 |
|
|
مىسال دەلو
گۇلنار بەلگىلى سۋرەتحانادا جەلىلەس سۋرەتكە تۇسكەن ءارى سۋرەتتى العان سوڭ 15 كۇن ىشىندە سۋرەتحانا سۋرەتتىڭ ءتۇپنۇسقاسىن جويادى دەپ كەلىسكەن. ءبىر اي وتكەن سوڭ، گۇلنار سۋرەتحانانىڭ الدىنان وتكەن كەزدە، سۋرەتحانانىڭ ۇگىت تەرەزەسىندە ءوزىنىڭ سۋرەتى تۇرعانىن، تەك سۋرەتتىڭ ارتقى كورىنىسىنىڭ رەڭىن عانا ازىراق وزگەرتكەنىن بايقايدى. گۇلنار سۋرەتحانانىڭ قوجايىنىن تاۋىپ، سۋرەتتى جويۋدى ءارى تولەم بەرۋدى تالاپ ەتەدى، قوجايىن: «سۋرەتتى ىستەتپەسەم ىستەتپەيىن، ساعان ەشقانداي ەكونوميكالىق زيان تۋدىرماسام، نەگە اقشالاي تولەم بەرۋىم كەرەك»، — دەيدى. گۇلناردىڭ تولەم الۋىنا بولا ما؟
دەلو ارقىلى زاڭدى ءتۇسىندىرۋ
بولادى. ازاماتتىق زاڭنامانىڭ 1019 – تارماعىندا بىلاي دەپ بەلگىلەنگەن: پورترەت ۇقىعى يەسىنىڭ ماقۇلداۋىنان وتكىزبەي تۇرىپ، پورترەت تۋىندى ۇقىعى يەسىنىڭ جاريالاۋ، كوبەيتۋ، تاراتۋ، مايعا بەرۋ، كورمەگە قويۋ سياقتى تاسىلدەرمەن پورترەت ۇقىعى يەسىنىڭ پورترەتىن پايدالانۋىنا نەمەسە اشىق جاريالاۋىنا بولمايدى. ازاماتتىق زاڭنامانىڭ 1182 – تارماعىندا بىلاي دەپ بەلگىلەنگەن: باسقالاردىڭ جەكە باسىندىق ۇقىق – مۇددەسىنە سۇعاناقتىق جاساۋدان مال – مۇلىك زيانعا ۇشىراسا، ۇقىعىنا قول سۇعىلۋشىنىڭ وسى سەبەپتەن تارتقانى زيانى نەمەسە ۇقىققا قول سۇعۋشىنىڭ وسى سەبەپتەن تاپقان پايداسى بويىنشا تولەم تولەنەدى؛ ۇقىعىنا قول سۇعىلۋشىنىڭ وسى سەبەپتەن تارتقان زيانىن جانە ۇقىققا قول سۇعۋشىنىڭ وسى سەبەپتەن تاپقان پايداسىن تۇراقتاندىرۋ قيىن بولىپ، ۇقىعىنا قول سۇعىلۋشى مەن ۇقىققا قول سۇعۋشى تولەم سوماسى جونىندە كەڭەسىپ بىرلىككە كەلە الماي، حالىق سوت مەكەمەسىنە ارىز – شاعىم بەرسە، تولەم سوماسىن حالىق سوت مەكەمەسى ءىس جۇزىندىك جاعدايعا قاراي بەلگىلەيدى.
