الەۋمەتتىك اۋماقتا تۇزەتۋ زاڭى جوباسى 6 – ايدىڭ 25 – كۇنى تۇڭعىش رەت مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا ۇسىنىلدى، بۇل الەۋمەتتىك اۋماقتا تۇزەتۋ زاڭى جوباسىنىڭ ەڭ جوعارى زاڭ شىعارۋ ورگانىنىڭ قاراۋ ساتىسىنا وتكەنىن ۇعىندىرادى.
الەۋمەتتىك اۋماقتا تۇزەتۋ ــ قىلمىستىق ىستەر جازاسىن اتقارۋدى كەمەلدەندىرىپ، مەملەكەتتىڭ جونگە سالۋ جۇيەسى مەن جونگە سالۋ قۋاتىن وسىزامانداندىرۋدى ىلگەرىلەتۋدەگى ماڭىزدى ءتۇزىم. ءادىليا مينيسترلىگىنىڭ مينيسترى فۋ جىڭحۋا مەملەكەتتىك 13 – كەزەكتى حالىق قۇرىلتايى تۇراقتى كوميتەتىنىڭ 11 – ماجىلىسىنە تۇسىنىك جاساعاندا بىلاي دەپ تانىستىردى: ەلىمىزدىڭ الەۋمەتتىك اۋماقتاردا وزگەرتۋى 2003 – جىلدان باستاپ تۇيىندە سىناق ەتىلىپ، 2009 – جىلى بۇكىل ەل بويىنشا جاپپاي سىناق رەتىندە اتقارىلدى. 16 جىلدان بەرى بۇكىل ەل بويىنشا الەۋمەتتىك اۋماقتا تۇزەتۋ وبيەكتىسىنەن 4 ميلليون 310 مىڭ ادام قابىلدانىپ، 3 ميلليون 610 مىڭ ادام تۇزەتىلدى، قازىر تىزىمدىكتە بار الەۋمەتتىك اۋماقتا تۇزەتۋ وبيەكتىسى 700 مىڭ ادام بولىپ وتىر. الەۋمەتتىك اۋماقتا تۇزەتىلگەن ادام باسىنا تۋرا كەلەتىن اتقارۋ وزىندىك قۇنى تۇرمەنىكىنىڭ وننان بىرىندەي عانا، الەۋمەتتىك اۋماقتا تۇزەتۋ كەزىندە الەۋمەتتىك اۋماقتا تۇزەتۋ وبيەكتىسىنىڭ قايتالاي قىلمىس وتكىزۋ مولشەرى %0.2 قانا بولادى.
«الەۋمەتتىك اۋماقتا تۇزەتۋ قىزمەتى قوعامنىڭ جاراسىمدىلىعى مەن ورنىقتىلىعىن قورعاۋدا، تىنىش جۇڭگو، زاڭمەن جونگە سالىناتىن جۇڭگو قۇرىلىسىن ىلگەرىلەتۋدە بەلسەندى رول اتقاردى». فۋ جىڭحۋا بىلاي دەدى: ەلىمىزدىڭ قىلمىس زاڭىندا، قىلمىستىق ىستەر ارىز – شاعىم زاڭىندا الەۋمەتتىك اۋماقتا تۇزەتۋدىڭ قولدانىس كولەمى، اتقارۋ قۇرىلىمى سياقتى نەگىزدىك ماسەلەلەر بەلگىلەنگەن، الەۋمەتتىك اۋماقتا تۇزەتۋ قىلمىستىق ىستەردى اتقارۋ قيمىلى رەتىندە، ونىڭ اتقارىلۋ ساتىسىنداعى ماسەلەلەر ارناۋلى زاڭمەن بەلگىلەۋدى قاجەت ەتىپ وتىر.
