شينحۋا اگەنتتىگىنىڭ 12 – ايدىڭ 4 – كۇنى بەرگەن حابارى. جياڭسۋ ولكەسى نانجيڭ قالاسى ورتا بايلىعىن قورعاۋ سوت بولىمشەسى 12 – ايدىڭ 4 – كۇنى الەۋمەتتىك يگىلىك سيپاتىندىق ارىز – شاعىم بەرۋشى جياڭسۋ ولكەسى نانجيڭ قالالىق حالىق پروكۋراتۋراسى ارىز – شاعىم بەرگەن ۋاڭ يۇيليننىڭ ەكولوگيالىق ورتانى ءبۇلدىرۋى سىندى ازاماتتىق ىسكە ساياتىن الەۋمەتتىك يگىلىك سيپاتىندىق ارىز – شاعىم دەلوسىنا اشىق سوت اشتى، اتالعان سوت تەرگەۋىنىڭ بۇكىل بارىسىن جۇڭگو سوت تەرگەۋىن اشىق جاريالاۋ تورابى ينتەرنەتتە تىكە تاراتتى، بۇل جۇڭگو سوت تەرگەۋىن اشىق جاريالاۋ تورابىنىڭ اشىق جاريالاعان سوت تەرگەۋىنىڭ جالپى سانىنىڭ 10 ميلليوننان اسقانىن كورسەتەدى.
ۇعىسۋعا قاراعاندا، 2016 – جىلى 9 – ايدا جۇڭگو سوت تەرگەۋىن اشىق جاريالاۋ تورابى ينتەرنەتتە رەسمي ىسكە قوسىلعاننان بەرى، حالىق سوتىنىڭ سوت تەرگەۋى قيمىلىن ينتەرنەتتە اشىق جاريالاۋ ءىسى قاۋىرت دامىدى. قازىرگە دەيىن، بۇكىل ەلىمىز بويىنشا 3500 دەن استام سوت مەكەمەسى سوت تەرگەۋىن ينتەرنەتتە اشىق جاريالاۋ تورابىنا قوسىلدى، 300 مىڭعا جۋىق سوتشى ينتەرنەتتە سوت بارىسىن تىكە تاراتۋدى ورىنداعان، كورىلىم مولشەرى 30 ميلليارد رەتتەن اسقان، ءبىر رەتكى سوتتىڭ ەڭ جوعارى كورىلىم مولشەرى 90 ميلليون رەتتەن اسىپ، دۇنيە جۇزىندەگى سوت تەرگەۋىن ينتەرنەتتە اشىق جاريالايتىن كولەمى ەڭ ۇلكەن تەكشەگە اينالعان.
ەڭ جوعارى حالىق سوتى سوت تەرگەۋىن باسقارۋ كەڭسەسىنىڭ مەڭگەرۋشىسى جاۋ جينشان مىنانى ءبىلدىردى: جۋىرداعى جىلداردان بەرى، ەڭ جوعارى حالىق سوتى ىلگەرىندى – كەيىندى ولشەمدەندىرۋ سيپاتىندىق قۇجاتتاردى جاريالادى، 2016 – جىلى 7 – ايدىڭ 1 – كۇنىنەن باستاپ، مەكەمەنىڭ بارلىق اشىق سوت جۇرگىزگەن دەلولارىن، پرينسيپتىك جاقتان، تۇگەلدەي ينتەرنەت ارقىلى تىكە تاراتۋىن تالاپ ەتتى. ەڭ جوعارى حالىق سوتىنىڭ جەتەكشىلىك ەتۋى جانە ۇلگى كورسەتۋىندە، ءار دارەجەلى سوت مەكەمەلەرى ينفورماتسيالاندىرىلعان جانە زەردەلىلەندىرىلگەن سوت مەكەمەسىن قۇرۋ ورايىن تولىق پايدالانىپ، سوت تەرگەۋىن تىكە تاراتۋ قىزمەتىن بەلسەندى ىلگەرىلەتىپ، ءىس جۇزىندىك جاعدايمەن ۇشتاستىرا وتىرىپ، ىزدەنىس جاسادى ءارى جاڭالىق اشتى.
سونىمەن بىرگە، جاۋ جينشان مىنانى ءبىلدىردى: ەڭ جوعارى حالىق سوتى مەكەمەسى قازىر قاتىستى ءادىليالىق تۇسىندىرمەلەردى جاساۋدا، وسى ارقىلى تىكە تاراتۋعا بولاتىن دەلولاردىڭ كولەمىن ايقىن بەلگىلەپ، سوت تەرگەۋى بارىسىندا ازاماتتاردىڭ قۇپيالىق ۇقىعى مەن ساۋدا قۇپيالىعى قاتارلىلارعا ساياتىن ماسەلەلەردى زاڭ بويىنشا اناعۇرلىم ۇيلەسىمدى قورعاۋدى ءارى ازامات جاسىنا تولماعاندار، زياندالۋشىلار، كۋاگەرلەر قاتارلى ەرەكشە تۇلعالاردى قورعاۋدى كۇشەيتىپ، ءادىليانى اشىق ۇستاۋ مەن ازاماتتاردىڭ قۇپيالىق ۇقىعىن، كاسىپورىنداردىڭ ساۋدا قۇپيالىعىن قورعاۋ اراسىندا تەڭگەرىمدىلىكە قول جەتكىزۋگە كۇش سالۋدا.
http://kazakh.people.com.cn/306611/15831985.html
