- ايدىڭ 29 - كۇنى ورتالىق كوميتەتتىڭ ءىرىپ – شىرۋگە قارسى تۇرۋ قىزمەتىن سايكەستىرۋ گرۋپپاسى حالىقارالىق قۋعىنداۋ – قايتارىپ الۋ قىزمەتى كەڭسەسىنىڭ ءبىر تۇتاس سايكەستىرۋىندە، يۇننان ولكەلىك ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ قاجىماي - تالماي قۇلشىنۋىندا، «قىزىل ءتۇستى قۋعىنداۋ بۇيرىعى شىعارىلعان 100 ادامنىڭ» بىرەۋى، شەتەلگە قاشىپ كەتكەن قىزمەتتىك قىلمىس كۇدىكتىسى شياۋ جيانميڭ وزدىگىنەن ەلگە قايتىپ كەلىپ، ءوزىن مالىمدەدى ءارى ارام ولجانى بەلسەندىلىكپەن قايتاردى. ول − پارتيانىڭ 18 – قۇرىلتايىنان بەرى «قىزىل ءتۇستى قۋعىنداۋ بۇيرىعى تۇسىرىلگەن 100 ادامنىڭ» ىشىنەن تۇتقىندالعان 10 - قىلمىس كۇدىكتىسى ءارى «اسپان تورى ارەكەتى» ورىستەتىلگەننەن بەرى «قىزىل ءتۇستى قۋعىنداۋ بۇيرىعى تۇسىرىلگەن 100 ادامنىڭ» ىشىندەگى قولعا تۇسكەن 58 – قىلمىس كۇدىكتىسى.
شياۋ جيانميڭ، ەر، حانزۋ، 1947 - جىلى 11 - ايدا تۋىلعان، يۇننان شييە توبى شەكتى جاۋاپكەرلىك سەرىكتەستىگىنىڭ بۇرىنعى باس القاسى، يۇننان ولكەلىك حالىق قۇرىلتايى تۇراقتى كوميتەتى قازىنا - ەكونوميكا كوميتەتىنىڭ بۇرىنعى ورىنباسار مەڭگەرۋشىسى (مەڭگەرمە دارەجەلى)، پارا الۋ قىلمىس كۇدىگى تاعىلعان، 2012 - جىلى 12 - ايدا شەتەلگە قاشىپ كەتكەن. 2014 - جىلى 7 - ايدا يۇننان ولكەلىك حالىق پروكۋراتۋراسى پارا الۋ قىلمىسىن وتكىزدى دەگەن كۇدىكپەن شياۋ جيانميڭگە دەلو تۇرعىزىپ، بارلاۋ جۇرگىزىپ، سول جىلى تامىزدا قولعا الۋدى ۇيعاردى. 2015 - جىلى 2 - ايدا حالىقارالىق قىلمىستىق ىستەر ساقشى ۇيىمى وعان قىزىل ءتۇستى قۋعىنداۋ بۇيرىعىن جاريالادى.
