حالىق گازەتىنىڭ بەيجيڭنەن بەرگەن حابارى. مەملەكەتتىك كەڭەستىڭ اقپارات كەڭسەسى 12 – ايدىڭ 7 – كۇنى اقپار جاريالاۋ ءماجىلىسىن اشىپ، 2020 – جىلعى مەملەكەتتىك «نەگىزگى زاڭدى ۇگىتتەۋ اپتالىعى» قيمىلىنىڭ ورنالاستىرىلۋى جانە «7 – بەسجىلدىق» زاڭ جالپىلاستىرۋ قىزمەتى سياقتى جاعدايلاردى تانىستىردى. بيىل 12 – ايدىڭ 4 – كۇنى ەلىمىزدىڭ 7 – رەتكى مەملەكەتتىك نەگىزگى زاڭ كۇنى. 11 – ايدىڭ 30 – كۇنىنەن 12 – ايدىڭ 6 - كۇنىنە دەيىن مەملەكەتتىك زاڭدى جالپىلاستىرۋ كەڭسەسى بۇكىل ەل كولەمىندە «نەگىزگى زاڭدى ۇگىتتەۋ اپتالىعى» جونىندەگى جەلىلەس ۇگىت قيمىلىن ورىستەتتى. بيىلعى «نەگىزگى زاڭ ۇگىت اپتالىعىندا» نەگىزگى تاقىرىبى ايقىن، كورنەكتى، فورماسى الۋان ءتۇرلى، جالپى تۇلعالىق سايكەستىگى، ىقپالداستىعى سياقتى ەرەكشەلىكتەر جارىققا شىقتى.
ورتالىقتىڭ مەملەكەتتى جاپپاي زاڭمەن باسقارۋ كوميتەتى كەڭسەسىنىڭ ورىنباسار مەڭگەرۋشىسى، ٵدىليا مينيسترلىگىنىڭ مينيسترى، مەملەكەتتىك زاڭدى جالپىلاستىرۋ كەڭسەسىنىڭ مەڭگەرۋشىسى تاڭ ي - جۇن بىلاي دەدى: تاياۋدا اشىلعان ورتالىقتىڭ مەملەكەتتى جاپپاي زاڭمەن باسقارۋ قىزمەتى ءماجىلىسىنىڭ ەڭ ماڭىزدى تابىسى شي جينپيڭ زاڭمەن باسقارۋ يدەياسىن ايقىن العا قويۋ بولدى، ءارى ونى جاڭا داۋىردەگى مەملەكەتتى جاپپاي زاڭمەن باسقارۋدىڭ جەتەكشى يدەياسى ەتتى، بۇل پارتيامىز بەن مەملەكەتىمىزدىڭ تاريحىندا ءداۋىر بولگىش، بەلەستىك مانگە يە. بيىلعى «نەگىزگى زاڭدى ۇگىتتەۋ اپتالىعىنىڭ» نەگىزگى تاقىرىبى «شي جينپيڭ زاڭمەن باسقارۋ يدەياسىن ىشكەرىلەي ۇيرەنىپ، ۇگىتتەپ، دايەكتىلەندىرىپ، نەگىزگى زاڭ رۋحىن بارىنشا ساۋلەلەندىرۋ»، بۇل تاقىرىپتى تۇراقتاندىرۋداعى ماقسات − شي جينپيڭ زاڭمەن باسقارۋ يدەياسىنىڭ مەملەكەتتى جاپپاي زاڭمەن باسقارۋداعى جەتەكشى ورنىن بەرىك ورناتىپ، شي جينپيڭ زاڭمەن باسقارۋ يدەياسىنىڭ جۇرت جۇرەگىنە تەرەڭ ۇيالاۋىن ، نەگىزگى زاڭ رۋحىن بارشا جۇرتتىڭ تەگىس ءبىلۋىن ىلگەرىلەتۋ.
قازىر «7 - بەسجىلدىق» زاڭ جالپىلاستىرۋ قىزمەتى اياقتالۋدىڭ، « 8 - بەسجىلدىق » زاڭ جالپىلاستىرۋ جوسپارىن جاساۋدىڭ قارساڭىندا تۇرمىز، جالپى حالىقتىق زاڭدى جالپىلاستىرۋ 35 جىلدىق بارىستى باسىپ ءوتىپ، تاريحي تابىستارعا قول جەتكىزدى. اسىرەسە، پارتيانىڭ 18 – قۇرىلتايىنان بەرى تۇتاس قوعامنىڭ زاڭمەن باسقارۋ كوزقاراسى، قوعامدىق جونگە سالۋدىڭ زاڭمەن باسقارىلۋ دەڭگەيى كورنەكتى جوعارىلادى، باستىسى، پارتيانىڭ زاڭدى جالپىلاستىرۋ قىزمەتىنە جاپپاي باسشىلىعىن كورنەكتى كۇشەيتۋ، زاڭدى جالپىلاستىرۋ قىزمەتىنىڭ جالپى جاعدايعا قىزمەت وتەۋ، بۇقاراعا قىزمەت وتەۋ ناتيجەسى كورنەكتى بولۋ، «زاڭدى كىم اتقارسا، سول زاڭ جالپىلاستىرۋ» سىندى زاڭدى جالپىلاستىرۋ جاۋاپكەرشىلىك ءتۇزىمىن كەڭىنەن اتقارۋ، زاڭمەن باسقارىلاتىن اۋىل ـ قىستاق قۇرىلىسى ىشكەرىلەي ىلگەرىلەتۋ، زاڭمەن باسقارۋ تاربيەسىن حالىقتىق وقۋ ـ اعارتۋ جۇيەسىنە ەنگىزۋ قاتارلى جاقتاردان ايگىلەندى.
http://kazakh.people.com.cn/306611/15831930.html
