دەلو ارقىلى زاڭدى ءتۇسىندىرۋ | توقتامعا قول قويعان سوڭ، ساياساتتاعى وزگەرىس سەبەبىنەن توقتامدى كۇشىنەن قالدىرۋعا بولا ما؟

　　مىسال دەلو

　　2017 – جىلى 5 – ايدىڭ 10 – كۇنى، بەرىك سەرىكتەن ءۇي ساتىپ الىپ، توقتامعا قول قويىپ، بۇيىرتۋ اقشاسىن تولەگەن، 6 – ايدىڭ 28 – كۇنى اتىنا وتكەرۋ رەسميەتىن بىتىرۋگە كەلىسكەن. جەرگىلىكتى ورىنداعى ساياساتتىق بەلگىلەمەگە ساي، ءۇي ساتىپ الۋشى ەگەر جەرگىلىكتى ورىن نوپوسىندا بولماسا، سول قالا كولەمىندە جالعاستى ءبىر جىل قوعامدىق قامتاماسىزداندىرۋ قاراجاتىن تاپسىرعان جاعدايدا، ءۇي ساتىپ الۋ تولىمدىلىعىنا يە بولادى. 6 – ايدىڭ 1 – كۇنى، جەرگىلىكتى ۇكىمەت ءۇي ساتىپ الۋعا شەكتەۋ سالۋ ساياساتىن شىعارىپ، نوپوسى سول جەردە ەمەس ءۇي ساتىپ الۋشىلاردىڭ قوعامدىق قامتاماسىزداندىرۋ قاراجاتىن تاپسىرۋ جىل شەگىن ءبىر جىلدان 3 جىلعا وزگەرتكەن. ءاسىلى ءبىر ايدان سوڭ بەرىكتىڭ قوعامدىق قامتاماسىزداندىرۋ قاراجاتىن تاپسىرعان ۋاقىتى ءبىر جىلعا تولاتىن ەدى، جاڭا ساياسات ورتاعا قويىلعان سوڭ، ەندى ەكى جىلدان سوڭ عانا ءۇي ساتىپ الۋ تولىمدىلىعىنا يە بولاتىن بولدى. بەرىكتىڭ توقتامدى كۇشىنەن قالدىرۋىنا بولا ما؟

　　دەلو ارقىلى زاڭدى ءتۇسىندىرۋ

　　بولادى. ازاماتتىق زاڭنامانىڭ 563 – تارماعىندا بىلاي دەپ بەلگىلەنگەن: ىرىق بەرمەيتىن كۇش سەبەبىنەن توقتامداعى ماقساتتى ورىنداۋ مۇمكىن بولماسا، تاراپتاردىڭ توقتامدى كۇشىنەن قالدىرۋىنا بولادى.