1. اعىمداعى ورىن:
  2. باس بەت
  3. زاڭدار مەن زاڭ-ەرەجەلەر
  4. زاڭ - ەرەجە

تاياۋدا كوپ جەردە شارتقا ۇيلەسەتىن جازا وتەپ جاتقان قىلمىستىلار زاڭ بويىنشا ەرەكشە كەشىرىمگە يە بولدى

زاڭمەن باسقارۋ مەن مورالمەن باسقارۋدى ۇشتاستىرىپ، تاماشا ونىمدىلىككە كەپىلدىك ەتەيىك

日期:2019年07月31日
来源:人民网
【字体:

مەملەكەت ءتوراعاسى شي جينپيڭ 6 - ايدىڭ 29 - كۇنى ەرەكشە كەشىرىم ەتۋ بۇيرىعىن قول قويىپ جاريالادى، مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 11 - ماجىلىسىندە ماقۇلدانعان مەملەكەتتىك حالىق قۇرىلتايى تۇراقتى كوميتەتىنىڭ جۇڭحۋا حالىق رەسپۋبليكاسى قۇرىلعانىنىڭ 70 جىلدىعى قارساڭىندا جازا وتەپ جاتقان ءىشىنارا قىلمىستىلارعا ەرەكشە كەشىرىم ەتۋ جونىندەگى قاۋلىسىنا ساي، جازا وتەپ جاتقان 9 تۇردەگى قىلمىسكەرلەرگە ەرەكشە كەشىرىم ەتتى.

زاڭ تۇتاس قوعامعا تىنىشتىق ورناتادى، ءمورال كوپكە ىزگىلىك سيلايدى. تاياۋدا كوپتەگەن شارت - جاعدايعا ۇيلەسەتىن قىلمىستىلار زاڭ بويىنشا ەرەكشە كەشىرىمگە يە بولدى. جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن قۇتتىقتاۋ قارساڭىندا جازا وتەپ جاتقان ءىشىنارا قىلمىستىلارعا ەرەكشە كەشىرىم جاساۋ − ەلىمىزدىڭ نەگىزگى زاڭىندا بەلگىلەنگەن ەرەكشە كەشىرىم ەتۋ ءتۇزىمىن اتقارۋداعى تاعى ءبىر ماڭىزدى اماليات، مەملەكەتتى زاڭمەن باسقارۋ مەن مەملەكەتتى مورالمەن باسقارۋدى ۇشتاستىرۋدىڭ ناقتى بەينەسى، ول كەلەلى ساياسي مانگە جانە زاڭمەن باسقارۋ مانىنە يە.

قىلمىسىن ادالدىقپەن مويىنداۋ، رايىنان قايتۋ ــ ەرەكشە كەشىرىم ەتۋدىڭ العى شارتى

7 – ايدىڭ 21 - كۇنى لۋ ×× جياڭسۋ ولكەسىنىڭ حايمىن قالالىق حالىق سوت مەكەمەسىنە كەلىپ، وزىنە ەرەكشە كەشىرىم ەتۋ جونىندەگى كەسىمدى قابىلداپ، ەرەكشە اسەرلەندى.

 جازا وتەۋ كەزىندە لۋ ×× قىلمىسىن تانىپ، زاڭعا بويسۇنىپ، تاربيەنى، وزگەرتۋدى مۇقيات قابىلداپ، 3 رەت ماداقتاۋعا يە بولدى. جياڭسۋ ولكەسى ۋ - شي قالالىق ورتا حالىق سوت مەكەمەسى قاراۋ ارقىلى لۋ ×× تىڭ جازاسىن وتەپ جاتقان كەزىندە شىنىندا رايىنان قايتۋ بەينەسى بار، شارتتى بوساتىلعاننان كەيىن تۇرعىندار رايونىنا ناشار ىقپال جاسامايدى، شارتتى بوساتۋ شارتىنا ۇيلەسەدى، زاڭ بويىنشا قىلمىسكەر لۋ ×× تى شارتتى بوساتۋ كەرەك دەپ قارايدى.

وسىدان كەيىن لۋ ×× الەۋمەتتىك اۋماقتىڭ تۇزەتۋ ورايىن ەرەكشە قاستەرلەپ، ەرەجەگە، زاڭعا سانالى بويسۇنىپ، يدەيا جانە ارەكەت جاعىنان قىلمىسىن تانىپ وپىق جەپ، الەۋمەتتىك اۋماقتىڭ قىزمەت وتەۋ مىندەتىن جوعارى ولشەممەن ورىنداپ، زاڭعا بويسۇناتىن تولىمدى ازامات بولۋ نىساناسىنا ۇزدىكسىز قۇلشىنادى، اقىرى وسى رەتكى ەرەكشە كەشىرىم ەتۋ بارىسىندا قاتىستى شارت – جاعدايلارعا ساي كەلۋ سەبەبىنەن ەرەكشە كەشىرىمگە يە بولادى.