قوعام حاۋىپسىزدىگى مينيسترلىگى، وقۋ - اعارتۋ مينيسترلىگى 10 - ايدىڭ 15 - كۇنى تۇستەن كەيىن جۇڭگو حالىق ۋنيۆەرسيتەتىندە «جاستىق كوكتەمىن قورعاۋ» − «ءجۇز قالا، مىڭ مەكتەپتە» «شىرعالى قارىزدان»، تەلەگراف، توراپ الدامكوستىگىنەن ساقتانۋ جونىندەگى شوعىرلى ۇگىت قيمىلىن بىرگە باستادى. بۇل قيمىلدا ستۋدەنتتەر قاۋىمىنا نازار اۋدارىلىپ، الدامكوستىك ىستەۋگە قارسى تۇرۋ تاربيەسى جۇرگىزىلىپ، بۇكىل ەلدەگى جوعارى مەكتەپتەردە شوعىرلى ۇگىت - لەكسيا ورىستەتىلەدى.
ۇعىسۋعا قاراعاندا، تاياۋ جىلداردان بەرى «شىرعالى قارىزدى»، تەلەگراف، توراپ الدامشىلىعىن ۋاكىلدىك ەتكەن جاڭاشا توراپ قىلمىسى قاۋىرت اسقىنعان. كەيبىر زاڭسىز ەلەمەنتتەر ستۋدەنتتەردىڭ قوعامدىق تاجىريبەسىنىڭ كەمشىل بولۋ ەرەكشەلىگىنەن پايدالانىپ، زاڭسىز توراپتىق قارىز اقشا بەرۋ تەكشەسى، قوسىمشا مىندەت وتەپ تالون ساتىپ الۋ الدامشىلىعى، توراپتىق ويىن الدامشىلىعى، توراپتىق زات ساتىپ الۋ الدامشىلىعى سياقتى تاسىلدەر ارقىلى ستۋدەنتتەردىڭ مۇددەسىنە زيان جەتكىزىپ، جاس وقۋشىلاردىڭ دەنساۋلىعى مەن ۇيرەنۋىنە، تۇرمىسىنا اۋىر ىقپال جاساعان.
باستالۋ سالتىنىڭ ناق مايدانىندا الدامكوستىك ىستەۋگە قارسى تۇرۋ تاربيە كەسكىنى تاراتىلدى، سونداي - اق «سىپيڭ ساقشى ىستەرى» توبى زاڭسىز ەلەمەنتتەردىڭ الدامكوستىگىن اشكەرەلەيتىن يۋمورلى تەاتردى ورىندادى. ارتيست حۋاڭ لەي، جيلين ولكەسى سىپيڭ قالالىق قوعام حاۋىپسىزدىگى مەكەمەسىنىڭ حالىق ساقشىسى دۇڭ جىڭ، جۇڭگو حالىق ۋنيۆەرسيتەتى شۋاق الەۋمەتتىك يگىلىك قوعامى قاتارلىلار «وقۋشىلاردىڭ حاۋىپسىزدىك تاربيەسى ۇگىت ەلشىلىگىنە» ۇسىنىس ەتىلدى.
قوعام حاۋىپسىزدىگى مينيسترلىگىنىڭ، وقۋ - اعارتۋ مينيسترلىگىنىڭ ورنالاستىرۋىنا ساي، جەر - جەردەگى قوعام حاۋىپسىزدىگى ورگاندارى ءىرى جوعارى مەكتەپتەرگە بارىپ، مەكتەپتەگى وقۋشىلارعا ءتۇرلى فورماداعى حاۋىپسىزدىك تاربيەسى قيمىلىن ورىستەتەدى، سونىمەن بىرگە، بۇكىل ەلدەگى ستۋدەنتتەردى «شىرعالى قارىزدان»، تەلەگراف، توراپ الدامشىلىعىنان ساقتانۋ تاقىرىبىندا ميكرو كينو، قىسقا كەسكىن، كارتون فيلم، جارناما گازەتى سياقتىلاردى جاساۋعا جۇمىلدىرادى. قوعام حاۋىپسىزدىگى مينيسترلىگى، وقۋ - اعارتۋ مينيسترلىگى تىڭشۇن تورابىنىڭ حاۋىپسىزدىك ساباعى، قورعاۋشى دەتال تەكشەسىمەن بىرگە شىعارعان «تەلەگراف، توراپ الدامشىلىعىنان ساقتانۋ تاربيەسى قولدانباسى»، سونداي - اق حاۋىپسىزدىك تاربيەسى وقۋلىعىنىڭ كەسكىنى قاتارلىلار بۇكىل ەل كولەمىندە ءبىر ۋاقىتتا تاراتىلادى.
