حالىق گازەتىنىڭ 12 – ايدىڭ 14 – كۇنى بەيجيڭنەن بەرگەن حابارى. 12 – ايدىڭ 14 – كۇنى جۇڭگو زاڭ قوعامى ۇيىمداستىرىپ جازعان «جۇڭگو زاڭمەن باسقارۋ قۇرىلىسىنىڭ جىلدىق مالىمەتى (2019)» رەسمي جاريالاندى. بۇل جۇڭگونىڭ زاڭمەن باسقارۋ قۇرىلىسىنىڭ جىلدىق مالىمەتىنىڭ جالعاستى 12 جىل بويى ەل ءىشى – سىرتىنا اشىق جاريالانۋى.
مالىمەت جيىنى 46 مىڭ ءارىپ، شي جينپيڭ زاڭمەن باسقارۋ يدەياسىن دايەكتىلەندىرۋدى، تياناقتاندىرۋدى كورنەكتىلەندىرىپ، 2019 – جىلعى جۇڭگوشا سوتسياليزمنىڭ زاڭىمەن باسقارۋ قۇرىلىسىنداعى امالياتتىق تابىسىن جۇيەلى، جالپى بەتتىك بەينەلەدى. مازمۇنى العى ءسوز، مەملەكەتتىك حالىق قۇرىلتايى جانە ونىڭ تۇراقتى كوميتەتىنىڭ زاڭ شىعارۋ قىزمەتى مەن باقىلاۋ قىزمەتى جونىندە، ساياسي – زاڭ سالاسىنىڭ رەفورماسى جونىندە، زاڭ بويىنشا اكىمشىلىك جۇرگىزۋ جونىندە، تەرگەۋ، پروكۋراتۋرا، قوعام حاۋىپسىزدىگى جانە ٵدىليا اكىمشىلىك قىزمەتى جونىندە، ادامدىق ۇقىقتى زاڭمەن قامتاماسىزداندىرۋ جونىندە، ءبىلىم مەنشىك ۇقىعىن قورعاۋ جونىندە، ەكولوگيالىق وركەنيەت زاڭمەن باسقارۋ قۇرىلىسى جونىندە، زاڭمەن باسقارۋدى ۇگىتتەۋ، زاڭ عىلىمى تاربيەسى مەن زاڭ عىلىمىن زەرتتەۋ جونىندە، حالىقارالىق بارىس – كەلىس پەن حالىقارالىق سەلبەستىك جونىندە، سوڭعى ءسوز جانە قوسىمشا قاتارلى 12 بولىكتەن قۇرالعان.
مالىمەتتە مىنالار اتاپ كورسەتىلدى: 2019 – جىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى. باس شۋجي شي جينپيڭدى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتى جالپى بەتتىك زاڭمەن باسقارۋدى ىشكەرىلەي ىلگەرىلەتىلىپ، قوعامنىڭ جاراسىمدى، ورنىقتى بولۋىنا كەپىلدىك ەتىپ، ەكونوميكانىڭ اقاۋسىز دامۋىنا قىزمەت وتەۋدە ماڭىزدى رول اتقاردى، جاڭا ناتيجەلەرگە قول جەتكىزدى. جۇڭگوشا سوتسياليستىك زاڭ جۇيەسى ءتىپتى دە كەمەلدەندى، ماڭىزدى سالالاردا زاڭ شىعارۋ ناتيجەسى كورنەكتى بولدى. نەگىزگى زاڭ جالپى بەتتىك ٶنىمدى جۇرگىزىلدى، زاڭمەن باسقاراتىن ۇكىمەت قۇرۋ پارمەنى كۇشەيىپ، ٵرقايسى قىزمەتتە كورنەكتى ناتيجەلەر جاراتىلدى. زاڭمەن باسقارۋ سالاسىنىڭ جالپى بەتتىك، تەرەڭ جۇرگىزىلگەن رەفورماسىندا جاڭا جاعداي ۇزدىكسىز كەڭەيىپ، ٵدىليانىڭ ادىلىك ورەسى ۇزىكسىز جوعارىلاپ، الەۋمەتتىك زاڭمەن قىزمەت وتەۋ جۇيەسى ۇزىكسىز اقاۋسىزدانىپ، تىنىش جۇڭگو، زاڭمەن باسقارىلاتىن جۇڭگو قۇرىلىسى ىشكەرىلەي ىلگەرىلەتىلىپ، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى جوعارىلادى. زاڭمەن باسقارۋدى ۇگىتتەۋ تاربيەسى كەڭ كولەمدە قانات جايدىرىلىپ، بۇكىل قوعامنىڭ زاڭمەن باسقارۋ كوزقاراسى كورنەكتى كۇشەيدى.
http://kazakh.people.com.cn/306611/15832782.html
