مىسال دەلو
2017 – جىلى 1 – ايدا، شياۋميڭ شياۋۋاڭنان 30 مىڭ يۋان قارىز الادى، شياۋميڭ قولحات بەرەدى ءارى 2018 – جىلى 1 – ايعا دەيىن قارىزدى قايتارىپ بەرۋگە كەلىسەدى. قارىزدى قايتاراتىن ۋاقىت بولعان كەزدە، شياۋۋاڭ تالاي رەت شياۋميڭنان اقشانى قايتارۋدى تالاپ ەتسە دە، شياۋميڭ اقشانى قايتارمايدى. 2020 – جىلى 6 – ايدا، شياۋۋاڭ شياۋميڭنان اقشانى قايتارۋدى قايتالاي تالاپ ەتەدى، شياۋميڭ سوندا دا قاسارىسىپ، اقشانى قايتارمايدى، مۇنىمەن قويماي، بۇل قارىزدى العان ۋاقىتتىڭ 3 جىلدان اسىپ كەتكەنىن ايتىپ، سوتقا بارىپ ارىزدانعان كۇندە دە، ارىز – شاعىم بەرۋدىڭ كۇشىنە يە ۋاقىتىنان اسىپ كەتكەنىن العا تارتادى. شياۋميڭنىڭ بۇل قارىزدى قايتارماۋىنا بولا ما؟
دەلو ارقىلى زاڭدى ءتۇسىندىرۋ
بولمايدى. ازاماتتىق زاڭنامانىڭ 188 – تارماعىندا حالىق سوتى مەكەمەسىنەن ازاماتتىق ىستەر ۇقىعىن قورعاۋدى تالاپ ەتۋگە قاتىستى ارىز – شاعىم بەرۋدىڭ كۇشكە يە ۋاقىت مەرزىمى ءۇش جىل بولادى دەپ بەلگىلەنگەن. الايدا، ەگەر قارىز بەرۋشى ارىز – شاعىم كۇشىنە يە مەرزىم ىشىندە قارىز الۋشىعا ۇقىعى تۋرالى ۇستانىمىن بىلدىرگەن بولسا، وندا ارىز – شاعىمنىڭ كۇشكە يە ۋاقىتىندا ءۇزىلىس تۋىلىپ، ارىز – شاعىمنىڭ 3 جىلدىق كۇشكە يە مەرزىمى قايتا ەسەپتەلەدى. ءبىراق، ۇقىعى زالالعا ۇشىراعاننان باستاپ 20 جىل ءوتىپ كەتسە، حالىق سوتى مەكەمەسى ونى قورعامايدى، ەرەكشە جاعدايدا، حالىق سوت مەكەمەسىنىڭ ۇقىق يەسىنىڭ وتىنىشىنە ساي ۋاقىتتى ۇزارتۋدى ۇيعارۋىنا بولادى.
