نيڭبو تى – ي ازىق – تۇلىك شەكتى سەرىكتەستىگى مەن چيڭداۋ جينداياڭ ءسۇت ونىمدەرى شەكتى سەرىكتەستىگىنىڭ وزدەرى وندىرگەن «تەڭەستىرىلىپ جاسالعان ۇنتاق» سابيلەر مەن نارەستەلەردە بولاتىن رەاكسيا بەرۋ قاتارلى ماسەلەلەردى شەشە االادى دەپ ۇگىتتەگەنىنە باعىتتاي وتىرىپ، مەملەكەتتىك نارىقتى باقىلاۋ – باسقارۋ باس مەكەمەسى جۋىردا زاڭ – تۇزىمگە قايشى ارەكەت دەپ حابارلاندىرۋ شىعارىپ، باسقارۋشى ورىنداعى نارىقتى باقىلاۋ – باسقارۋ تاراۋلارىنان جەدەل انىقتاپ، قاتاڭ ءبىرجاقتى ەتۋدى تالاپ ەتتى. قازىر تەڭەستىرىلىپ جاسالعان ۇنتاققا قاتىستى ونىمدەر مەن قوراپتاۋ ماتەريالدارىن زاڭ بويىنشا جيىپ الىپ، كاسىپورىنداردى ءوندىرىستى توقتاتۋعا جانە نارىققا شىعارىلعان ونىمدەرىن قايتارىپ الۋعا بۇيىردى.
تەكسەرۋ ناتيجەسىنە قاراعاندا، نيڭبو تى – ي ازىق – تۇلىك شەكتى سەرىكتەستىگى مەن چيڭداۋ جينداياڭ ءسۇت ونىمدەرى شەكتى سەرىكتەستىگى ارناۋلى مەديتسينالىق ماقساتتا پايدالاناتىن تەڭەستىرىلىپ جاسالعان ازىق – تۇلىكتى تىركەۋگە الدىرماعان جانە وندىرۋگە رۇقسات الماعان. ازىق – تۇلىك حاۋىپسىزدىگى زاڭى، جارناما زاڭى قاتارلى زاڭ – تۇزىمدەرگە ساي، نيڭبو قالالىق نارىقتى باقىلاۋ – باسقارۋ مەكەمەسى حاڭجوۋۋان بولىمشەسى مەن چيڭداۋ قالاسى حۋاڭداۋ رايوندىق نارىقتى باقىلاۋ – باسقارۋ مەكەمەسى جەكە – جەكە اتالعان ەكى كاسىپورىنعا تەكسەرۋ جۇرگىزىپ، رەتكە سالۋعا بۇيرۋ ۇقتىرۋىن شىعارىپ، اتالعان كاسىپورىنداردى جالعان جارنامانى ۇگىتتەۋ كۇمانىنا ىلىنگەن ينفورماتسيالاردى جاريالاۋدى دەرەۋ توقتاتۋعا، ءوندىرىستى دەرەۋ توقتاتۋعا جانە جونگە سالۋعا، نارىققا شىعارىلعان قاتىستى ونىمدەردى قايتارىپ الۋعا بۇيىردى، سونىمەن بىرگە، زاڭ بويىنشا دەلو تۇرعىزىپ، تەكسەرۋ جۇرگىزدى. نارىقتى باقىلاۋ – باسقارۋ تاراۋلارى پەشەتتەلگەن جانە جيناپ الىنعان تەڭەستىرىلىپ جاسالعان ۇنتاق ونىمدەرىنەن ۇلگى الىپ تەكسەرۋ جۇرگىزدى. تەكسەرۋ ناتيجەسىنە قاراعاندا، ءونىم ماركاسىنان سىرت، باسقا نىساندار ءونىم ماركاسىن انىق كورسەتۋ ولشەمى مەن تالابىنا ۇيلەسەدى ەكەن.
