قوعام حاۋىپسىزدىگى مينيسترلىگى 6 - ايدىڭ 16 - كۇنى كەسكىن ءماجىلىسىن اشىپ، بۇكىل ەل بويىنشا 4 ايلىق «كومەسكى قاتەردى الاستاۋ، شىرعالاڭنان ساقتانۋ، مەرەي تويدىڭ حاۋىپسىز وتكىزىلۋىنە كەپىلدىك ەتۋ» اتىنداعى قاتىناس حاۋىپسىزدىگىن جونگە سالۋدان قامال الۋ شايقاسىن ورىستەتۋدى ورنالاستىرىپ، ءار دارەجەلى قوعام حاۋىپسىزدىگى قاتىناس باسقارۋ تاراۋلارىنان بارلىق ساقشىنى جۇمىلدىرىپ، اۋىر، ەرەكشە اۋىر قاتىناس شىرعالاڭىنان بار كۇشپەن ساقتانىپ، «ءۇشتى كورنەكتى تومەندەتۋدى، ءۇشتىڭ مۇلدە تۋىلماۋىن» جۇزەگە اسىرۋعا كەپىلدىك ەتۋدى تالاپ ەتتى. قوعام حاۋىپسىزدىگى مينيسترلىگىنىڭ پارتكوم مۇشەسى، ورىنباسار مينيسترى دۋ حاڭۋەي ماجىلىسكە قاتىناستى ءارى ءسوز سويلەدى.
دۋ حاڭ ۋەي مىنالاردى اتاپ كورسەتتى: بيىل جىل باسىنان بەرى بۇكىل ەل بويىنشا ءبىر جولدا 3 تەن ارتىق ادام قازا بولعان ءىرى شىرعالاڭدار وتكەن جىلدىڭ ۇقساس مەزگىلىندەگىدەن %30 ازايدى، ءبىر جولدا 10 نان ارتىق ادام قازا بولعان اۋىر، ەرەكشە اۋىر شىرعالاڭ «بىردە - ءبىر رەت تۋىلماۋ» سىندى تاريحتاعى ەڭ جاقسى ناتيجەگە قول جەتكىزىلدى. جەر - جەر رەتتەۋ، جونگە سالۋدان قامال الۋ شايقاسىن بار كۇشپەن ويداعىداي ورىستەتىپ، تۇپكلىكتى كومەسكى كىناراتتاردى انىقتاۋ، جول ءتارتىبىن تازارتۋ، اۋىل - قىستاق حاۋىپسىزدىگىن قورعاۋ، ۇگىت، ەسكەرتۋ، اشكەرەلەۋ، قوعام سايكەسىپ، بىرگە جونگە سالۋ سياقتى 5 ۇلكەن ارناۋلى ارەكەتتى تۇتقا ەتىپ، «ەكى ءتۇرلى جولاۋشى اۆتوبۋزى، قاتەرلى بۇيىمدار اۆتوكولىگى، جۇك اۆتوكولىگى» سىندى ءتۇيىندى اۆتوكولىكتەردەگى ءولىم – ءجىتىم شىرعالاڭىنىڭ، ءبىر جولدا 3 تەن ارتىق ادام ءولۋ شىرعالاڭىنىڭ، ءبىر جولدا 5 تەن ارتىق ادام ءولۋ شىرعالاڭىنىڭ وتكەن جىلدىڭ ۇقساس مەزگىلىندەگىدەن كورنەكتى تومەندەۋىنە كەپىلدىك ەتىپ، ەرەكشە اۋىر شىرعالاڭ مەن ماڭىزدى مەرەكە - مەيرامداردا، ماڭىزدى قيمىلدار وتكىزگەن جەرلەردە تۋىلعان اۋىر شىرعالاڭداردىڭ مۇلدە تۋىلماۋىنا كەپىلدىك ەتىپ، بۇكىل ەلدىڭ قاتىناس حاۋىپسىزدىگى جاعدايىنىڭ ءۇرتىس ورنىقتى بولۋىنا كۇش سالۋ كەرەك. ءتۇيىندى اۆتوكولىكتەر مەن شوفەرلەردىڭ كومەسكى قاتەرىن اداقتاۋدى كۇشەيتۋ، ءتۇيىندى تاسىمال كاسىپورىندارىنىڭ حاۋىپسىزدىك حاۋىپ - قاتەرىن باسقارۋ - مەڭگەرۋدى كۇشەيتۋ كەرەك. شايقاس ادىسىنە ۇزدىكسىز جاڭالىق ەنگىزىپ، قاتىناس ءتارتىبىن باسقارۋدى كۇشەيتىپ، قالا قاتىناس شىرعالاڭىنان ساقتانۋدى كۇشەيتىپ، تاس جول قاتىناس ءتارتىبىن جونگە سالۋدى مىقتى يگەرىپ، وڭىرلىك ىقپالداستىقتى كۇشەيتىپ، جولدى باسقارۋ، مەڭگەرۋ تەبىنىن جاپپاي جوعارىلاتۋ كەرەك.
