مەملەكەتتىك سارى – زاڭسىز باسىلىمدارعا سوققى بەرۋ كەڭسەسى 12 – ايدىڭ 21 – كۇنى B بەكەتى تورابىنا باقىلاۋ – تەكسەرۋ جۇرگىزۋ جاعدايى جونىندە حابارلاندىرۋ شىعاردى. حابارلاندىرۋدا بىلاي دەلىنگەن: B بەكەتى تورابى (بيليبيلي تورابى) جاستاردىڭ مادەنيەت جاعىنداعى اۋىس – كۇيىس اۋماعى دەگەن اتقا يە، توراپتىڭ ىقپالىنىڭ كۇن سايىن كەڭەيۋىنە بايلانىستى، سارى – زاڭسىز باسىلىمدارعا سوققى بەرۋ تاراۋلارى دا كوپتەگەن ماسەلەلەردى بايقادى. قاتىستى زاڭ اتقارۋ تاراۋلارى ىلگەرىندى – كەيىندى اتالعان توراپتا جاريالانعان بالالارعا ارنالعان «تەرىس تاعىلىمدار»، بەلگىلەمەگە قايشى كەلەتىن شەتەل قۋىرشاق فيلىمدەرى، بەلگىلەمەگە قايشى پايدالانىلعان شەتەلدىڭ دىبىس – كەسكىن ماتەريالدارى، بەلگىلەمەگە قايشى جاريالانعان جارنامالار، بىرنەشە ءتۇرلى ويىندارداعى كەيىپكەرلەردىڭ وبىرازىنىڭ اشىق – شاشىق بولۋى، مازمۇندارىنىڭ تۇرپايى بولۋى قاتارلى ماسەلەلەردى جونگە سالعان.
2020 – جىلدان بەرى، بۇكىل ەلىمىزدەگى سارى – زاڭسىز باسىلىمدارعا سوققى بەرۋ كەڭسەسى اشكەرەلەۋدى تاپسىرىپ الۋ ورتالىعى جۇرتشىلىق اڭىس ەتكەن B بەكەتى تورابىنا قاتىستى ماسەلەلەردىڭ ءجىپ ۇشتارىنان 500 دەن استامىن تاپسىرىپ العان. ءبىرجاقتىلى ەتۋگە جوتكەلگەن ءجىپ ۇشتارى بويىنشا، شاڭحاي قالاسىنداعى قاتىستى تاراۋلار B بەكەتىنە اكىمشىلىك جاقتان دەلو تۇرعىزىپ، 6 رەت جازالاعان، 10 نەشە رەت جاۋاپتىلارىن شاقىرىپ اڭگىمەلەسكەن. جۋىردان بەرى، B بەكەتى تەكشەسىندە ساقتالىپ وتىرعان بەلگىلى مازمۇندار سارى، تۇرپايى مازمۇندارعا ساياتىندىعى سىندى كورنەكتى ماسەلەگە باعىتتاي وتىرىپ، مەملەكەتتىك سارى – زاڭسىز باسىلىمدارعا سوققى بەرۋ كەڭسەسى شاڭحاي قالالىق سارى – زاڭسىز باسىلىمدارعا سوققى بەرۋ كەڭسەسىن قايتالاي تەكسەرىپ - ءبىر جاقتىلى ەتۋدى ۇيىمداستىرۋ جونىندە ورنالاستىرۋ جاسادى.
12 – ايدىڭ 3 – كۇنى، شاڭحاي قالالىق سارى – زاڭسىز باسىلىمدارعا سوققى بەرۋ كەڭسەسى قالالىق كوميتەتىڭ ينتەرنەت ينفورماتسياسى كەڭسەسى، قالالىق مادەنيەت – ساياحات مەكەمەسى قاتارلىلارمەن بىرلەسە وتىرىپ، B بەكەتى تورابىنىڭ جاۋاپتىلارىن شاقىرىپ اڭگىمەلەسىپ، ەكى اپتالىق شەكتى مەرزىم ىشىندە جونگە سالۋعا، زاڭعا، بەلگىلەمەگە قايشى كەلەتىن مازمۇنداردى جانە ناشار مازمۇنداردى جاپپاي اداقتاپ، كەسكىن، تىكە تاراتىلىم، كارتۋن، سۋرەت پەن جازبا، سونداي – اق، قاتىستى ەكرانداعى لەبىز جانە ىلەسپە لەبىز قاتارلىلاردى تەكسەرۋدى كۇشەيتۋگە بۇيىردى؛ سونىمەن بىرگە، توراپتى جونگە سالۋ قىزمەتى تولىمدى بولىپ، تەكسەرىپ وتكىزىپ الۋدان وتۋدەن بۇرىن، اڭىستىق سيپاتقا جانە الەۋمەتتى اتتانىسقا كەلتىرۋ قۋاتىنا يە جاڭا كاسىپ ءتۇرى مەن جاڭا فۋنكتسيالاردى ىشكى جاقتا سىناق ەتۋ نەمەسە ينتەرنەتكە قوسۋدى توقتاتا تۇرۋدى ايقىن تالاپ ەتتى.
مەملەكەتتىك سارى – زاڭسىز باسىلىمدارعا سوققى بەرۋ كەڭسەسى جاۋاپتىسىنىڭ ايتۋىنشا، ينتەرنەت تەكشەلەرىنە مازمۇندىق باقىلاۋ – باسقارۋ جۇرگىزۋدى كۇشەيتۋ تەك ازامات جاسىنا تولماعانداردى قورعاۋ، ينتەرنەت كەڭىستىگىنىڭ ءتارتىبىن قورعاۋ بولىپ قالماستان، ينتەرنەت كاسىپورىندارىنىڭ اقاۋسىز دا ۇزاق مەرزىمدى دامۋىنا بولعان قامقورلىق ەسەپتەلەدى. مازمۇننىڭ حاۋىپسىزدىگى كورىلىم مولشەرىنەن گورى ماڭىزدى، «جاستار اۋماعىن باقىلاۋ – باسقارۋ وتە قاتاڭ بولماۋى كەرەك» دەگەن تانىم قاتە، باتىل جونگە سالۋ ءارى قاتاڭ ەسكەرتۋ كەرەك.
http://kazakh.people.com.cn/306611/15833401.html
