ورتالىق كوميتەتتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن 17 ماسەلە جونىندە حابارلاندىرۋ جاريالادى

ورتالىق ءتارتىپ تەكسەرۋ كوميتەتى جانە مەملەكەتتىك باقىلاۋ كوميتەتى تورابىنىڭ «جاڭا جىل مەن كوكتەم مەرەكەسى مەزگىلىندەگى ‹ءتورت بۇرىس ستيل› ماسەلەلەرىنە باقىلاۋ جۇرگىزۋ، مالىمدەۋ، اشكەرەلەۋ ارناۋلى ستونى» جەر – جەردەن انىقتالعان ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن ماسەلەلەردەن 17 ماسەلە جونىندە حابارلاندىرۋ شىعاردى. بۇل اتالعان ستوندا «اپتالىق حابارلاندىرۋ» ايدارشاسى اشىلعاننان بەرى، ءۇشىنشى رەت شوعىرلى تۇردە اشكەرەلەۋى بولىپ تابىلادى.

حابارلاندىرۋ شىعارىلعان ماسەلەلەر بەيجيڭ، تيانجين، حىبەي، جيلين قاتارلى 17 ولكە، اۆتونوميالى رايون، توتە قاراستى قالادان بايقالعان، بۇل ماسەلەلەر ۇكىمەت اۆتوكولىگىن جەكەلىك ىسىنە پايدالانۋ، بەلگىلەمەگە قايشى تۇردە ۇكىمەت قاراجاتىمەن ساياحاتتاۋ، بەلگىلەمەگە قايشى تۇردە ءوزى باسقاراتىن جانە قىزمەت وتەيتىن وبيەكتىلەردىڭ قوناعاسىنا قاتىناسۋ، بەلگىلەمەگە قايشى تۇردە اقشالاي جانە زاتتاي ساۋعا الۋ، بەلگىلەمەگە قايشى تۇردە جوعارىلاپ وقۋعا ارنالعان قوناعاسىن وتكىزۋ قاتارلى ماسەلەلەردى قامتيدى. ەرەكشە نازار اۋدارۋعا تاتيتىنى، بۇل رەت حابارلاندىرۋ شىعارىلعان ماسەلەلەر ىشىندە ەڭ تومەنگى تۇرمىس دەڭگەيىن قامتاماسىزداندىرۋ تولىقتاما كومەك قاراجاتىن باسقارۋ جانە تاراتۋ قىزمەتى بارىسىندا مىندەتىن پارمەندى اتقارماۋ، ەڭ تومەنگى تۇرمىس دەڭگەيىن قامتاماسىزداندىرۋ قاراجاتىنىڭ جاعدايىن رەتكە سالىپ وتىرۋ قىزمەتىن اتقارماۋ، جۇرتشىلىقتىڭ ۇقىق – مۇددەسى مەن مۇڭ – مۇحتاجىنا نەمقۇرايدى قاراۋ قاتارلى حالىق جۇرتشىلىعىنىڭ ۇقىق – مۇددەسىمەن تىعىز قاتىستى تيپتىك ماسەلەلەر قوسىلعان، بۇل جاڭا جىل جانە كوكتەم مەرەكەسى مەزگىلىندەگى «ءتورت بۇرىس ستيل» ماسەلەلەرىنىڭ قايتا باس كوتەرۋىنىڭ الدىن الۋدا ءبىرشاما كۇشتى سەسكەندىرۋ رولىن اتقارادى.