تەڭىز قاتىناس حاۋىپسىزدىگى بۇقارانىڭ باس اماندىعى مەن مال – مۇلىك حاۋىپسىزدىگى جانە تەڭىز تاسىمالى، تەڭىز بايلىق قاينارىن اشۋ قاتارلى ىستەردىڭ دامۋىنا سايادى. تەڭىز قاتىناس حاۋىپسىزدىگى زاڭىنىڭ وزگەرىس ەنگىزىلگەن جوبا نۇسقاسى 12 – ايدىڭ 22 – كۇنى تۇڭعىش رەت مەملەكەتتىك 13 – كەزەكتى حالىق قۇرىلتايى تۇراقتى كوميتەتىنىڭ 24 – كەزەكتى ءماجىلىسىنىڭ تەكسەرىپ قاراۋىن ۇسىنىس ەتتى. وزگەرىس ەنگىزىلگەن جوبا نۇسقاسى تەڭىز قاتىناسىن باسقارۋدى كۇشەيتىپ، تەڭىز ىستەرىندە كۇشتى ەل قۇرۋ، تەڭىز ەكونوميكاسىن دامىتۋدى ىلگەرىلەتۋ، تەڭىزدەگى ادامداردىڭ باس اماندىعى مەن مال – مۇلىك حاۋىپسىزدىگىن قورعاۋ سياقتى جاقتاردا كۇشتى زاڭدىق تىرەكپەن قامدايدى.
نە ءۇشىن تەڭىز قاتىناسى حاۋىپسىزدىگى زاڭىنا وزگەرىس ەنگىزەمىز؟ 1984 – جىلدان باستاپ اتقارىلعان بۇل زاڭ ەلىمىزدىڭ تەڭىز قاتىناسى حاۋىپسىزدىگىن باسقارۋدىڭ نەگىزدىك ءتۇزىمىن ورناتتى، ەلىمىز تەڭىز تاسىمالى ىستەرىنىڭ دامۋىن پارمەندى ىلگەرىلەتتى. رەفورما جاساپ، ەسىك اشۋدىڭ كۇن سايىن تەرەڭدەۋى مەن ەكونوميكانىڭ، قوعامنىڭ تەز قارقىنمەن دامۋىنا ىلەسىپ، قازىرگى اتقارىلىپ وتىرعان زاڭ تەڭىز تاسىمالى ىستەرىنىڭ دامۋى مەن تەڭىز قاتىناسى حاۋىپسىزدىگىن باسقارۋدىڭ جاڭا جاعدايىنا، جاڭا تالابىنا ۇيلەسپەي قالدى، سوندىقتان وزگەرىس ەنگىزىپ كەمەلدەندىرۋ وتە قاجەتتى.
كەزەكتى تۇراقتى كوميتەتتىڭ ماجىلىسىندە وزگەرىس ەنگىزۋگە ٶتىنىش ەتىلگەن جوبا نۇسقا جيىنى 10 تاراۋ 121 تارماقتان قۇرالعان، نەگىزىنەن تومەندەگىدەي مازمۇنداردى بەلگىلەدى: ءبىرىنشى، تەڭىز قاتىناسى شارت – جاعدايىن ساپالاندىرىپ، حاۋىپسىزدىككە كەپىلدىك ەتۋ ورەسىن جوعارىلاتۋ؛ ەكىنشى، كەمە، كەمە قىزمەتكەرلەرىن باسقارۋدى كۇشەيتىپ، تەڭىز قاتىناس ارەكەتىن ارناعا ءتۇسىرۋ؛ ءۇشىنشى، اكىمشىلىك رۇقسات ەتۋ ىستەرىن قاتاڭ مەڭگەرىپ، اكىمشىلىك زاڭ اتقارۋ ارەكەتىن ارناعا ءتۇسىرۋ ؛ ءتورتىنشى، تەڭىزدە ىزدەۋ – قۇتقارۋ مەحانيزمىن كەمەلدەندىرىپ، ۋاقيعانى تەكسەرىپ، ءبىر جاقتىلى ەتۋ ءتۇزىمىن جاقسارتۋ. مۇنان سىرت، جوبا نۇسقا ٵر ءتۇرلى زاڭعا قايشى ارەكەتتەرگە قاتاڭ زاڭدىق جاۋاپكەرشىلىك بەلگىلەپ، جاۋاپكەرشىلىكتى قۋزاستىرۋدى كۇشەيتتى.
http://kazakh.people.com.cn/306611/15833642.html
