تاياۋدا ەڭ جوعارى حالىق پروكۋراتۋراسى بۇكىل ەلدەگى پروكۋراتۋرا ورگاندارىنىڭ ۇرلىق، توناۋشىلىق ىستەۋدى زاڭ بويىنشا جازالاۋىنداعى تيپتىك دەلولاردى حابارلاندىردى. ساناق ساندى مالىمەتىندە كورسەتىلۋىنشە، 3 - ايدا مەملەكەت بويىنشا پروكۋراتۋرا ورگاندارى قابىلداعان، تەكسەرگەن دەلو جالپى 12 مىڭ 883 پارشا بولىپ، 16 مىڭ 795 ادامعا سايعان، مۇنىڭ ىشىندە توناۋشىلىق دەلوسى 298 پارشا، 402 ادامعا سايادى، ۇرلىق دەلوسى 2 مىڭ 292 پارشا، 2 مىڭ 631 ادامعا سايادى؛ 4 - ايدا بۇكىل ەلدەگى پروكۋراتۋرا ورگاندارى قابىلداپ، تەكسەرىپ قولعا الۋدى بەكىتكەن دەلو 26 مىڭ 810 پارشا بولىپ، 38 مىڭ 670 ادامعا سايعان، ساقينا ءتارىزدى كورسەتكىش بويىنشا %108 جانە %130 جوعارىلاعان، مۇنىڭ ىشىندە توناۋشىلىق دەلوسى 613 پارشا بولىپ، 951 ادامعا سايعان، ساقينا ءتارىزدى كورسەتكىش بويىنشا %106 جانە %137 جوعارىلاعان، ۇرلىق دەلوسى 5 مىڭ 574 پارشا بولىپ، 6 مىڭ 786 ادامعا سايعان، ساقينا ءتارىزدى كورسەتكىش بويىنشا شامامەن %143 جانە %158 جوعارىلاعان.
ەڭ جوعارى حالىق پروكۋراتۋراسى 1 – پروكۋراتۋرا مەڭگەرمەسىنىڭ باستىعى مياۋ شىڭميڭ مىنانى ءبىلدىردى: ءوندىرىس، تۇرمىس ءتارتىبىنىڭ بىرتىندەپ قالپىنا كەلۋىنە بايلانىستى، ەكونوميكالىق، قوعامدىق تۇرمىس كۇن سايىن جاندانىپ كەلەدى، وسىنداي جاعدايدا كەيبىر زاڭعا قايشى قىلمىستىق ارەكەتتەر دە باس كوتەردى، وتە - موتە ۇرلىق، توناۋشىلىق سياقتى قىلمىستاردا كوبەيۋ ءجايتى بايقالدى، پروكۋراتۋرا ورگاندارى قوعام حاۋىپسىزدىگى ورگاندارىمەن تىعىز سايكەسىپ، ۇرلىق، توناۋشىلىق سياقتى حالىق بۇقاراسىنىڭ باس اماندىعى مەن مال - مۇلىك حاۋىپسىزدىگىنە اۋىر زالال جەتكىزەتىن قىلمىستاردى جازالاۋدى كۇشەيتىپ، قوعامدىق جالپى جاعدايدىڭ ورنىقتىلىعىن قورعاۋى كەرەك.
