1. اعىمداعى ورىن:
  2. باس بەت
  3. زاڭدار مەن زاڭ-ەرەجەلەر
  4. زاڭ - ەرەجە

زاڭمەن باسقارۋ اعىمدىق شولۋى: ۇلكەن ساندى مالىمەت ساۋدا ويىنىنىڭ قۇرالىنا اينالماۋى كەرەك

日期:2020年09月18日
来源:人民网
【字体:

  جۋىقتان بەرى، «ءىرى ساندى مالىمەتتەرگە قانىق بولۋ» تاقىرىبى توراپتاعى قىزۋ تالقى تۇيىنە اينالدى، بۇل مادەنيەت جانە ساياحات مينيسترلىگى وسىدان بۇرىن شىعارعان ءارى بيىل 10 – ايدىڭ 1 – كۇنىنەن باستاپ رەسمي اتقارىلاتىن «جەلىدەگى ساياحات تيجاراتى جونىنەن قىزمەت وتەۋدى باسقارۋ ۋاقىتتىق بەلگىلەمەسىنە» سايادى. اتالعان ۋاقىتتىق بەلگىلەمەدە مىنانداي ايقىن تالاپ قويىلعان، جەلىدە ساياحات شارۋاشىلىعىمەن شۇعىلدانۋشىلاردىڭ ۇلكەن ساندى مالىمەتتەرگە تالداۋ جاساۋ قاتارلى تەحنيكالىق تاسىلدەردەن بەتالدى پايدالانىپ، ساياحاتشىنىڭ تۇتىنۋ ەستەلىگى، ساياحات بەيىمدىلىگى قاتارلى ادىلەتسىز ساۋدا شارتتارىن ورناتىپ، ساياحاتشىلاردىڭ زاڭدى ۇقىق - مۇددەسىنە قول سۇعۋعا بولمايدى.

  «ۇلكەن ساندى مالىمەتكە قانىق بولۋ» جاڭا ماسەلە ەمەس، اسىرەسە توراپ تۇتىنۋ سالاسىندا كوپتەگەن ادامدار ازدى – كوپتى كەزدەستىرگەن. ءداستۇرلى تۇتىنۋشىنىڭ ساۋدا ايلاسىمەن سالىستىرعاندا، «ۇلكەن ساندى مالىمەتكە قانىق بولۋ» ءتىپتى دە شەبەرىرەك كەلەدى: جەكە تۇتىنۋشىلاردىڭ قاجەتىنە تەز ارادا دۇرىس تالداۋ جاساپ، تۇتىنۋشىلاردىڭ ساتىپ الۋ بەيىمىن دۇرىس مەجەلەۋمەن بىرگە، باعىتتامالى ورنالاستىرۋ جاسايدى، سونداي - اق ەرەكشەلىككە يە جەكە بەت ارقىلى سۇيىسپەنشىلىگىن ايگىلەگەنسىپ، تۇتىنۋشىلارعا ءوزىنىڭ قىزمەت وتەۋىنىڭ نەمەسە تاۋاردىڭ باعاسىنىڭ ارزان ەكەنىن ايتادى، ءىس جۇزىندە، سىزبەن اقىلداسپاعان ساۋدا جولىن تاۋىپ وتىر.

  جەلىدە ساياحاتتاۋ شىنىندا «ۇلكەن ساندى مالىمەتكە قانىق بولۋدىڭ» كوپ رول اتقاراتىن سالاسى، وسىنىڭ الدىندا اشكەرلەنگەن كوپتەگەن قاتىستى مىسالدار جەلىدە ساياحاتتاۋ تەكشەسىنە ساياتىن مىسالدار بار. قاتىستى جاقتار كاسىپتەردە ساقتالعان كونە كىناراتتاردى باقىلاۋ - باسقارۋ اۋماعىنا كىرگىزدى، زاڭعا، بەلگىلەمەگە قايشى ارەكەتتەردى تۇبىرىنەن تەجەپ، ساياحاتشىلاردىڭ ۇقىق - مۇددەسىن زاڭ بويىنشا قامتاماسىزداندىرىپ، جەلىدە ساياحاتتاۋ كاسىبىنىڭ جۇيەلى دامۋىن جەبەۋگە ءتيىمدى بولدى. ءتۇزىم شىعارىلعاننان تياناقتانعانعا دەيىن ناقتى ونىمدىلىككە قول جەتكىزۋ ءۇشىن تاعى ءبىراز ارالىق بار، بۇل ءتۇزىم جوباسىنىڭ يكەمدىلىگىن دە، زاڭ اتقارۋ ورەسى مەن زاڭ اتقارۋ تەبىنىن دە سىننان وتكىزەدى. الايدا، قايتكەن كۇندە دە، قوعام نازار اۋدارىپ وتىرعان ىستەرگە شىنايى جاۋاپ قايتارعان ساياسات جاقسى باستاما ەسەپتەلەدى.

  ارينە، «ۇلكەن ساندى مالىمەتكە قانىق بولۋ» تەك جەلىدەگى ساياحات سالاسىندا عانا ەمەس، ءىرى ساندى مالىمەتتەن الباتى پايدالانۋ جاعدايى دا «قانىق بولۋدىڭ» ءبىر جاعى عانا ەمەس. بۇل ءۇشىن، ءبىر جاعىنان، جوعارىدا ايتىلعان اماليات بارىسىندا قانداي ونىمدىلىككە قول جەتكىزۋگە قاداعالاي نازار اۋدارىپ، دەر كەزىندە سايكەستى شارالاردى كەمەلدەندىرۋىمىز؛ ەندى ءبىر جاعىنان، باسقا ەلەكتروندى ساۋدا سالاسىندا ساياحات سالاسىنىڭ تاجىريبە تاسىلدەرىنەن ۇلگى الىپ، ءوز ءىس جۇزىندىك جاعدايىمەن ۇشتاستىرىپ، قاتىستى كاسىپتەردىڭ نەمەسە سالالاردىڭ ءتۇزىم مەحانيزمىن كەمەلدەندىرۋدى ىلگەرىلەتىپ، «ۇلكەن ساندى مالىمەتكە قانىق بولۋدان» ساقتانۋ جانە ونى تۇزەتۋ كەرەك. سونىمەن بىرگە، قاتىستى ساندى مالىمەت زاڭىن ءتىپتى دە جوعارى دارەجەدەن كەمەلدەندىرۋ قاجەت، جۇيەلى، جان - جاقتىلى زاڭمەن باسقارۋ ءتاسىلى ارقىلى «ۇلكەن ساندى مالىمەتكە قانىق بولۋدى» قامتىعان ءىرى ساندى مالىمەتتەردى بەتالدى پايدالانۋ ماسەلەسىن ءونىمدى جونگە سالۋ كەرەك، ءىرى ساندى مالىمەتتەردىڭ بەلسەندى رولىن تولىق ساۋلەلەندىرۋمەن بىرگە، ولاردىڭ ساۋدا سايقالدىق قۇرالىنا اينالۋىنان ساقتانۋ كەرەك.

http://kazakh.people.com.cn/306611/15824561.html