شينحۋا اگەنتتىگىنىڭ 1 – ايدىڭ 4 – كۇنى بەيجيڭنەن بەرگەن حابارى. ءتىلشىنىڭ 1 – ايدىڭ 4 - كۇنى قازىنا مينيسترلىگىنەن ۇعىسۋىنشا، قازىنا مينيسترلىگى بىرنەشە كۇننىڭ الدىندا «ساۋدا بانكەسىنىڭ ناتيجەسىن باعالاۋ ءادىسىن» باسىپ تاراتىپ، قازىر اتقارىلىپ وتىرعان ساۋدا بانكەلەرىنىڭ ناتيجەسىن باعالاۋ ادىسىنە وزگەرىس ەنگىزىپ كەمەلدەندىردى. ءادىس 2021 – جىلى 1 – ايدىڭ 1 – كۇنىنەن استاپ اتقارىلدى.
قازىر اتقارىلىپ وتىرعان ساۋدا بانكەسىنىڭ ناتيجەسىن باعالاۋ ءادىسى فينانس كاسىپورىندارىنىڭ ناتيجەسىن باعالاۋ تۇزىمىندەگى ءتورت ءتۇرلى (بانكە، قامسىزداندىرۋ، اكتسيا، باسقا) باعالاۋ تۇرلەرىنىڭ ءبىرى، 2009 - جىلى قۇرىلعان، 2016 - جىلى وزگەرىس ەنگىزىلگەن، ساۋدا بانكەسىنىڭ تيجارات ونىمدىلىگىن جوعارىلاتۋىن ىلگەرىلەتۋ، مال - مۇلىك ساپاسىن جوعارىلاتۋ، ورنىقتى تيجارات جۇرگىزۋگە تاباندى بولۋ سياقتى جاقتاردا ماڭىزدى رول اتقارعان.
وسى رەت وزگەرىس ەنگىزىپ كەمەلدەندىرۋدەگى ماقسات ‐ رولىن ونان ارى ساۋلەلەندىرۋ، ساۋدا بانكەسىن مەملەكەتتىڭ ماكرولىق ساياساتىن ءتىپتى دە ونىمدى دايەكتىلەندىرۋگە ، ميكرو ەكونوميكا، تۇلعالىق شارۋاشىلىق ءۇشىن ءتىپتى دە جاقسى قىزمەت وتەۋگە ىنتالاندىرىپ، ساۋدا بانكەلەرىنىڭ ورنىقتى اينالىمىنا، جوعارى ساپالى دامۋىنا جانە تۇلعالىق شارۋاشىلىققا قىزمەت وتەۋىنە كەپىلدىك ەتۋ.
ادىسكە نەگىزدەلىپ، ساۋدا بانكەسىنىڭ ناتيجەسىن باعالاۋ كورسەتكىش جۇيەسى كەمەلدەندىرۋدەن بۇرىنعى پايدا تابۋ قۋاتى، تيجارات ارتۋى، مال - مۇلىك ساپاسى، تولەۋ قۋاتى سىندى 4 ءتۇرلى كورسەتكىشكە وزگەرىس ەنگىزىپ، مەملەكەتتىڭ دامۋ نىساناسى مەن تۇلعالىق شارۋاشىلىققا قىزمەت وتەۋ، دامۋ ساپاسى، حاۋىپ - قاتەردەن ساقتانۋ جانە ونى تىزگىندەۋ، تيجارات ونىمدىلىگى سىندى 4 تۇرگە رەتتەلدى. ءاربىرىنىڭ ارا سالماعى تۇگەلدەي %25 بولىپ، باعالاۋ ءتۇيىنى مەن تەپە - تەڭدىك قاتىناسىنا تەڭ ءمان بەرىلەدى. ءارقايسى جەكە كورسەتكىشتەردىڭ ارا سالماعى ماڭىزدىلىعى مەن جەتەكشىلىك رولىنا قاراي بەلگىلەنەدى، دەر كەزىندە مەملەكەتتىڭ ماكرولىق ساياساتى، تۇلعالىق شارۋاشىلىقتىڭ قاجەتى، فينانستىڭ دامۋ بەتالىسى سياقتىلارعا نەگىزدەلىپ، اۋقىمدىق رەتتەۋ جۇرگىزىلەدى.
http://kazakh.people.com.cn/155419/15834473.html
