1. اعىمداعى ورىن:
  2. باس بەت
  3. زاڭدار مەن زاڭ-ەرەجەلەر
  4. زاڭ - ەرەجە

الدىڭعى 5 ايدا ازىق ـ تۇلىك حاۋىپسىزدىگى قىلمىستىق دەلولارىنان 4500دەن استامى اشكەرەلەندى

قوعام حاۋىپسىزدىگى مينيسترلىگى جارىم جىلدىق شوعىرلى سوققى بەرۋ قيمىلىن ورىستەتۋدى ورنالاستىردى

日期:2019年07月04日
来源:人民网
【字体:

قوعام حاۋىپسىزدىك مينيسترلىگىنەن ۇعىسقان حابارى: بيىل 1 – ايدان 5 – ايعا دەيىن بۇكىل ەلىمىز كولەمىندە ازىق ـ تۇلىك حاۋىپسىزدىگى قىلمىستىق دەلولارىنان 4500دەن استامى اشكەرەلەندى، 8500دەي قىلمىس كۇماندىسى قولعا ءتۇستى، قيراتىلعان قارا زاۆود، قارا شەبەرحانا، قارا اپان 3800گە جەتتى، قىلمىستىق ارەكەتتەرگە پارمەندى سەس كورسەتىلىپ، ازىق – تۇلىك حاۋىپسىزدىگىنىڭ ءۇرتىس ورنىقتى دا جاقسى بولۋ جاعدايىن ساقتادى.

بيىل قوعام حاۋىپسىزدىگى مينيسترلىگى جاڭادان قۇرعان ازىق - تۇلىك، ءدارى - دارمەك قىلمىستارىن بارلاۋ مەكەمەسى تاياۋدا قوعام حاۋىپسىزدىگى مينيسترلىگىنىڭ اقپار جاريالاۋ ماجىلىسىندە تۇڭعىش رەت جۇرتپەن جۇزدەستى. تانىستىرۋعا قاراعاندا، 2019 ـ جىلدىڭ باسىندا، ورتالىقتىڭ پارتيا مەن مەملەكەت قۇرىلىمدارى رەفورماسىن تەرەڭدەتۋ جونىندەگى جالپى ورنالاستىرۋى مەن ورتالىق بەكىتكەن قۇرىلىم رەفورماسى جوباسىنا ساي، قوعام حاۋىپسىزدىگى مينيسترلىگى كوپتەگەن كاسىپتىك مەكەمەلەردىڭ قاتىستى مىندەتتەرىن بىرىكتىرىپ، ازىق ـ تۇلىك، ءدارى ـ دارمەك قىلمىستارىن بارلاۋ مەكەمەسىن ارناۋلى قۇرىپ، ازىق ـ تۇلىك، ءدارى ـ دارمەك جانە ءبىلىم مەنشىك ۇقىعى، ەكولوگيالىق ورتا، ورمان، جايىلىم، بيولوگيالىق حاۋىپسىزدىك سياقتى سالالارداعى قىلمىستارعا سوققى بەرۋ مىندەتىن ءبىرتۇتاس ۇستىنە العان.

ءتىلشىنىڭ ۇعىسۋىنشا، كوز الدا ازىق - تۇلىك حاۋىپسىزدىگىنە زالال جەتكىزۋ قىلمىسىنداعى كورنەكتى ماسەلەلەرگە قاراتا، قوعام حاۋىپسىزدىگى مينيسترلىگى ازىق - تۇلىك، ءدارى - دارمەك قىلمىستارىن بارلاۋ مەكەمەسى قاتىستى تاراۋلارمەن بىرگە ىشكەرىلەي زەرتتەۋ جۇرگىزگەن، تاياۋدا بۇكىل ەلدەگى قوعام حاۋىپسىزدىگى ورگاندارىنىڭ جارىم جىلدىق شوعىرلى سوققى بەرۋ قيمىلىن ورىستەتۋى جونىندە ورنالاستىرۋ جاساپ، باعىتتامالى شارالار قولدانىپ، ەت ونىمدەرى، ازىقتىق اۋىل شارۋاشىلىق ونىمدەرى، جالعان ايگىلى ماركالى اراق تۇرلەرى سياقتى ءتۇيىندى سالالاردى كورنەكتىلەندىرەدى. ساۋدا سارايلارىنىڭ ەرەن بازارى ، تولايىم بازارى، اۋىل - قىستاق جارمەنكەسى، مەكتەپتىڭ توڭىرەگى سياقتى ءتۇيىندى ورىنداردى، توراپتا بارلاۋ جۇرگىزۋدى كورنەكتىلەندىرىپ، ءبىر توپ ءىرى، ماڭىزدى دەلولاردى بارلاپ اشتى، ءبىر توپ قىلمىس تۇيىندەرىن، قىلمىس تىزبەگىن تالقانداپ، ءبىر توپ ءتۇيىندى ورىنداردى جونگە سالىپ، ءبىر توپ قىلمىستىلاردى زاڭ بويىنشا قاتاڭ جازالادى، ازىق - تۇلىك حاۋىپسىزدىگىنىڭ باياندى، ورنىقتى جاعدايىن شىنايى بەكەمدەدى.