پايدالانىپ، باعىتتامالى باقىلاۋ - تەكسەرۋ ورىستەتىپ، ماسەلەنىڭ تۋىلۋىنان ساقتانۋ كەرەك؛ تاربيە بەرىپ ەسكەرتۋگە ءمان بەرىپ، راديو - تەلەۆيزور، گازەت - جۋرنال، تور، ءۇنحات، قول تەلەفون كليەنتى سياقتى اقپارات قۇرالدارىنان تولىق پايدالانىپ، كوپ ارنامەن، كوپ تۇرعىدان ۇگىت - تاربيەنى كۇشەيتىپ، باعىتتامالى ەسكەرتۋ بەرۋ كەرەك؛ ءتارتىپ اتقارۋدى، جاۋاپقا تارتۋدى قاتايتىپ، بەلگىلەمەگە، تارتىپكە قايشى بايقالعان ماسەلەلەردى قاتاڭ تەكسەرىپ، تەز ءبىر جايلى ەتۋ، استە كەڭشىلىك جاساماۋ، اسىرەسە، سىڭار ەزۋلىكپەن قاساقانا ىستەگەندەردى، سيپاتى اۋىر بولعانداردى بەلگىلەمە بويىنشا، ءتارتىپ بويىنشا، زاڭ بويىنشا قاتاڭ، اۋىر ءبىر جايلى ەتىپ، تيپتىك ماسەلەلەردى دەر كەزىندە ناقتى اتى - ءجونى بويىنشا اشىق حابارلاندىرىپ، جاريالاپ، «ءتورت ءتۇرلى بۇرىس ستيلدى» باتىل جويىپ، ورتالىقتىڭ «8 ءتۇرلى بەلگىلەمەسى» رۋحىنىڭ جەمىسىن ۇزبەي بەكەمدەپ جانە كەڭەيتىپ تياناقتاندىرىپ، ستيل قۇرىلىسن جاپپاي تەرەڭدەتىپ، ستيل قۇرىلىسى سىندى وسى التىن تانىسقىنى جارقىراتا ءتۇسۋ كەرەك.