1. اعىمداعى ورىن:
  2. باس بەت
  3. زاڭدار مەن زاڭ-ەرەجەلەر
  4. زاڭ - ەرەجە

ازامات جاسىنا تولماعانداردى قورعاۋ زاڭىنا وزگەرىس ەنگىزۋ جوباسى ءۇشىنشى رەتكى قاراۋعا وتكىزىلدى

بالالارعا ارنالعان حاۋىپسىزدىك ورىندىعىن ورنالاستىرىپ، قاتىناس شىرعالاڭىنىڭ زاقىمداۋىنان ساقتانۋ كەرەك

حالىق گازەتىنىڭ ءتىلشىسى ۋاڭ بيشۋە

日期:2020年10月14日
来源:人民网
【字体:

10 – ايدىڭ 13 – كۇنى، 13 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 22 – ماجىلىسىندە ازامات جاسىنا تولماعانداردى قورعاۋ زاڭىنا وزگەرىس ەنگىزۋ جوباسى قارالدى، وسىدان بۇرىن، 2019 – جىلى 10 – ايدا تۇراقتى كوميتەتتىڭ 14 – كەزەكتى ءماجىلىسى مەن 2020 – جىلعى 6 – ايداعى 20 – ماجىلىسىندە بۇل زاڭ جوباسى ەكى رەت قارالعان بولاتىن.

اتا – انالار مەن قامقورشىلاردىڭ ازامات جاسىنا تولماعانداردىڭ حاۋىپسىزدىگى قاتارلى جاقتارداعى قورعاۋ مىندەتى مەن جاۋاپكەرشىلىگىن اناعۇرلىم كۇشەيتۋ ءۇشىن، ءۇشىنشى رەت قارالاتىن جوبادا مىناداي بەلگىلەمەلەر قوسىلعان: ازامات جاسىنا تولماعانداردىڭ اتا – انالارى نەمەسە ونىڭ قامقورشىسى ازامات جاسىنا تولماعاندارعا حاۋىپسىز وتباسىلىق تۇرمىس ورتاسىن جاراتىپ بەرۋى، توككە سوعىلۋ، قايناعان سۋعا كۇيۋ، جىعىلۋ قاتارلىلاردان زاقىمعا ۇشىراۋ حاۋپىن دەر كەزىندە الاستاۋى كەرەك؛ ماشيناعا بالالارعا ارنالعان حاۋىپسىزدىك ورىندىعىن ورنالاستىرۋ، ازامات جاسىنا تولماعاندارعا قاتىناس قاعيداسىنا بويسۇنۋدى ۇيرەتۋ قاتارلى شارالاردى اتقارۋى، ازامات جاسىنا تولماعانداردىڭ قاتىناس شىرعالاڭىنان زاقىمدالۋىنان ساقتانۋى كەرەك؛ بولمە سىرتىنداعى حاۋىپسىزدىكتى قورعاۋ تانىمىن كۇشەيتىپ، ازامات جاسىنا تولماعانداردىڭ سۋعا تۇنشىعۋى، حايۋاناتتاردىڭ زاقىمداۋىنا ۇشىراۋى قاتارلى شىرعالاڭداردان ساقتانۋى كەرەك. سونىمەن بىرگە، باسقالارعا قاراپ تۇرۋعا تاپسىرعان كەزدە، اتا – انالاردىڭ نەمەسە قامقورشى ادامنىڭ ازامات جاسىنا تولماعاندارمەن، قاراپ تۇرۋعا تاپسىرعان اداممەن بايلانىس جاساۋ جيىلىگىن كەمىندە «اي سايىن» ءبىر رەتتەن، كەمىندە «اپتاسىنا» ءبىر رەتكە وزگەرتتى.

باس شۋجي شي جينپيڭنىڭ اس – سۋ ىسىراپشىلدىعى ارەكەتىنە تيىم سالۋ جونىندەگى ماڭىزدى نۇسقاۋىنىڭ رۋحىن دايەكتى تياناقتاندىرۋ ءۇشىن، ءۇشىنشى رەت قارالاتىن جوبادا اتا – انالار مەن باسقا قامقورشىلار ازامات جاسىنا تولماعانداردى ۇقىپتى دا ۇنەمشىل بولۋعا تاربيەلەۋ كەرەك دەپ بەلگىلەدى ءارى مىناداي بەلگىلەمەنى قوستى: مەكتەپ، بالالار باقشاسى ۇقىپتى دا ۇنەمشىل بولۋ، استىقتى ايالاۋ، ىسىراپشىلدىققا قارسى تۇرۋ، وركەنيەتتى ازىقتانۋ قاتارلى جاقتارداعى ۇگىت – تاربيە قيمىلدارىن ورىستەتىپ، ازامات جاسىنا تولماعانداردىڭ ىسىراپشىلدىق نامىس، ۇنەمشىلدىك داڭق دەيتىن تانىمدى ورناتۋىنا، وركەنيەتتى دە اقاۋسىز، جاسىل دا ورتانى قورعايتىن تۇرمىس ادەتىن قالىپتاستىرۋىنا كومەكتەسۋى كەرەك.

مۇنان سىرت، ءۇشىنشى رەت قارالاتىن جوبادا ازامات جاسىنا تولماعانداردىڭ جەكەلىك ينفورماتسيالارىن قورعاۋدى اناعۇرلىم كۇشەيتىپ، ينتەرنەتتەگى ونىمدەر مەن قىزمەت وتەۋ تۇرلەرىن قامداۋشىلاردىڭ قورعاۋ جاۋاپكەرشىلىگىن كۇشەيتتى؛ حالىق پروكۋراتۋراسىنىڭ باقىلاۋ – قۋزاۋ مىندەتى مەن جاۋاپكەرشىلىگىن ايقىندادى، ءادىليا ورگاندارىنىڭ زاڭمەن جونگە سالۋ ۇگىت – تاربيەسىن ورىستەتۋ جاعىنداعى مىندەتى مەن جاۋاپكەرشىلىگىن كۇشەيتتى؛ قامقورشىلاردىڭ قامقورشى بولۋ مىندەتى مەن جاۋاپكەرشىلىگىن زاڭ بويىنشا اتقارماۋى جاعىنداعى زاڭدىق جاۋاپكەرشىلىگى قاتارلى مازمۇندار جونىندە بەلگىلەمە جاسادى.

http://kazakh.people.com.cn/306611/15826589.html