«حالىق گازەتى»، 12 - ايدىڭ 14 – كۇنى، بەيجيڭ (تىلشىلەر چۇي شينميڭ، وۋياڭ جيە) عالامتور قامسىزداندىرۋ كاسىبىن ارناعا ءتۇسىرىپ، حاۋىپ – قاتەردەن ءونىمدى ساقتانىپ، تۇتىنۋشىلاردىڭ زاڭدى ۇقىق – مۇددەسىن قورعاۋ ءۇشىن، بانكە - قامسىزداندىرۋ باقىلاۋ كوميتەتى 12 - ايدىڭ 14 – كۇنى «عالامتورداعى قامسىزداندىرۋ كاسىبىن باقىلاپ – باسقارۋ ءادىسىن» جاريالادى، بۇل ءادىس 2021 – جىلى 2 - ايدىڭ 1 – كۇنىنەن باستاپ اتقارىلادى.
سوڭعى جىلداردان بەرى عالامتور سياقتى تەحنيكالاردىڭ قامسىزداندىرۋ سالاسىندا ۇزدىكسىز ىشكەرىلەي قولدانىلۋىنا بايلانىستى، عالامتورداعى قامسىزداندىرۋ كاسىبى جەدەل دامىدى، الايدا كەيبىر ماسەلەلەر مەن حاۋىپ - قاتەر كومەسكى قاتەرى جارىققا شىعىپ، كاسىپ سالاسى مەن باقىلاۋ - باسقارۋعا سايىس الا كەلدى.
«ادىستە» عالامتورداعى قامسىزداندىرۋ كاسىبىنىڭ انىقتاماسى ايقىندالدى، ياعني قامسىزداندىرۋ قۇرىلىمىنىڭ عالامتورعا سۇيەنىپ قامسىزداندىرۋ توقتامىن جاساساتىن، قامسىزداندىرۋعا قىزمەت وتەيتىن قامسىزداندىرۋ تيجاراتى قيمىلى بولىپ تابىلادى. بەلگىلەمە بويىنشا مىناداي ءۇش شارتتى قاناعاتتاندىرعان قامسىزداندىرۋ كاسىبى عالامتورداعى قامسىزداندىرۋ كاسىبى بولىپ تابىلادى: قامسىزداندىرۋ قۇرىلىمى عالامتور جانە اۆتوماتتى تەرمينال جابدىقتارى ارقىلى قامسىزداندىرۋ ونىمدەرىن ساتادى نەمەسە قامسىزداندىرۋ دەلدالدىق قىزمەتىن وتەيدى، تۇتىنۋشىلار قامسىزداندىرۋ قۇرىلىمى ءوزى تيجارات ەتەتىن توراپ تەكشەسىنىڭ ساتۋ بەتى ارقىلى ءونىم ينفورماتسياسىن دەربەس ۇعىسا الادى، تۇتىنۋشىلار قامسىزداندىرۋعا قاتىناسۋ ارەكەتىن دەربەس ورىنداي الادى.
ادىستە بىلاي دەپ بەلگىلەنگەن: عالامتورداعى قامسىزداندىرۋ كاسىبىن زاڭ بويىنشا قۇرىلعان قامسىزداندىرۋ قۇرىلىمى ورىستەتۋى كەرەك، باسقا قۇرىلىمدار مەن جەكەلەردىڭ عالامتورداعى قامسىزداندىرۋ كاسىبىن ورىستەتۋىنە بولمايدى. «ادىستە» ايتىلعان قامسىزداندىرۋ قۇرىلىمى قامسىزداندىرۋ سەرىكتەستىگى (ءوزارا قامسىزداندىرۋ ۇيىمى مەن عالامتورداعى قامسىزداندىرۋ سەرىكتەستىگىن قامتيدى) مەن قامسىزداندىرۋ دانەكەر قۇرىلىمىن قامتيدى. قامسىزداندىرۋ دانەكەرلىك قۇرىلىمى قامسىزداندىرۋ ۋاكىلىن (جەكە قامسىزداندىرۋ ۋاكىلىن قامتىمايدى)، قامسىزداندىرۋ دەلدالىن، قامسىزداندىرۋ الەۋمەتتىك باعالاۋشىسىن قامتيدى. ادىستە ايتىلعان قامسىزداندىرۋ ۋاكىلى (جەكە قامسىزداندىرۋ ۋاكىلىن قامتىمايدى) قامسىزداندىرۋ كاسىبى ۋاكىلەتتىك قۇرىلىمىن، بانكە تۇرىندەگى قامسىزداندىرۋ قوسىمشا كاسىبى ۋاكىلەتتىك قۇرىلىمىن جانە زاڭ بويىنشا قامسىزداندىرۋ ۋاكىلەتتىك كاسىبى رۇقساتىن العان عالامتور كاسىپورىندارىن قامتيدى.
ادىستە قامسىزداندىرۋ قۇرىلىمى مەن ونىڭ ءوزى باسقاراتىن توراپ تەكشەسىندە ازىرلەۋگە ءتيىستى شارتتار بەلگىلەندى، ول توراپ بەكەتىن ەستەلىككە الۋ، ينفورماتسيا جۇيەسى، حاۋىپسىزدىكتى قورعاۋ، دارەجەسىن قورعاۋ، ساتۋ ۇلگىسى، باسقارۋ جۇيەسى، ءتۇزىم قۇرىلىسى، باقىلاۋ - باسقارۋ، باعالاۋ سياقتىلاردى قامتيدى.
http://kazakh.people.com.cn/306611/15832807.html
