مەملەكەتتىك ءبىلىم مەنشىك ۇقىعى مەكەمەسىنىڭ باستىعى شىن چاڭيۇي 4 – ايدىڭ 24 – كۇنى 2019 – جىلعى جۇڭگو ءبىلىم مەنشىك ۇقىعىن قورعاۋ فورۋمىندا بىلاي دەدى: ەلىمىز ءبىلىم مەنشىك ۇقىعى زاڭ – ەرەجەلەرىن كەمەلدەندىرىپ، ۇقىققا قول سۇعۋدى جازالاۋ سيپاتىندىق تولەم بەرۋ ءتۇزىمىن تۇيىندەپ كەمەلدەندىرەدى.
ءبىلىم مەنشىك ۇقىعىن قورعاۋدى كۇشەيتىپ، تاماشا تيجارات – ساۋدا ورتاسىن جانە جاسامپازدىق ورتاسىن جاراتۋ ءۇشىن، تاياۋ جىلداردان بەرى ەلىمىز ءبىلىم مەنشىك ۇقىعى زاڭ – بەلگىلەمەلەرى قۇرىلىسىن كۇشەيتىپ، ءبىلىم مەنشىك ۇقىعىنا قول سۇعۋ نىسايلارىن جازالاۋ تەبىنىن ۇزدىكسىز ارتتىردى.
4 – ايدىڭ 23 – كۇنى جاريالانعان تاۋار ماركاسىنا وزگەرىس ەنگىزۋ جوباسىندا تاۋار ماركاسى ارناۋلى ۇقىعىنا جات نيەتپەن قول سۇعۋدىڭ تولەم سوماسى وزگەرتىلۋدەن بۇرىنعى 3 ەسەدەن تومەن بولادى دەگەننەن جوعارىلاتىلىپ، 5 ەسەدەن تومەن بولادى، دەپ ايقىندالدى ءارى زاڭدا بەلگىلەنگەن تولەم سوماسىنىڭ جوعارى شەگى 3 ميلليون يۋاننان 5 ميلليون يۋانعا جوعارىلاتىلدى، وزگەرىس ەنگىزىلگەن بەلگىلەمە بيىل 11 – ايدىڭ 1 – كۇنىنەن باستاپ اتقارىلادى. «جازالاۋ سيپاتىندىق تولەم سوماسى حالىقارادا ءبىرشاما جوعارى تۇرادى» دەدى شىن چاڭيۇي.
«زاڭ − ەل باسقارۋدىڭ قارۋى، كەمەلدى زاڭ − جاقسى باسقارۋدىڭ العى شارتى» دەدى شىن چاڭيۇي، بيىل مەملەكەتتىك حالىق قۇرىلتايى تۇراقتى كوميتەتىنىڭ پاتەنت زاڭىنا وزگەرىس ەنگىزۋ قىزمەتىنە بەلسەنە سەلبەسىپ، ۇقىققا قول سۇعۋدى جازالاۋ سيپاتىندىق تولەم بەرۋ ءتۇزىمى تۇيىندەپ كەمەلدەندىرىلەدى. قازىر مەملەكەتتىك حالىق قۇرىلتايىنىڭ قاراۋىنداعى پاتەنت ۇقىعىنا وزگەرىس ەنگىزۋ جوباسىند، پاتەنت ۇقىعىنا جات نيەتپەن قول سۇعۋدا قىلمىسى اۋىر بولعاندارعا ءبىر ەسەدەن جوعارى، 5 ەسەدەن تومەن جازالاۋ سيپاتىندىق ايىپ سالۋعا بولاتىنى بەلگىلەندى.
