ورتالىق ءتارتىپ تەكسەرۋ كوميتەتى مەن مەملەكەتتىك باقىلاۋ كوميتەتىنىڭ تورابى 9 – ايدىڭ 19 – كۇنى «ورتاڭعى كۇز مەرەكەسى مەن مەملەكەت مەرەكەسى مەزگىلىندەگى ‹ءتورت بۇرىس ستيل› ماسەلەلەرىنە قاتىستى باقىلاۋ، مالىمدەۋ، اشكەرەلەۋ ارناۋلى ستونىندا» جەر – جەرلەردە انىقتالعان «ءتورت بۇرىس ستيل» ماسەلەلەرىنە قاتىستى تيپتىك دەلولاردان 8 دەلونى جاريالادى. بۇل اتالعان ستوندا «اپتالىق حابارلاندىرۋ» ايدارشاسىن اشقاننان بەرى تۇڭعىش توپتا شوعىرلى جاريالاعان مالىمەت ەسەپتەلەدى.
جاريالانعان ماسەلەلەر تيانجين، لياۋنيڭ، جيلين، جىجياڭ قاتارلى ولكە، توتە قاراستى قالالاردا تۋىلعان، بۇل ماسەلەلەر بەلگىلەمەگە قايشى تۇردە زاتتاي نەمەسە اقشالاي ساۋعا الۋ، ۇكىمەت قاراجاتىمەن ساياحاتتاۋ، جەكەلىك اۆتوكولىگىنە جۇمساعان قاراجاتىن ۇكىمەت قاراجاتىنان كوتەرۋ، ۇكىمەت قاراجاتىمەن ءىشىپ – جەۋ، بەلگىلەمەگە قايشى تۇردە باسقارۋ جانە قىزمەت وتەۋ وبيەكتىسىنىڭ قوناعاسىعا ۇسىنىس ەتۋىن قابىلداۋ، بەلگىلەمەگە قايشى تۇردە حال سۇراۋ قاراجاتى مەن قوسىمشا قاراجات تاراتۋ قاتارلى ءتۇرلى جاقتارعا سايادى، بۇل حابارلاندىرۋ مەملەكەت مەرەكەسى مەزگىلىندە «ءتورت بۇرىس ستيل» ماسەلەلەرىنىڭ قايتا باس كوتەرۋىنەن ساقتانۋدا ءبىرشاما زور سەسكەندىرۋ رولىن اتقارادى.
