قوعام حاۋىپسىزدىگى مينيسترلىگى قاتىناستى باسقارۋ مەكەمەسىنىڭ 6 – ايدىڭ 9 – كۇنى حابارلاۋىنشا، قياق كۇرىش مەرەكەسى مەزگىلىندە، بۇكىل ەلىمىزدەگى قوعام حاۋىپسىزدىگى تاراۋلارى اراق ءىشىپ الىپ كولىك جۇرگىزۋ، ماس بولىپ كولىك جۇرگىزۋ قاتارلى زاڭعا قايشى ارەكەتتەردەن جيىنى 580 مىڭنان استامىن انىقتاعان.
تانىستىرۋعا قاراعاندا، بيىل قياق كۇرىش مەرەكەسىنىڭ دەمالىسى مەن جوعارى مەكتەپ ەمتيحانى ءبىر ۋاقىتتا بولعاندىقتان، جەر – جەردەگى قوعام حاۋىپسىزدىگى قاتىناس باسقارۋ تاراۋلارى بارلىق ساقشىلاردى جۇمىلدىرىپ، جولداردى باسقارۋدى – مەڭگەرۋدى قاتاڭداتقان. قياق كۇرىش مەرەكەسى مەزگىلىندە، جەر – جەر قاتىناس ساقشىلارىنىڭ زاڭ اتقارۋ پۋنكتتەرىنەن 4000نان استامىن ىسكە قوسىپ، ۋاقىتتىق كۇزەت پۋنكتتەرىنەن 12 مىڭنان استامىن قوسقان، 480 مىڭنان استام ادام – رەت ساقشى كۇشىن جۇمىلدىرىپ، ساقشى ماشيناسىنان 90 مىڭنان استام ماشينا – رەت ىسكە قوسقان. جەر – جەر جوعارى مەكتەپ ەمتيحانىنا وقۋشىلاردى شوعىرلى تاسيتىن اۆتوكولىكتەردەن جيىنى 20 مىڭنان استام اۆتوكولىككە جول باستاپ جەتكىزىپ قويۋ قىزمەتىن وتەگەن، ازاماتتىق كۋالىگىن ۇمىتىپ كەتۋ قاتارلى ەرەكشە جاعدايلارعا بايلانىستى 4000نان استام وقۋشىنى ەمتيحان الاڭىنا شۇعىل جەتكىزىپ قويعان.
6 – ايدىڭ 9 – كۇنى ساعات 17گە دەيىن، مەملەكەت بويىنشا تاس جول قاتىناسى شىرعالاڭىنىڭ سانى، قازا بولعانداردىڭ سانى، جارالانعانداردىڭ سانى، مال – مۇلىك زيانى قاتارلىلار بىلتىرعى وسى ۋاقىتتاعىمەن سالىستىرعاندا جەكە – جەكە %52.1، %49.5، %50.2، %42.3 تومەندەگەن، اۋىر دارەجەدە تاس جول قاتىناسى شىرعالاڭى تۋىلماعان، بۇكىل ەلىمىزدەگى نەگىزگى تاس جولداردا قاتىناس ءتارتىبى جاقسى بولعان، ۇزاق ۋاقىت بويى كەڭ كولەمدە قاتىناس كەپتەلىسى تۋىلماعان، جوعارى مەكتەپ ەمتيحانى تۇيىندەرىنىڭ ماڭىنداعى جولداردا كولىك قاتىناۋى ىركىلىسسىز ءارى ءتارتىپتى بولعان.
