1. اعىمداعى ورىن:
  2. باس بەت
  3. زاڭدار مەن زاڭ-ەرەجەلەر
  4. زاڭ - ەرەجە

شوفەرلىك كۋالىگىنەن 12 ءنومىر تارتىلعان سوڭ جولدا اۆتوكولىك جۇرگىزۋ اۆتوكولىكتى كۋالىكسىز جۇرگىزۋگە جاتادى

日期:2020年10月22日
来源:人民网
【字体:

[دەلو جاعدايى] شوفەرلىك كۋالىگىنەن 12 ءنومىر تارتىلعان سوڭ، ادەتتە ادامدار كىرە اۆتوكولىگىمەن نەمەسە باسقالاردىڭ كولىگىمەن اۆتوكولىك باسقارماسىنا بارىپ، تولىقتاما ەمتيحانعا قاتىناسادى، الايدا، وتە از سانداعى ادامدار ءالى دە تالەيىن سىناۋ كوڭىل – كۇيىندە بولىپ، ءوزى اۆتوكولىك جۇرگىزىپ بارۋدى تاڭدايدى. جياڭسۋ ولكەسى تايساڭ قالاسىندا بىرەۋلەر اۆتوكولىكتى «كۋالىكسىز» جۇرگىزىپ، تولىقتاما ەمتيحانعا قاتىناسۋعا بارا جاتقان وسىنداي ادامدارعا سۇعىن قاداپ، اۆتوكولىكپەن ادەيى «پالە ىزدەۋ» ارقىلى ولاردى بوپسالاپ، ولاردان پايدا ءتۇسىرۋدى «كاسىپ» ەتكەن.

http://kazakh.people.com.cn/306611/15827390.html

جۋىردا عانا، جياڭسۋ ولكەسى تايساڭ قالاسىنىڭ تۇرعىنى ياڭ X قاتىناس شىرعالاڭى ءىسىن ءبىرجاقتىلى ەتۋ ءۇشىن قاتىناس ساقشى اترەتىنە جولعا شىعادى، وسىنىڭ الدىندا ونىڭ شوفەرلىك كۋالىگىنەن 12 ءنومىر تارتىلىپ، شوفەرلىك كۋالىگىن دە قاتىناس ساقشى تاراۋلارى ۋاقىتشا ۇستاپ قالعان. اۆتوكولىك باسقارماسىنىڭ الىس ەمەس ەكەنىن ويلاعان ياڭ X قولايلىلىقتى عانا ويلاپ، وتباسىنداعىلاردى كومەكتەسۋگە شاقىرماي، ءوزى اۆتوكولىك جۇرگىزىپ، اۆتوكولىك باسقارماسىنا بارعان. سول كۇنى تۇستەن كەيىن، ياڭ X ساباق وقىپ بولعان سوڭ اۆتوكولىكپەن ۇيىنە قايتقان جولىندا، اۆتوكولىك باسقارماسىنان شىعىپ كوپ ۇزاماي، ارتقى جاقتان كەلگەن اۆتوكولىكپەن سوعىلىسقان. قارسى جوق ودان جوندەتۋ اقىسى ءۇشىن 15 مىڭ يۋان تولەۋىن تالاپ ەتكەن، ۇيتپەگەندە، ساقشىعا مالىمدەيتىنىن ايتقان.

ساقشىعا مالىمدەيمىن دەگەن ءسوزدى ەستىگەندە، كولىكتى كۋالىكسىز جۇرگىزگەن ياڭ X اپساتتە ابىرجىپ قالادى دا، قارسى جاقتىڭ تالابى بويىنشا 15 مىڭ يۋان تولەپ، «ەكەۋ ارا» بىتىسەدى. بىرنەشە كۇننەن سوڭ، ياڭ X باسقالارمەن جاي اڭگىمە بارىسىندا ساباقتاسى شىن X نىڭ دە وسى تەكتەس «پالە ىزدەۋ» وقيعاسىنا ۇشىراعانىن بىلەدى. ەكەۋى اقشا جوتكەگەن كارتۋچكا ءنومىرىن سالىستىرۋ ارقىلى اقشا العان ادامنىڭ ۇقساس ءبىر ادام ەكەنىن بايقايدى.

تەكسەرۋ ارقىلى، قىلمىس كۇماندىسى جاڭ X باسقالارمەن بىرلەسىپ، ارناۋلى تۇردە «پالە ىزدەپ»، شوفەرلىك كۋالىك تولىقتاما ەمتيحانىنا قاتىناساتىنداردى بوپسالايتىن توپ قۇرعان. اتالعان توپتاعىلاردىڭ جۇمىس ءبولىسى ايقىن، الدىمەن بىرەۋى اۆتوكولىك باسقارماسىنىڭ اۋلاسىنان شوفەرلىك كۋالىگىنەن ءنومىر تارتىلىپ، تولىقتاما ەمتيحانعا قاتىناسۋعا كەلگەن شوفەردى نىساناعا الادى، ونىڭ اۆتوكولىكپەن جولعا شىققانىن كورگەن سوڭ، سىبايلاستارىنا ۇقتىرىپ، سىبايلاسى اۆتوكولىك جۇرگىزىپ، ونىڭ اۆتوكولىگىنە ىلەسەدى، سوڭىنان وراتى كەلگەن ساتتە زيانعا ۇشىراۋشى جۇرگىزگەن اۆتوكولىككە قاساقانا سوعىلىسادى دا، زياندالۋشىنىڭ شوفەرلىك كۋالىك ءنومىرى تارتىلىپ بولعان، ساقشىعا مالىمدەۋگە باتىنا المايتىن كوڭىل – كۇيىنەن پايدالانىپ، شىرعالاڭنىڭ شىنايى جاعدايىن جاسىرىپ، زياندالۋشىدان اقشا تولەپ «جەكە ءبىتىسۋدى» تالاپ ەتەدى. جاڭ X نىڭ مويىنداۋىنشا، ول وسى تەكتەس ءتاسىل ارقىلى 9 رەت دەلو تۋدىرىپ، حالىق اقشاسى بويىنشا جيىنى 50 مىڭ يۋاننان استام اقشانى بوپسالاۋ جولىمەن قولعا كەلتىرگەن.

[زاڭ ۇگىتى] ەلىمىزدىڭ قاتىستى زاڭ – تۇزىمدەرىندەگى بەلگىلەمەلەرگە ساي، شوفەرلىك كۋالىگىنەن 12 ءنومىر تارتىلىپ بولىپ، كۋالىك ۋاقىتشا ۇستاپ قالىنعان سوڭ، شوفەر تاعى دا جولدا اۆتوكولىك جۇرگىزسە، اۆتوكولىكتى كۋالىكسىز جۇرگىزگەن ەسەپتەلەدى، قوعام حاۋىپسىزدىگى ورگاندارى قاتىناس باسقارۋ تارالۋارى مۇنداي جاعدايدا شوفەرگە 200 يۋاننان جوعارى 2000 يۋاننان تومەن اقشالاي ايىپ سالادى، زاردابى اۋىر بولعان جاعدايدا اكىمشىلىك جاقتان 15 كۇن ۇستاپ تۇرۋ جازاسىن بەرەدى.