مەملەكەتتىك ينتەرنەت ينفورماتسيا كەڭسەسى وقۋ – اعارتۋ مينيسترلىگىمەن بىرگە ارناۋلى جونگە سالۋ قىزمەتىن ورىستەتىپ، زاڭ – تۇزىمگە قايشى ءتۇرلى اككاۋنتتەردەن 5 ميلليون 780 مىڭنان استامىن ءبىر ۋاقىتتا جاپتى
بەيجيڭ جاستار گازەتىنىڭ ءتىلشىسى لەي جيا حابارلايدى. مەملەكەتتىك ينتەرنەت ينفورماتسياسى كەڭسەسى وقۋ – اعارتۋ مينيسترلىگىمەن بىرلەسە وتىرىپ، ازامات جاسىنا تولماعاندارعا باعىتتالعان ينتەرنەتتىك ساباق بەرۋ تەكشەلەرىندە ارناۋلى جونگە سالۋ ورىستەتتى. قازىرگە دەيىن، قاتىستى جاقتارداعى فۋنكتيسالىق توراپ بەتتەرىنەن 99 توراپ بەتىن توقتاتتى نەمەسە جاڭالادى، تەلەگراف سالاسىن باسقارۋ تاراۋلارىمەن بىرلەسە وتىرىپ، زاڭعا قايشى توراپ رۇقساتناماسى مەن ەستەلىككە الدىرۋ رەسميەتتەرىن كۇشىنەن قالدىرىپ، زاڭعا قايشى توراپ بەتتەرىنەن 13942 توراپ بەتىن جاپتى، قاتىستى ينتەرنەتتىك تەكشەلەر قولدانۋشىلارعا قىزمەت وتەۋ كەلىسىمشارتتارى بويىنشا ءتۇرلى زاڭ – تۇزىمگە قايشى اككاۋنتتەردەن 5 ميلليون 780 اككاۋنتتى جاپتى. ەكى تاراۋ تەكسەرىپ انىقتاعان ءبىر ءبولىم تيپتىك دەلولاردى كەشە جاريالادى.
تەكسەرىپ انىقتالعان توراپ تەكشەلەرىندە، ۇيرەنۋ، وقۋ – اعارتۋ تۇرىندەگى 4 دانا App انايى، شارۋ مازمۇنداردى جانە ۇيرەنۋمەن قاتىسسىز مازمۇنداردى جولداعان: KM12 ماقالا App قولدانباسىنىڭ «ادەبيەت جاسامپازدىعى» ايدارشىندا انايى، شارۋ مازمۇنداعى اڭگىمەلەر ساقتالعان، «جۇلدىزدار» ايدارشاسى ەرتە ماحابباتتاسۋ، تەمەكى شەگۋ قاتارلى تەرىس جولعا جەتەلەيتىن ناشار مازمۇنداردى جاريالاعان؛ ماقالانى وڭاي جازۋ App قولدانباسىنداعى ءبىر ءبولىم قولدانۋشىلاردىڭ باس سۋرەتى، اككاۋنت اتى جانە قىسقاشا تانىستىرۋى قاتارلىلاردا انايى، شارۋ مازمۇندار قامتىلعان؛ كوركەمونەر اسىلى App قولدانباسىندا انايى، شارۋ مازمۇنداعى جازبالار مەن لەبىزدەر ساقتالعان، كەيبىر تۇتىنۋشىلاردىڭ باس سۋرەتى مەن اككاۋنت اتىندا انايى، شارۋ مازمۇنداعى توراپ بەتتەرىن ۇگىتتەيتىن زياندى مازمۇندار ساقتالعان؛ ۋانمىن تولىق ورتا App قولدانباسى ەرتە ماحابباتتاسۋ، جارنا بازارى قاتارلى ۇيرەنۋمەن قاتىستى جوق مازمۇنداردى جاريالاعان.
3 ينتەرنەتتىك تەكشەدەگى ينتەرنەتتە ساباق وقۋ ايدارشاسى ەلەكتروندى ويىن، تىكە تاراتىلىم، كينو – فيلىم قاتارلى ۇيرەنۋمەن قاتىسسىز مازمۇنداردى جاريالاعان: دوۋيۇي تىكە تاراتىلىم App قولدانباسى مەن PC تەرمينالىنداعى توراپ بەتى«ايالاپ ەسەيتۋ»، «وقۋ – اعارتۋ» ايدارشالارى، PP كەسكىنى App قولدانباسى جانە PC تەرمينالى توراپ بەتى «باستاۋىش كلاسى»، «قارسى الىنعان جاقسى ساباقتار» ايدارشاسى، لىشى كەسكىن App قولدانباسى مەن PC توراپ بەتىندەگى «ساپالى ساباقتار»، «ورتا، باستاۋىس مەكتەپ» قاتارلى ايدارشالار ينتەرنەتتىك ويىن، سۇلۋلار تىكە تاراتىلىمى، انايى اڭگىمەلەر، كينو – فيلىم قاتارلى ۇيرەنۋمەن قاتىسسىز مازمۇنداردى جاريالاعان.
جاستار مەن ورەندەر ۇنەمى پايدالاناتىن 3 ءتۇرلى App قولدانباسىندا انايى، شارۋ مازمۇنداعى سۋرەتتەر مەن جازبالار، ديالوگ فورماسىنداعى اڭگىمەلەر جاريالانعان: دۇيتاڭ App قولدانباسىندا انايى، شارۋ سۋرەتتەر مەن ازامات جاسىنا تولماعاندارعا تەمەكى شەگۋ، باسقالاردى ياناتتاۋ قاتارلى ناشار ارەكەتتەردى ۇيرەتەتىن سۋرەت جانە جازبالار ساقتالعان، كەيبىر قولدانۋشىلاردىڭ باس سۋرەتى، اككاۋنت اتى قاتارلىلاردا انايى، شارۋ مازمۇندار ساقتالعان؛ كلاكلا App قولدانباسى مەن كلا ماقالالارى App قولدانباسىنداعى «توپتار» ستونىندا انايى، شارۋ مازمۇندار مەن كوپ مولشەردەگى انايى، شارۋ مازمۇندارعا ساياتىن ديالوگ فورماسىنداعى اڭگىمەلەر ساقتالعان.
http://kazakh.people.com.cn/306611/15826707.html
