 |
|
|
مىسال دەلو
اڭسار G135 كەزەكتى پويەزدىڭ (بەيجيڭ وڭتۇستىك بەكەتى – شاڭحاي حۇڭچياۋ بەكەتى) بەلەتىن ساتىپ الىپ، شاڭحايداعى شىعىس دەنە تاربيە ورتالىعىنا بارىپ، 19:30 دا باستالاتىن كونسەرتتى تاماشالاماق بولعان. پويەز بەلەتىنە پويەز سول كۇنى ساعات 12:12 دە جۇرەدى دەپ جازىلعان. الايدا، 13:15 وتكەندە بارىپ بەلەت تەكسەرۋ جۇرگىزىلىپ، پويەز جولعا شىقتى. پويەزدىڭ ۋاقىت كەستەسىندە 18:21 دە شاڭحايعا جەتەدى دەپ جازىلعان، ءىس جۇزىندە 19:35 تە شاڭحايعا جەتكەن، وسىنىڭ سالدارىنان اڭسار كونسەرت باستالعان كەزدەگى ويىن ءنومىرىن تاماشالاي الماي قالعان. اڭسار شاڭحاي تەمىر جول مەكەمەسى پويەزدىڭ جولعا شىعۋىن كەشەۋىلدەتتى جانە پويەز نىسانالى جەرگە دە ۋاقىتىنان كەش جەتتى، ەكى جاقتىڭ توقتامداعى كەلىسىمىنە اۋىر دارەجەدە قايشى كەلدى دەپ قاراپ، شاڭحاي تەمىر جول مەكەمەسىنەن زيانىن تولەپ بەرۋدى تالاپ ەتىپ ارىزدانعان. شاڭحاي تەمىر جول مەكەمەسى اڭسارعا تولەم بەرۋى قاجەت پە؟
دەلو ارقىلى زاڭدى ءتۇسىندىرۋ
قاجەت. ازاماتتىق زاڭنامانىڭ 820 – تارماعىندا بىلاي دەپ بەلگىلەنگەن: تاسىمالداۋشى جولاۋشىنى كۇشكە يە بەلەتتە جازىلعان ۋاقىت، كەزەك جانە ورىن ءنومىرى بويىنشا تاسىمالداۋى كەرەك. تاسىمالداۋشى تاسىمالداۋدى كەشەۋىلدەتسە نەمەسە قالىپتى تاسىمالداۋعا بولمايتىن باسقا جايتتەر بولسا، جولاۋشىلارعا دەر كەزىندە ايتىپ جانە ەسكەرتىپ، قاجەتتى ورنالاستىرۋ شارالارىن قولدانۋى ءارى جولاۋشىلاردىڭ تالابىنا ساي باسقا كەزەكتەرگە وتىرۋعا ورنالاستىرۋى نەمەسە بەلەت قايتارۋى كەرەك؛ وسىدان جولاۋشىلار زيانعا ۇشىراسا، تاسىمالداۋشى تولەم جاۋاپكەرشىلىگىن ارقالاۋى كەرەك، ءبىراق تاسىمالداۋشىعا جاۋاپكەرشىلىك ارقالاتۋعا بولمايتىندارى بۇعان كىرمەيدى.
