جۇڭگو عىلىم – تەحنيكا بىرلەستىگى پارتگرۋپپاسىنىڭ بۇرىنعى مۇشەسى، شۋجيچۋىنىڭ شۋجيى، تۇراقتى مۇشەسى چىن گاڭنىڭ پارا الۋ كۇمانى دەلوسىنا مەملەكەتتىك باقىلاۋ كوميتەتى تەكسەرۋدى اياقتاتىپ، ەڭ جوعارى حالىق پروكۋراتۋراسىنىڭ بەلگىلەۋى بويىنشا، جياڭسۋ ولكەسى نانجيڭ قالالىق حالىق پروكۋراتۋراسىنىڭ تەكسەرۋ جۇرگىزۋىنە جانە ايىپتاۋ كوتەرۋىنە وتكىزىپ بەرگەن. جۋىردا نانجيڭ قالالىق حالىق پروكۋراتۋراسى نانجيڭ قالالىق ورتا دارەجەلى حالىق سوتىنا وسى دەلو جونىندە ايىپتاۋ كوتەرگەن.
پروكۋراتۋرا ورگانى تەكسەرۋ جانە ايىپتاۋ كوتەرۋ كەزەڭىندە ايىپكەر چىن گاڭعا يگىلىكتەنەتىن ارىز – شاعىىم ۇقىقتارىن ۇقتىردى ءارى ايىپكەر چىن گاڭنان جاۋاپ الدى، اقتاۋشىنىڭ پىكىرىن ەستىدى. پروكۋراتۋرا ورگانى مىناداي ايىپتاۋ كوتەردى: ايىپكەر چىن گاڭ بەيجيڭ قالالىق جوسپارلاۋ كوميتەتىنىڭ مەڭگەرۋشىسى، بەيجيڭ قالالىق حالىق ۇكىمەتى باستىعىنىڭ ورىنباسارى، ج ك پ بەيجيڭ قالالىق پارتكومىنىڭ تۇراقتى مۇشەسى، قالا باستىعىنىڭ ورىنباسارى قاتارلى مىندەتتەردى وتەگەن مەزگىلدە، قىزمەتىندەگى قولايلىلىقتان پايدالانىپ، باسقالاردىڭ مۇددەسىن كۇيتتەگەن، نەمەسە ءوزىنىڭ مىندەت ۇقىعى مەن قىزمەت ورنىنان قالىپتاسقان قولايلى شارت – جاعدايدان پايدالانىپ، مەملەكەت قىزمەتىندەگى وزگە ادامداردىڭ قىزمەتتىك ارەكەتى ارقىلى وزگەلەردىڭ ۇيلەسىمسىز مۇددەسىن كۇيتتەپ، باسقالاردان زاڭسىز تۇردە ەرەكشە كوپ مولشەردە مال – مۇلىك العان، زاڭ بويىنشا پارا الۋ قىلمىسى رەتىندە قىلمىستىق ىستەر جاۋاپكەرشىلىگىن قۋزاستىرۋ قاجەت.
