1. اعىمداعى ورىن:
  2. باس بەت
  3. زاڭدار مەن زاڭ-ەرەجەلەر
  4. زاڭ - ەرەجە

2018 – جىلى ەلىمىز بويىنشا جايىلىم زاڭىنا قايشىلىق جاسالعان 8199 دەلو تۋىلىپ، 5 جىلدان بەرگى ەڭ تومەنگى دەڭگەيگە تۇسكەن

日期:2019年06月12日
来源:人民网
【字体:

6 – ايدىڭ 11 – كۇنى مەملەكەتتىك ورمان شارۋاشىلىعى جانە جايىلىم مەكەمەسىنەن ۇعىسۋىنشا، 2018 – جىلى مەملەكەت بويىنشا جايىلىم زاڭىنا قايشىلىق جاسالعان 8199 دەلو تۋىلىپ، 2017 – جىلداعىمەن سالىستىرعاندا 5562 دەلو ازايىپ، %40.4 تومەندەگەن، بۇل 5 جىلدان بەرگى ەڭ تومەنگى دەڭگەي ەسەپتەلەدى.

«ەلىمىز بويىنشا 2018 – جىلعى جايىلىم زاڭىنا قايشى دەلولارعا تالداۋ جۇرگىزۋ مالىمەتىنە» قاراعاندا، 2018 – جىلى بۇكىل ەلىمىز بويىنشا جايىلىم زاڭىنا قايشىلىق جاسالعان ءتۇرلى دەلولاردان 7975 دەلوعا دەلو تۇرعىزىلىپ، دەلو تۇرعىزۋ مولشەرى %97.3 بولعان؛ 7586 دەلو انىقتالىپ، انىقتاۋ مولشەرى %95.1 بولعان، دەلو تۇرعىزۋ مولشەرى مەن انىقتاۋ مولشەرى جوعارى دەڭگەيدى ساقتاعان. بۇكىل ەلىمىز بويىنشا 114.4 مىڭ مۋ جايىلىم بۇلىنگەن. جەر – جەردەگى جايىلىم زاڭىن اتقارۋ تاراۋلارى قوعام حاۋىپسىزدىگى ورگاندارىنا جوتكەپ بەرگەن قىلمىستىق كۇماندى دەلولارى 342 دەلو بولىپ، زاڭعا قايشى قىلمىستىق كۇماندى ارەكەتتەرگە قىسىم ءتۇسىرۋ جانە سوققى بەرۋ جاعدايى ۇزدىكسىز ساقتالعان.

جايىلىم زاڭىنا قايشى ءتۇرلى تيپتەگى دەلولاردىڭ جاقىنعى بەس جىلدان بەرگى وزگەرىستەرى مەن ەرەكشەلىكتەرىنە تالداۋ جاساۋ ارقىلى، بۇكىل ەلىمىزدەگى جايىلىمنان زاڭسىز تىڭ يگەرۋ دەلولارىنا سوققى بەرۋ ونىمدىلىگىنىڭ كورنەكتى بولعانىن كورۋگە بولادى، بۇل جاعىندا دەلو تۋىلۋ مولشەرى بەس جىل جالعاستى تومەندەگەن، بۇلىنگەن جايىلىم اۋدانى جىلدان – جىلعا ازايعان؛ جايىلىمدى زاڭسىز وتكىزىپ الۋ، باسقاعا پايدالانۋعا الۋ، پايدالانۋ دەلولارىن انىقتاۋ تەبىنى ۇزدىكسىز ارتقان؛ مال باعۋعا تيىم سالۋ مەن مال باعۋدى ۋاقىتتىق توقتاتۋ جانە جايىلىم مەن تۇلىكتىڭ تەپە – تەڭدىگىن ساقتاۋ بەلگىلەمەلەرىنە قايشى كەلەتىن دەلولاردىڭ تۋىلۋ مولشەرى دە بارىنشا ازايعان؛ جابايى وسىمدىكتەردى زاڭسىز قازۋ دەلولارىنىڭ تۋىلۋ مولشەرى ورنىقتى بولعان.