ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى تورابى 5 – ايدىڭ 27 – كۇنى جاريالاعان ساندى مالىمەتتە كورسەتىلۋىنشە، 2019 – جىلى 4 - ايدا بۇكىل ەل بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساۋداعى 4 مىڭ 90 ماسەلە تەكسەرىپ ءبىر جاقتى ەتىلگەن، 5 مىڭ 767 ادام ءبىر جاقتى ەتىلگەن، 4 مىڭ 24 ادامعا پارتيا ءتارتىبى، اكىمشىلىك ءتارتىپ جازاسى بەرىلگەن.
ورتالىقتىڭ سەگىز ءتۇرلى بەلگىلەمەسىنىڭ رۋحىن دايەكتى تياناقتاندىرۋ جاعدايىن يگەرۋ ءۇشىن، ورتالىق ءتارتىپ تەكسەرۋ كوميتەتى ولكە، اۆتونوميالى رايون، توتە قاراستى قالالار مەن شينجياڭ ءوندىرىس – قۇرىلىس بيڭتۋانىندا، ورتالىق پەن مەملەكەت ورگاندارىندا، ورتالىق كاسىپورىندارى مەن ورتالىقتىڭ فينانس كاسىپورىندارىندا ورتالىقتىڭ سەگىز ءتۇرلى بەلگىلەمەسىنىڭ رۋحىن تياناقتاندىرۋ جاعدايىن اي سايىن مالىمدەۋ ءتۇزىمىن ورناتقان بولاتىن.
2019 – جىلى 4 – ايدا تەكسەرىپ ءبىر جاقتى ەتىلگەن 4 مىڭ 90 ماسەلەدە بەلگىلەمەگە قايشى كەلىپ قوسىمشا قاراجات نەمەسە يگىلىك قاراجات (اقشا) تاراتۋ ماسەلەسى ءبىر مىڭ 21، بەلگىلەمەگە قايشى كەلىپ ساۋعا (اقشا جانە زات) الۋ ماسەلەسى 993، بەلگىلەمەگە قايشى كەلىپ ۇكىمەت اقشاسىمەن ءىشىپ – جەۋ ماسەلەسى 584، بەلگىلەمەگە قايشى كەلىپ ۇكىمەت اۆتوكولىگىن پايدالانۋ ماسەلەسى 502، ءنازىر – شىراق، توي – تومالاق ىستەرىن استا – توك وتكىزۋ ماسەلەسى 345، ولشەمنەن اسىرا قوناق كۇتۋ، ولشەمنەن اسىرا قوناق بولۋ، ۇكىمەت اقشاسىمەن تۇتىنۋى جوعارى كوڭىل اشۋ، دەنە شىنىقتىرۋ قيمىلدارىنا قاتىناسۋ، بەلگىلەمەگە قايشى كەلىپ جەكەلىك ساۋىقحاناعا كىرۋ، باسشى كادرلار ءۇي ساتىپ الۋدا بەلگىلەمەگە قايشى كەلۋ، بەلگىلەمەگە قايشى كەلىپ باسقارۋ، قىزمەت وتەۋ وبيەكتىلەرىنىڭ قوناعاسىسىنا قاتىناسۋ سياقتى ماسەلەلەر 339، ۇكىمەت اقشاسىمەن ەل ىشىندە ساياحاتتاۋ ماسەلەسى 190، بەلگىلەمەگە قايشى كەلىپ ساۋلەتتى ساراي، قوناق ءۇي سالدىرۋ ماسەلەسى 113، ۇكىمەت اقشاسىمەن شەتەلدە ساياحاتتاۋ ماسەلەسى 3 بولعان. تەكسەرىپ ءبىر جاقتى ەتىلگەن كادرلاردىڭ دارەجەسىنەن قاراعاندا، ءبىر جاقتى ەتىلگەندەردىڭ ىشىندە ايماق، مەڭگەرمە دارەجەلى كادر 70، اۋدان، باسقارما دارەجەلى كادر 426، اۋىل، ءبولىم دارەجەلى جانە ودان تومەن دارەجەلىلەر 3 مىڭ 561 بولعان.
