حالىق گازەتىنىڭ ءتىلشىسى ني گۋاڭحۇي 1 – ايدىڭ 6 – كۇنى بەيجيڭنەن حابارلايدى. ورتالىق كوميتەت ساياسي – زاڭ كوميتەتى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى مەكەمەسى، قوعام حاۋىپسىزدىگى مينيسترلىگى، ءادىليا مينيسترلىگى، اسكەري مىندەتتەن بوساعاندارعا قاتىستى ىستەر مينيسترلىگى قاتارلى 6 تاراۋ جۋىردا «اسكەريلەر مىندەتتەن بوساعاندارعا ءادىليالىق كومەك بەرۋ قىزمەتىن كۇشەيتۋ جونىندەگى پىكىردى» (تومەندە قىسقارتىلىپ «پىكىر» دەپ اتالادى) باسىپ تاراتىپ، ءادىليالىق قىزمەت بارىسىندا، اسكەري مىندەتتەن بوساعان قيىنشىلىعى بارلارعا كومەكتەسۋ قىزمەتىن ويداعىداي ىستەۋ جونىندە ورنالاستىرۋ جاساپ، تالاپتاردى ورتاعا قويدى.
«پىكىردە» مىنالار ايقىندالدى: اسكەري مىندەتتەن بوساعاندارعا كومەكتەسۋ قىزمەتى — حالىق سوتى مەكەمەسىنىڭ، حالىق پروكۋراتۋراسى مەكەمەسىنىڭ، قوعام حاۋىپسىزدىگى ورگاندارىنىڭ، ءادىليالىق، اكىمشىلىك ورگانداردىڭ دەلولاردى ءبىرجاقتىلى ەتۋ بارىسىندا، زاڭعا قايشى قىلمىستاردىڭ زيانىنا ۇشىراعان نەمەسە ازاماتتىق ىستەر، اكىمشىلىك ىستەر بويىنشا ۇقىعىنا قول سۇعىلعان، ارىز – شاعىم، كەسىم جاساۋ جولدارى ارقىلى ءونىمدى تولەمگە، بوداۋعا يە بولۋعا مۇمكىندىك بولماعان، تۇرمىستا شۇعىل قيىنشىلىقتارعا ءدوپ كەلگەن اسكەري مىندەتتەن بوساعاندارعا باعىتتاي وتىرىپ اتقارىلاتىن قوسىمشا سيپاتتى كومەك بەرۋ شاراسى.
«پىكىردە» مىنالار باسا دارىپتەلگەن: پارتكومداردىڭ ساياسي – زاڭ كوميتەتتەرى اسكەري مىندەتتەن بوساعاندارعا ءادىليالىق كومەك بەرۋ قىزمەتىن سايكەستىرۋ جانە وعان جەتەكشىلىك ەتۋدى كۇشەيتۋى كەرەك. حالىق سوتى مەكەمەسى، حالىق پروكۋراتۋراسى مەكەمەسى اسكەري مىندەتتەن بوساعاندارعا ءادىليالىق كومەك بەرۋ قىزمەتىن ورىستەتۋدە دارەجەلەس قاتىستى دەلو ءبىتىرۋ ورگاندارىمەن، اسكەري مىندەتتەن بوساعانداردىڭ ىسىنە جاۋاپتى تاراۋلارمەن قىزمەتتى بەلسەندى تۇردە ۇشتاستىرىپ، ولاردىڭ مامىلەنى قامتاماسىزداندىرۋ جانە سۇيەمەلدەۋ – كومەكتەسۋ ساياساتتارىن تياناقتاندىرۋىنا جول سىلتەۋى ءارى كومەكتەسۋى كەرەك. ءادىليالىق، اكىمشىلىك ورگاندار الەۋمەتتىك زاڭ – ءتۇزىم جاعىندا قىزمەت وتەۋ تەكشەلەرىنەن پايدالانۋ، ادۆاكاتتاردى ەرىكتى قىزمەت وتەۋگە شابىتتاندىرۋ قاتارلى تاسىلدەر ارقىلى اسكەري مىندەتتەن بوساعاندارعا زاڭدىق كەڭەس بەرۋ، زاڭدىق كومەك بەرۋ قاتارلى الەۋمەتتىك زاڭ – تۇزىمدىك قىزمەت وتەۋدى ەڭ الدىمەن ورىستەتۋى كەرەك، بەلسەندى شارالار قولدانىپ، اسكەري مىندەتتەن بوساعان قيىنشىلىعى بارلاردىڭ مامىلەسىن قامتاماسىزداندىرۋ، سۇيەمەلدەۋ – كومەكتەسۋ قاتارلى قاتىستى ساياساتتاردى تياناقتاندىرۋى كەرەك.
http://kazakh.people.com.cn/155419/15834604.html
