جۇڭگو كوممۋنيستىك پارتياسى اقپارات تورابىنىڭ 7 – ايدىڭ 23 – كۇنى بەيجيڭنەن بەرگەن حابارى، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتىنىڭ توراپ بەكەتى تاياۋدا 2019 – جىلدىڭ الدىڭعى جارتىسىنداعى بۇكىل ەلدەگى ءتارتىپ تەكسەرۋ، باقىلاۋ ورگاندارىنىڭ باقىلاۋ، تەكسەرۋ جاعدايىن حابارلاندىردى. ساندى مالىمەتتە كورسەتىلۋىنشە، 2019 ـ جىلدىڭ العاشقى جارىمىندا، بۇكىل ەلدەگى ءتارتىپ تەكسەرۋ، باقىلاۋ ورگاندارى ارىز ـ ارمان، اشكەرەلەۋ بويىنشا ءبىر ميلليون 609 مىڭ رەت ارىز ـ ارمان، اشكەرەلەۋ قابىلداپ، 819 مىڭ ماسەلەنى ءبىر جاقتى ەتكەن، 168 مىڭ رەت اڭگىمەلەسكەن، حات ارقىلى ۇعىسقان، 315 مىڭ پارشا دەلو تۇرعىزىپ، 254 مىڭ ادامعا شارا قولدانعان (مۇنىڭ ىشىندە 215 مىڭ ادامعا پارتيا ءتارتىبى جازاسى بەرىلگەن). ولكە، مينيستر دارەجەلى 20 كادر، مەڭگەرمە، مەكەمە دارەجەلى 2 مىڭ كادر، اۋدان، باسقارما دارەجەلى 11 مىڭ كادر، اۋىل، ءبولىم دارەجەلى 37 مىڭ كادر، ادەتتەگى كادردەن 43 مىڭ ادام، اۋىل - قىستاق، كاسىپورىن سياقتى باسقا دا قىزمەتكەرلەردەن 161 مىڭ ادام جازالانعان.
2019 - جىلدىڭ العاشقى جارىمىندا، بۇكىل ەلدەگى ءتارتىپ تەكسەرۋ، باقىلاۋ ورگاندارى ءتارتىپتىڭ اتقارىلۋىن باقىلايتىن «ءتورت ءتۇرلى فورمادان» پايدالانىپ 812 مىڭ ادام - رەت ءبىر جايلى ەتتى . مۇنىڭ ىشىندە ءبىرىنشى فورماتسياداعىلار 552 مىڭ ادام - رەت بولىپ، «ءتورت ءتۇرلى فورماتسياداعى» ءبىر جاقتى ەتىلگەندەر جالپى سانىنىڭ 68 پايىزىن ۇستادى؛ ەكىنشى فورماتسياداعىلار 196 مىڭ ادام - رەت بولىپ، 24.2 پايىزىن ۇستادى؛ ءۇشىنشى فورماتسياداعىلار 32 مىڭ ادام – رەت بولىپ، 4 پايىزىن؛ ءتورتىنشى فورماتسياداعىلار 31 مىڭ ادام - رەت بولىپ، 3.8 پايىزىن ۇستادى.
