ورتالىق ءتارتىپ تەكسەرۋ كوميتەتى جانە مەملەكەتتىك باقىلاۋ كوميتەتى تورابىنىڭ حابارلاۋىنشا، جۋىردا مەملەكەتتىك ءىرىپ – شىرۋگە قارسى تۇرۋدى سايكەستىرۋ گرۋپپاسى حالىقارالىق قاشقىنداردى قۋعىنداۋ، قاراجاتتى قايتارىپ اكەلۋ كەڭسەسىنىڭ ءبىرتۇتاس سايكەستىرۋىندە، حىنان ولكەسى، شاۋياڭ قالاسى سىندى ەكى دارەجەلى ءتارتىپ تەكسەرۋ – باقىلاۋ ورگاندارىنىڭ، قوعام حاۋىپسىزدىگى ورگاندارىنىڭ تىنباي ەڭبەكتەنۋىنىڭ ارقاسىندا، ساقشى جاق قىزمەتتىك قىلمىس كۇمانىمەن شەتەلدە قاشىپ جۇرگەنىنە 17 جىل بولعان قىلمىس كۇماندىسى داي يۋەبيڭدى ءماجبۇرلى تۇردە ەلىمىزگە قايتارىپ اكەلدى.
داي يۋەبيڭ، ەر، 1974 – جىلى تۋعان، حۋنان ولكەسى ۋگاڭ قالاسى تەمەكى سەرىكتەستىگىنىڭ بۇرىنعى كاسسيرى. داي يۋەبيڭ 2002 – جىلى قىزمەت قولايلىلىعىنان پايدالانىپ، سەرىكتەستىكتىڭ اقشاسىن قىمقىرىپ قاشىپ كەتكەن ءارى سالاۋاتىن وزگەرتىپ، ۇزاق ۋاقىت بويى شەتەلدە جاسىرىن قاشىپ جۇرگەن. 2002 – جىلى 4 – ايدا ۋگاڭ قالالىق حالىق پروكۋراتۋراسى قيانات جاساۋ قىلمىسى كۇمانى بويىنشا وعان دەلو تۇرعىزىپ، تەكسەرۋ جۇرگىزگەن. 2016 – جىلى حالىقارالىق قىلمىستىق ىستەر ساقشى ۇيىمى ونىڭ ۇستىنەن قىزىل ءتۇستى قۋعىنداۋ بۇيرىعىن شىعارعان. داي يۋەبيڭ دەلو تورىنا تۇسكەن سوڭ، قيانات قىلعان اقشانى ىرىقتىلىقپەن قايتارعان.
ورتالىق كوميتەتتىڭ قاشقىنداردى قۋعىنداپ، قاراجاتتى قايتارىپ الۋ كەڭسەسىنىڭ جاۋاپتىسى مىنانى ءبىلدىردى: داي يۋەبيڭدى ماجبۇرلەپ قايتارىپ اكەلۋ — زاڭمەن باسقارۋ وي جەلىسى بويىنشا، زاڭمەن باسقارۋ ءتاسىلى ارقىلى قاشقىنداردى قۋعىنداۋ، قاراجاتتى قايتارىپ اكەلۋ قىزمەتىن ورىستەتۋدىڭ ەڭ جاڭا تابىسى، بۇل پارتيا ورتالىق كوميتەتىنىڭ قاشسا بولدى قۋعىنداۋ، سوڭىنا دەيىن قۋعىنداۋ سىندى ايقىن مايدانى مەن بەرىك بەكىمىن تاعى دا ايگىلەدى. ءبىز الدا قاتىستى مەملەكەتتەرمەن زاڭ اتقارۋ جاعىنداعى سەلبەستىك تەبىنىن ۇزدىكسىز كۇشەيتىپ، ءىرىپ – ءشىرۋ قىلمىسىنا بىرگە سوققى بەرەمىز، وتكىزىپ بەرۋ، قايتارىپ بەرۋ، ۇكىم شىعارىلعان ادامدى باسقارۋعا جوتكەپ بەرۋ قاتارلى زاڭدىق جولدار ارقىلى، شەتەلگە قاشقان جەمقورلاردى تۇتقىنداپ، زاڭ قۇرىعىنان قۇتىلدىرمايمىز.
