ۆاكسينا باسقارۋ زاڭى جوباسى 6 - ايدىڭ 25 - كۇنى مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 11 - ءماجىلىسىنىڭ قاراۋىنا ۇسىنىلدى. بۇل ــ ۆاكسينا باسقارۋ زاڭى جوباسىنىڭ ءۇشىنشى رەت ەڭ جوعارى زاڭ شىعارۋ ورگانىنىڭ قاراۋىنا ۇسىنىلۋى. وسى رەت جوبانىڭ 3 – رەتكى تەكسەرىلگەن نۇسقاسىندا: وسى زاڭداعى بەلگىلەمەلەرگە قايشىلىق جاساپ، ءىسى قىلمىسقا تولسا، زاڭ بويىنشا قىلمىستىق ىستەر جاۋاپكەرلىگى قاتاڭ قۋزالادى، ــ دەپ بەلگىلەندى. زاڭعا اۋىر قايشىلىق جاساعان جاۋاپكەرلىگى بار ادامدارعا اكىمشىلىك جاقتان قاماي تۇرۋ جازاسى دا قوسىلدى.
سونىمەن بىرگە، جوبانىڭ 3 – رەتكى تەكسەرىلگەن نۇسقاسىندا: وندىرىلگەن، ساتىلعان ۆاكسينا جالعان، ساپاسىز ءدارى سياقتىلارعا ءتان بولاتىن زاڭعا قايشى ارەكەتتەر بايقالسا، جاۋاپكەرلىگى بار ورىندار مەن جاۋاپكەرلىگى بار ادامدارعا اقشالاي ايىپ سالۋ، جازالاۋ تەبىنى ارتتىرىلادى، ــ دەپ بەلگىلەندى وندا تاعى بىلاي دەپ بەلگىلەندى: وندىرىلگەن، ساتىلعان ۆاكسينا جالعان دارىگە ءتان بولسا، زاڭسىز وندىرىلگەن، ساتىلعان ۆاكسينانىڭ قۇن سوماسىنىڭ 15 ەسەسىنەن جوعارى، 50 ەسەسىنەن تومەن اقشالاي ايىپ سالىنادى، بۇندا جازالاۋ تەبىنى الدىڭعى جوبانىڭ 2 – قارالعان نۇسقاسىندا بەلگىلەنگەن «15 ەسەسىنەن جوعارى، 30 ەسەسىنەن تومەن» دەگەن جازادان زور دارەجەدە جوعارىلاعان.
وندىرىلگەن، ساتىلعان ۆاكسينا جارامسىز دارىگە ءتان بولسا، جوبانىڭ 3 – رەتكى تەكسەرىلگەن نۇسقاسىندا بۇل جونىندە بىلاي دەپ بەلگىلەندى: «زاڭعا قايشى وندىرىلگەن، ساتىلعان ۆاكسينانىڭ قۇن سوماسىنىڭ 10 ەسەسىنەن جوعارى، 30 ەسەسىنەن تومەن اقشالاي ايىپ سالىنادى»، جوبانىڭ 2 – رەتكى تەكسەرىلگەن نۇسقاسىندا بەلگىلەنگەن «10 ەسەسىنەن جوعارى، 20 ەسەسىنەن تومەن» جازامەن سالىستىرعاندا مۇنداعى جازا تەبىنى دە جوعارىلاعان.
