11 – ايدىڭ 25 – كۇنى حالىقارالىق وتباسىلىق زورلىقتى كۇشكە قارسى تۇرۋ كۇنى. 11 – ايدىڭ 25 - كۇنى تۇستەن كەيىن ەڭ جوعارى حالىق سوت مەكەمەسى، مەملەكەتتىك ايەلدەر بىرلەستىگى، جۇڭگو ايەل سۋديالار قوعامى بىرلەسىپ باس اماندىعىن قورعاۋ بۇيرىعىنا قاتىستى 10 تيپتىك دەلونى جاريالادى. ەڭ جوعارى حالىق سوت مەكەمەسى ازاماتتىق ىستەر 1 - سوت مەكەمەسىنىڭ باستىعى جىڭ شۋەلين، مەملەكەتتىك ايەلدەر بىرلەستىگى ۇقىق – مۇددە ءبولىمىنىڭ باستىعى گاۋ شاۋۋي، جۇڭگو ايەل سۋديالار قوعامىنىڭ باس حاتشىسى تاڭ حۋمەي، ەڭ جوعارى حالىق سوت مەكەمەسى ازاماتتىق ىستەر 1 ـ سوت مەكەمەسىنىڭ ورىنباسار باستىعى ليۋ مين اقپار جاريالاۋ ماجىلىسىنە قاتىناستى ءارى تىلشىلەردىڭ سۇراۋىنا جاۋاپ بەردى. ەڭ جوعارى حالىق سوت مەكەمەسىنىڭ اقپار جاريالاۋشىسى لي گۋاڭيۇي اقپار جاريالاۋ ءماجىلىسىن باسقاردى.
باس اماندىعىن قورعاۋ بۇيرىعى − وتباسىلىق زورلىقتى كۇشكە قارسى جازالاۋ زاڭىن جاساۋداعى ماڭىزدى ءتۇزىم، ءارى وتباسىلىق زورلىقتى كۇشكە قارسى جازالاۋ زاڭىنىڭ وزەكتى مازمۇنى. تانىستىرۋعا قاراعاندا، وتباسىلىق زورلىقتى كۇشكە قارسى شارا اتقارىلعاننان كەيىن، ەڭ جوعارى حالىق سوت مەكەمەسى قورعاۋ بۇيرىعىن دەرەۋ جاساپ، حالىق سوت مەكەمەسىنە قورعاۋ بۇيرىعىن ءوتىنىش ەتۋدى ايىقىن بەلگىلەدى، ارىز - شاعىم قاراجاتىن المايدى، ءوتىنىش ەتۋشىنىڭ دە كەپىلدىك بەرۋى قاجەتسىز، داۋگەردىڭ دەر كەزىندە، قولايلى تۇردە ءادىليالىق قورعاۋعا يە بولۋىنا ەڭ جوعارى شەكتە كەپىلدىك ەتەدى. 2019 - جىلى 12 - ايدىڭ سوڭىنا دەيىن، بۇكىل ەلدەگى سوت مەكەمەلەرى 5749 نۇسقا قورعاۋ بۇيرىعىن ءتۇسىرىپ، وتباسىلىق زورلىقتى كۇشتىڭ تۋىلۋىن ءونىمدى تەجەپ، زيانكەستىككە ۇشىراۋشىنىڭ، اسىرەسە ايەلدەردىڭ، بالالاردىڭ، قارتتاردىڭ، مۇگەدەكتەردىڭ باس اماندىعى مەن ادامدىق ار – نامىسىن قورعادى.
«باس اماندىعىن قورعاۋ بۇيرىعى زورلىق - زومبىلىق ىستەۋشىلەر مەن زياندالۋشىلاردىڭ اراسىندا <زاڭدىق باسقالقا> ورناتىپ، <اۋاشالاۋ داۋالىن> تۇرعىزدى. وتباسىلىق زورلىقتى كۇشتىڭ تۋىلۋىنان نەمەسە قايتالانۋىنان زور دارەجەدە ساقتاندىردى.» جىڭ شۋەلين تانىستىرىپ بىلاي دەدى: وسى رەتكى ءۇش تاراۋ بىرلەسىپ باس اماندىعىن قورعاۋ بۇيرىعىن جاريالادى، بۇل ءارى وتباسى زورلىق - زومبىلىعىنا قارسى جان - جاقتىلى جونگە سالۋدىڭ كەزەڭدىك ناتيجەسى، ءارى ءارقايسى تاراۋلاردىڭ قىزمەت مازمۇنىن ونان ارى كەڭەيتىپ، كەشەندى شارا قولدانىپ سوققى بەرۋ جارناماسى.
http://kazakh.people.com.cn/306611/15830949.html
