بەيجيڭ قالالىق 2 – دارەجەلى حالىق سوت مەكەمەسى 6 – ايدىڭ 13 – كۇنى بەيجيڭ شيدان دايۇەچىڭ ساۋدا سارايىندا قارۋ الىپ ادام ٶلتىرۋ دەلوسىنداعى ايىپكەر جۋ جي - يەگە ءبىرىنشى سوت ۇكىمىن جاريالاپ، قاساقانا ادام ءولتىرۋ قىلمىسى بويىنشا ءولىم جازاسىنا ۇكىم ەتىلىپ، ساياسي ۇقىعىنان ماڭگىلىك ماحۇرىم ەتىلدى.
بەيجيڭ قالالىق 2 – دارەجەلى حالىق سوت مەكەمەسى تەكسەرىپ انىقتاۋ ارقىلى، 2018 – جىلى 2 – ايدىڭ 11 – كۇنى ساعات 13 مولشەرىندە، ايىپكەر جۋ جي - يە جەكە باسىنىڭ نارازىلىعىن تارقاتۋ ءۇشىن، قارۋ الىپ شيدان دايۇەچىڭدا اسحاناداعى الارماندار مەن قىزمەتكەرلەردى ارلى – بەرلى قۋالاپ سوققىلايدى، ءبىر ادام قازا بولىپ، 14 ادام جارالانادى. قوعام حاۋىپسىزدىك ورگاندارىنىڭ ساقشىلارى بارعان سوڭ، جۋ جي - يە اسحانا قىزمەتكەرىن ۇستاپ ساقشىلارمەن تىرەسەدى، كەيىن كەلە سول مايداندا باعىنادى.
سوت مەكەمەسى تەكسەرۋ ارقىلى ارقىلى بىلاي دەپ قارادى: ايىپكەر جۋ جي - يە جەكە باسىنىڭ اشۋ – ىزاسىن تارقاتۋ ءۇشىن، الدىن – الا جوسپارلاعان جانە ورىن تاڭداعان، دەلو تۋدىرۋعا قارۋ دايىنداعان، كوكتەم مەرەكەسى قارساڭىندا دۋماندى الەۋمەتتىك ورىنداردا قارۋ الىپ بەيكۇنا بۇقارانى ءولتىرۋ ارەكەتى قاساقانا ادام ءولتىرۋ قىلمىسىنا جاتادى، ونىڭ ۇستىنە قىلمىسى توتەنشە اۋىر، زاڭ بويىنشا قاتاڭ جازالاۋ كەرەك. وسىعان نەگىزدەلە وتىرىپ جوعارىداعى ۇكىمدى شىعاردىق.
