10 - ايدىڭ 11 - كۇنى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى توراپ بەكەتىندە «ورتا كۇز، مەملەكەت مەرەكەسى كەزىندەگى <ءتورت بۇرىس ستيل> ماسەلەسىن باقىلاۋ، اشكەرەلەۋ، جاريا ەتۋ ارناۋلى ستونى» كوپ جەردە تەكسەرىپ ءبىر جاقتى ەتىلگەن «ءتورت بۇرىس ستيل» ماسەلەسىندەگى 8 تيپتىك دەلونى حابارلاندىردى. بۇل وسى ستوندا «اپتالىق حابارلاندىرۋ» جاريالانعاننان بەرگى ەكىنشى رەتكى شوعىرلى اشكەرەلەۋ بولدى.
حابارلاندىرىلعان ماسەلەلەر تيانجين، جىجياڭ، انحۇي، گۋاڭشي قاتارلى 8 ولكەدەن (اۆتونوميالى رايون، توتە قاراستى قالا) شىققان، بۇلار بەلگىلەمەگە قايشىلىق جاساپ يگىلىك، قوسىمشا قاراجات تاراتۋ، ۇكىمەت اۆتوموبيلىن جەكە جۇمىسقا ىستەتۋ، ۇيىرمە باستاپ ىعىن تاۋىپ ساياحاتتاۋ، توي – تومالاق، ءنازىر – شىراق ىستەرىندە بەلگىلەمەگە قايشىلىق جاساۋ سياقتى كوپ تۇرگە سايادى. حابارلاندىرۋ «ءتورت بۇرىس ستيل» ماسەلەسىنىڭ قايتالانۋىن تەجەۋدە كۇشتى سەس كورسەتۋ رولىنا يە.
