ورتالىق ءتارتىپ تەكسەرۋ كوميتەتى مەن مەملەكەتتىك باقىلاۋ كوميتەتى تورابىنىڭ حابارلاۋىنشا، ج ك پ يۇننان ولكەلىك پارتكومنىڭ بەكىتۋىمەن، يۇننان ولكەلىك ءتارتىپ تەكسەرۋ كوميتەتى مەن مەملەكەتتىك باقىلاۋ كوميتەتى يۇننان ولكەلىك ساياسي كەڭەس باس حاتشىسىنىڭ بۇرىنعى ورىنباسارى چىن يۇنشىڭنىڭ تارتىپكە، زاڭعا اۋىر دارەجەدە قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.
تەكسەرۋگە قاراعاندا، چىن يۇنشىڭ يۇننان ولكەلىك قابىلداۋ كەڭسەسىنىڭ مەڭگەرۋشىسى، ولكەلىك جان سانى جانە جوسپارلى تۋىت كوميتەتى پارتگرۋپپاسىنىڭ شۋجيى، مەڭگەرۋشىسى، ولكەلىك ساياسي كەڭەس باس حاتشىسىنىڭ ورىنباسارى قاتارلى مىندەتتەردى وتەگەن مەزگىلدە، ۇيىمدىق تارتىپكە اۋىر دارەجەدە قايشىلىق جاساپ، وزگەلەردىڭ ءمانسابىنىڭ وسۋىنە كومەكتەسىپ، پايدا العان؛ پاكتىك تارتىبىنە اۋىر دارەجەدە قايشىلىق جاساپ، وزگەلەردەن ساۋعا العان؛ مەملەكەتتىڭ زاڭ – تۇزىمدەرى مەن بەلگىلەمەلەرىنە قايشىلىق جاساپ، قىزمەتتەگى قولايلىلىعىنان پايدالانىپ، وزگەلەردىڭ مۇددەسىن كۇيتتەپ، ولاردان مال – مۇلىك قابىلداعان. ونىڭ ارەكەتتەرى تارتىپكە قايشى كەلگەن ءارى قىلمىستىق ءىس كۇمانىن قالىپتاستىرعان.
