مەملەكەتتىك ينتەرنەت حاۋىپسىزدىگى جانە ينفورماتسيالاندىرۋ كەڭسەسىنىڭ رەسمي توراپ بەكەتىنىڭ، ۋيچاتىنىڭ حابارىنا قاراعاندا، 2019 - جىلى 1 - ايدان 4 – ايعا دەيىن مەملەكەتتىك ينتەرنەت حاۋىپسىزدىگى جانە ينفورماتسيالاندىرۋ كەڭسەسى وقۋ - اعارتۋ مينيسترلىگى، مەملەكەتتىك سارى الاپاتتى الاستاۋ، زاڭسىز باسىلىمدارعا سوققى بەرۋ سياقتى قاتىستى تاراۋلارمەن بىرگە وقۋ - اعارتۋ تۇرىندەگى جىلجىمالى قولدانىلمالى باعدارلامالاردى ارناۋلى جونگە سالعان. توراپكەرلەردىڭ اشكەرەلەگەن دەرەكتەرىنە نەگىزدەلىپ، ەل ىشىندەگى وقۋ - اعارتۋ تۇرلەرىندەگى جىلجىمالى قولدانىلمالى باعدارلاما ينفورماتسياسىنا قىزمەت وتەۋ ۇيىمدارىن شارلاپ تەكسەرىپ، «تاپسىرما ورىندايتىن ءيت»، «جانقالتا مۇعالىم»، «ورتالاۋ مەكتەپ ءبىلىم تۇيىندەرى تولىق جيناعى» سياقتى 20 نەشە ءتۇرلى باعدارلاما ارقىلى بادىك، زيناقورلىق سياقتى زاڭعا، بەلگىلەمەگە قايشى ينفورماتسيالار تاراتىلىپ، قالىپتان تىس ساۋدا - ساتىق جانە كوڭىل اشۋ سياقتى ناشار ارەكەتتەر تۋىلعانىن تەكسەرىپ انىقتادى. مەملەكەتتىك ينتەرنەت حاۋىپسىزدىگى جانە ينفورماتسيالاندىرۋ كەڭسەسى جوعارىداعى باعدارلامالاردى اداقتاپ، زاڭعا، بەلگىلەمەگە قايشىلىق جاساۋ جاعدايى اۋىر بولعان قولدانىلمالى قىزمەت وتەۋدى توقتاتىپ، ءىشىنارا باعدارلامانىڭ جاۋاپتىلارىن شاقىرىپ اڭگىمەلەسىپ، مازمۇنى ناشار جانە ۇيرەنۋگە قاتىسسىز 55 مىڭنان استام ماقالانى ءوشىرىپ، 420 دان استام ارناۋلى ستون جانە 320 دان استام بەلگىلەمەگە قايشى ەسەپ ءنومىرىن جاۋىپ، جاپپاي رەتتەۋ - تۇزەتۋ جۇرگىزىپ، اينالىمدى ارناعا ءتۇسىرىپ، كاسىپورىنداردىڭ سۋبيەكتتىك جاۋاپكەرلىگىن تياناقتاندىردى. سونىمەن بىرگە، مەملەكەتتىك ينتەرنەت حاۋىپسىزدىگى جانە ينفورماتسيالاندىرۋ كەڭسەسى جاستار مەن ورەندەردى نەگىزگى پايدالانۋشى ەتكەن ەكىنشى رەتكى جانە قوعامدىق قاتىناس تۇرىندەگى زاڭعا، بەلگىلەمەگە قايشىلىق جاساۋ باعدارلاماسىنان 12 مىڭ 100 ىن اداقتادى.
