جۋىرداعى جىلداردان بەرى، ينتەرنەت تەكشەلەرىنەن پايدالانىپ، ءتۇرلى باعالاۋ قيمىلدارىن وتكىزۋ تولاستامادى، جۇرت ۋيچات قاتارلى الەۋمەتتىك جەلىلەردە كومەكتەسىپ داۋىس بەرۋدى، قولداپ - قۋاتتاۋدى وتىنەتىن جالعانىمداردى ۇنەمى كورەتىن بولدى.
قاتاڭ، بەدەلدى، شىنايى باعالاۋ قيمىلدارى قىزمەت ونىمدىلىگىن تەكسەرۋگە، قىزمەت تاجىريبەسىن قورىتىندىلاۋعا، باسەكەگە شابىتتاندىرۋعا پايدالى. الايدا، بەدەلدى سيپاتقا يە بولماعان باعالاۋلاردىڭ كوبەيۋى كاسىپ سالاسىنىڭ دامۋىنا پايداسىز. ءىشىنارا ينتەرنەت تەكشەلەرىندەگى باعالاۋلار جۇرتتى مازالايدى، مۇنداعى سەبەپتەردىڭ ءبىرى باعالاۋدىڭ ءتۇرىنىڭ كوپ، تاتىمسىز بولۋى، باعالاۋشى قۇرىلىمداردىڭ، باعالاۋ بارىسىنىڭ، ءتىپتى باعالاۋ ناتيجەسىنىڭ كوڭىل كونشىتپەۋى بولىپ تابىلادى. ينتەرنەتتەگى كەيبىر باعالاۋلاردىڭ سالىستىراتىنى قىزمەتتەگى ناقتى ناتيجە ەمەس، قايتا، «ساۋساق ۇشىنداعى ونەر»، ينتەرنەت ارقىلى قولداۋشىلاردىڭ سانىن جيناۋ قابىلەتى. بۇل تەكتەس قيمىلدار باعالاۋدىڭ باستاپقى ماقساتىنان اۋىتقىعان ءارى جۇرتشىلىقتىڭ اۋىرتپالىعىن ارتتىرادى، جۇمىس ىستەۋ زەيىنىن شاشىراتادى.
اۋەلگى ماقساتىنان اۋىتقىعان ينتەرنەتتىك باعالاۋلار نەلىكتەن قايتا – قايتا جارىققا شىعادى؟ ءبىر جاعىنان، تانىم جاعىندا جاڭساقتىق تۋىلۋدان بولادى. كەيبىرەۋلەر جۇمىسشى – قىزمەتكەرلەردى ۇيىمداستىرىپ، داۋىس جيناۋ ارقىلى سيلىق الۋعا، اتاق الۋعا، ءوزىن كورسەتۋدە دايىن تۇرادى، ءتىپتى اقشا جۇمساۋ ارقىلى اتاق ساتىپ الۋعا دا دايىن. ەندى ءبىر جاعىنان، ءىشىنارا باعالاۋلاردىڭ سوڭىندا مۇددەلىك قوزعاۋشى كۇش فاكتورى بولادى. بەلگىلەمەگە قايشى تۇردە وتكىزىلگەن باعالاۋ قيمىلى جونىندە جاريالانعان سوگىسكە قاراعاندا، بەلگىلى بىرلەستىك ەكى جىلعا جەتپەيتىن ۋاقىتتا باعالاۋعا سۇيەنىپ ميلليون يۋاننان استام «كىرىس كىرگىزگەن». ۇيىمداستىرۋشى جاق ينتەرنەت ارقىلى باعالاۋ قيمىلىن ورىستەتىپ، قيمىل بارىسىندا اقى العان، قاتىناسۋشىلار سيلىققا، داڭققا يە بولادى، اركىم ءوز تىلەگەنىنە جەتەدى، بەلگىلى دەڭگەيدەن ايتقاندا، وسى تەكتەس باعالاۋ قيمىلدارىنا «ءورىس سيلايدى». باعالاۋ قيمىلى جۇرت تىلەگىنە، ادىلدىك پەن تەڭدىككە سايادى. قاتىستى تاراۋلار مەن ينتەرنەتتىك تەكشەلەر ينتەرنەتتىك باعالاۋ قيمىلدارىن زاڭ بويىنشا جونگە سالۋدى كۇشەيتۋى، ينتەرنەتتىك باعالاۋ نىساندارىن ازايتۋى، ءىس جۇزىندىك قوعامدىق ونىمدىلىگى جوق باعالاۋ قيمىلدارىن قاتاڭ اداقتاۋى، زاڭسىز پايدانى كوزدەگەن، قىلمىستىق كۇمان قالىپتاستىرعان ماسەلەلەردى قاتاڭ تەكسەرىپ ءبىرجاقتىلى ەتۋى كەرەك.
http://kazakh.people.com.cn/306611/15832088.html
