6 – ايدىڭ 7 – كۇنى ساعات 7دە، جۇڭگو حالىقتىق اۆياتسياسىنىڭ مايعا بەرگەن ۇشاعىنىڭ بەيجيڭ استانا حالىقارالىق اۋەجايىنا باياۋ قونۋىمەن، قوعام حاۋىپسىزدىگى، پروكۋراتۋرا، سوت ورگاندارى قىزمەتكەرلەرىنىڭ اتىن جامىلىپ، تەلەگراف جانە ينتەرنەت ارقىلى الدامكوستىكپەن شۇعىلدانعان تايۋاندىق 94 قىلمىس كۇماندىسىن ەلىمىز قوعام حاۋىپسىزدىگى ورگاندارى يسپانيادان ەلىمىزگە اكەلدى. سونىمەن، ءۇش جىلعا تاياۋ ۋاقىتتا جۇڭگو مەن يسپانيا ەكى ەل ساقشى جاعى سەلبەسە وتىرىپ شەكارا اتتاعان تەلەگراف – ينتەرنەت الدامكوستىگىنە سوققى بەرۋدەگى «ۇلى قورعان ارەكەتى» كەلەلى تابىستارعا قول جەتكىزدى، يسپانيا جاق 255 قىلمىس كۇماندىسىن ەلىمىزگە توپقا ءبولىپ وتكىزىپ بەردى، مۇنىڭ ىشىندە تايۋاندىق قىلمىس كۇماندىلارىنىڭ سانى 218 ادام. بۇل ەلىمىزدىڭ تۇڭعىش رەت ەۆروپادان تەلەگراف – ينتەرنەت الدامكوستىك قىلمىس كۇماندىلارىن زور كولەمدە وتكىزىپ الۋى.
ۇعىسۋعا قاراعاندا، 2016 – جىلدىڭ العاشقى جارىمىندا، ەلىمىز قوعام حاۋىپسىزدىگى تاراۋلارى يسپانيادا قىرۋار تەلەگراف – ينتەرنەت الدامكوستىگى اپاندارى بار ەكەنىن ءارى ولاردىڭ ەلىمىز جۇرتشىلىعىن الداعانىن بايقاعان، بەيجيڭ، جياڭسۋ، جىجياڭ، گۋاڭدۇڭ قاتارلى جەرلەردە كوپ رەت ون ميلليون يۋاننان استام سوماعا قاتىستى ءىرى دەلولار تۋىلىپ، الدانعان جۇرتشىلىق اۋىر زيان شەككەن. قوعام حاۋىپسىزدىگى مينيسترلىگىنىڭ بۇل ىسكە بارىنشا ءمان بەرۋىندە، سول جىلدان باستاپ، ىلگەرىندى – كەيىندى كوپ رەت يسپانياعا ادام جىبەرىپ، زاڭ اتقارۋ جاعىندا سەلبەستىك ورىستەتىپ، يسپانيانىڭ مەملەكەتتىك ساقشى باس مەكەمەسىمەن بىرگە بىرلەسكەن ارناۋلى دەلو گرۋپپاسىن قۇرىپ، تەلەگراف – ينتەرنەت ارقىلى الدامكوستىك ىستەۋ اپاندارىن تەكسەرىپ، قىلمىس كۇماندىلارىن ىزدەگەن، زاڭعا قايشى تۇراقتى قىلمىس فاكتىلەرىن جيناعان.
قاتىستى قىلمىستىق ىستەر فاكتىلەرى مەن ىسپاتتارى نەگىزىندە، 2016 – جىلى 12 – ايدىڭ 13 – كۇنى جۇڭگو – يسپانيا ساقشى جاعى «ۇلى قورعان ارەكەتى» اتتى بىرلەسكەن تۇتقىنداۋ ارەكەتىن ورىستەتىپ، مادريد، بارسەلونا، اليكانتە قاتارلى جەرلەردەگى الدامكوستىك اپاندارىنان 13 ورىندى تالقانداپ، قىلمىس كۇماندىلارىنان 237 ادامدى تۇتقىنداعان ءارى ولاردى يسپانيادا قاماۋعا العان، ناق مايداننان ءبىر توپ دەلو فاكتىلەرىن انىقتاعان، دەلوعا قاتىستى قاراجات سوماسى 120 ميلليون يۋان حالىق اقشاسى بولعان.
