شينحۋا اگەنتتىگىنىڭ 12 – ايدىڭ 17 – كۇنى بەيجيڭنەن بەرگەن حابارى. مەملەكەت مەنشىگىندەگى مال - مۇلىك، مەملەكەت مەنشىگىندەگى جەر − مەملەكەت مۇدەسىنىڭ ماڭىزدى قۇرامداس بولىگى. ەڭ جوعارى حالىق پروكۋراتۋراسى جيناقتاعان ساندى مالىمەتتە كورسەتىلۋىنشە، 2017 – جىلى 7 – ايدا الەۋمەتتىك ارىز – شاعىم پروكۋراتۋرا قىزمەتى جالپى بەتتىك باستالعاننان بەرى، بۇكىل ەلىمىزدەگى پروكۋراتۋرا ورگاندارى مەملەكەت مەنشىگىندەگى مال – مۇلىكتى قورعاۋ مەن مەملەكەت مەنشىگىندەگى جەردىڭ پايدالانۋ ۇقىعىن ساتىپ بەرۋ سالاسىنا ساياتىن الەۋمەتتىك ارىز – شاعىمداردان جيىنى 42413ىن بىتىرىپ، قۋزاستىرىپ قايتارىپ اكەلگەن مەملەكەتتىڭ بارلىق مال – مۇلكى مەن ۇقىعىنىڭ قۇنى 12 ميلليارد 500 ميلليون يۋان بولدى، قۋزاستىرۋ ارقىلى قايتارىپ تولەنگەن مەملەكەت مەنشىگىندەگى جەردىڭ پايدالانۋ ۇقىعىن وتكەرمەلەپ ساتىپ بەرۋ سوماسى 28 ميلليارد 500 ميلليون يۋان بولدى.
ەڭ جوعارى حالىق پروكۋراتۋراسى 8 – پروكۋراتۋرا مەڭگەرمەسىنىڭ جاۋاپتىسى بىلاي دەپ اتاپ كورسەتتى: جۋىق جىلداردان بەرى ، بۇل ەكى سالاداعى زاڭدىق ءتۇزىم مەن باسقارۋدىڭ ولشەمدەنۋى بارعان سايىن كەمەلدەنىپ، قاتىستى اكىمشىلىك ورگانداردىڭ زاڭ بويىنشا اكىمشىلىك جۇرگىزۋ، باقىلاۋدى كۇشەيتۋ جاعىندا بەلسەندى رول اتقاردى. دەسە دە، ناقتى اماليات بارىسىندا، مەملەكەت مەنشىگىندەگى مال – مۇلىك پەن مەملەكەت مەنشىگىندەگى جەردى زيانداۋ جاعدايى توتەنشە اۋىر، وسى ەكى سالاداعى اكىمشىلىك ورگانداردىڭ ۇقىعىن پايدالانۋدا زاڭعا قايشىلىق جاساۋ ارەكەتىن نەمەسە ءىس بىتىرمەۋدەن الەۋمەتتىك يگىلىككە زيان جەتكىزۋ ارەكەتىن باقىلاۋدى كۇشەيتىپ، مەملەكەت مۇدەسىن ءتىپتى دە ٶنىمدى قورعاۋ كەرەك.
تانىستىرۋعا قاراعاندا، مەملەكەت مەنشىگىندەگى مال – مۇلىكتى قورعاۋ جاعىندا، پروكۋراتۋرا ورگاندارى باقىلايتىن ناقتى زاڭعا قايشى جاعدايلار مىنالاردى قامتيدى: مەملەكەت مەنشىگىندەگى مال – مۇلىكتەردى تومەن باعادا، ءتۇرىن وزگەرتىپ وتكەرمەلەۋ، مايعا بەرۋ جانە اكىمشىلىك، ءىسورىنداردىڭ يەمدەنىپ پايدالاناتىن ءتۇرلى مەملەكەت مەنشىگىندەگى ەكونوميكالىق بايلىق قاينارى؛ زاڭعا، بەلگىلەمەگە قايشىلىق جاساپ از تاپىسىرىلعان، تاپسىرۋى كەشىرىم ەتىلگەن باجى، اكىمشىلىك اقى، ايىپپۇل، مۇسادىرالاعان اقشا سونداي – اق ٶز بەتىمەن بەلگىلەگەن باجى الۋداعى تيىمدىلىك اقىسى؛ بەلگىلەمەگە قايشىلىق جاساپ تاراتىلعان ٵر ءتۇرلى سيلىق، قوسىمشا قاراجاتى؛ زاڭعا قايشىلىق جاساپ قالايماقان تاراتىلعان قوعامدىق قامتاماسىزداندىرۋ، قوعامدىق قۇتقارۋ قاراجاتى، قامقورلىق ورنالاستىرۋى مەن جىلۋ سياقتىلار.
مەملەكەت مەنشىگىندەگى جەردەن پايدالانۋ ۇقىعىن وتكەرمەلەپ ساتىپ بەرۋ جاعىندا، پروكۋراتۋرا ورگاندارى باقىلايتىن ناقتى زاڭعا قايشى جاعدايلار مىنالاردى قامتيدى: زاڭعا قايشىلىق جاساپ جەردەن پايدالانۋ ۇقىعىن تومەن باعادا وتكەرمەلەپ ساتىپ بەرۋ؛ جەردى وتكەرمەلەپ ساتۋ اقشاسىن جيناۋ مىندەتىن اتقارۋدا كەرەناۋلىق ىستەۋ؛ جەردىڭ بوس تۇرۋى سياقتى زاڭعا قايشى ارەكەتتى ءبىر جاقتى ەتۋدە كەرەناۋلىق ىستەۋ؛ جەردىڭ پايدالانۋ سيپاتىن، سيىمدىلىعىن ٶز بەتىمەن وزگەرتۋگە ساياتىن زاڭعا قايشى ارەكەتتەردى ءبىر جاقتى ەتۋدە كەرەناۋلىق ىستەۋ؛ زاڭعا قايشىلىق جاساپ بەكىتۋ سياقتى ارەكەتتەر.
http://kazakh.people.com.cn/306611/15833150.html
