«حاربين قالاسى حۋلان رايوندىق پارتكومنىڭ بۇرىنعى شۋجيى جۋ حۇي تارتىپكە، زاڭعا اۋىر دارەجەدە قايشىلىق جاساۋ جانە قارا قول سيپاتىندىق ۇيىمدارعا ‹باسقالقا› بولۋ كۇمانىمەن ءتارتىپ جاعىنداعى تەكسەرۋدى جانە باقىلاۋ جاعىنداعى تەكسەرۋدى قابىلداۋدا». 6 – ايدىڭ 30 – كۇنى تۇستەن كەيىن ساعات 6دان 5 مينۋت وتكەندە، ورتالىق ءتارتىپ تەكسەرۋ كوميتەتى جانە مەملەكەتتىك باقىلاۋ كوميتەتى تورابى ءمانساپتىلاردىڭ تارتىپكە قايشىلىق جاساۋىنا قاتىستى 6 – ايداعى ەڭ سوڭعى ينفورماتسيانى جاريالادى.
ءتىلشىنىڭ ورتالىق ءتارتىپ تەكسەرۋ كوميتەتى جانە مەملەكەتتىك باقىلاۋ كوميتەتى تورابىنىڭ «تەكسەرۋ» ايدارشاسىنان بايقاۋىنشا، بيىل 6 – ايدا اتالعان ايدارشادا 60 نەشە كادرعا قاتىستى دەلو ينفورماتسيالارى جاريالانعان، بۇل ينفورماتسيالار ورتالىق كوميتەت ۇيىمداستىرۋ ءبولىمىنىڭ باسقارۋىنداعى 2 كادرگە، ورتالىق كوميتەت جانە مەملەكەتتىك ورگاندارداعى، مەملەكەت يەلىگىندەگى كاسىپورىندارداعى جانە فينانس ورىندارىنداعى كادرلارعا، سونداي – اق، ولكەلىك كوميتەتتىڭ ۇيىمداستىرۋ ءبولىمىنىڭ باسقارۋىنداعى 50 نەشە كادرعا قاتىستى بولعان.
6 – ايدا حابارلاندىرۋ شىعارىلعان ورتالىق كوميتەتتىڭ باسقارۋىنداعى ەكى كادر، بىرەۋى — ىشكى موڭعۇل اۆتونوميالى رايوندىق پارتكومنىڭ بۇرىنعى تۇراقتى مۇشەسى، حوححوت قالالىق پارتكومنىڭ بۇرىنعى شۋجيى يۇن گۋاڭجۇڭ، ەندى بىرەۋى — سانشي ولكەلىك حالىق قۇرىلتايى مەڭگەرۋشىسىنىڭ بۇرىنعى ورىنباسارى جاڭ ماۋساي. ەكەۋى دە ولكە – مينيسترلىك دارەجەلى «جولبارىس»، جۇڭ يۇنگۋاڭنىڭ ۇستىنەن تۇڭعىش رەت حابارلاندىرۋ شىعارىلعان.
