مىسال دەلو
شياۋليۋ بەلگىلى ساۋدا سارايىندا قولفونىن جوعالتىپ الادى، شياۋليۋ ساۋدا سارايىنىڭ تەكشەسىندە ءبىرشاما ۇزاق ۋاقىت ايالداعان شياۋۋاڭ ءوزىنىڭ تەلەفونىن ۇرلاعان بولۋى مۇمكىن دەپ كۇماندانعان، الايدا، بۇلتارتپاس فاكت تابىلماعان. دوسى شياۋلي شياۋليۋگە كەڭەس بەرىپ، ينتەرنەت ارقىلى شياۋۋاڭنىڭ سۋرەتى مەن ءوزىنىڭ قولفونىن جوعالتقان كەزدەگى جاعدايلارى جازىلعان جازبا قاتارلى ينفورماتسيالاردى جاريالاپ، توراپتاستاردى قولفوندى بىرگە ىزدەسۋگە اتتانىسقا كەلتىرۋدى ايتادى. شياۋليۋدىڭ ينتەرنەت ارقىلى شياۋۋاڭعا «ىزدەۋ سالۋىنا» بولا ما؟
دەلو ارقىلى زاڭدى ءتۇسىندىرۋ
بۇلاي ىستەۋگە بولمايدى. ازاماتتىق زاڭنامانىڭ 111 – تارماعىندا بىلاي دەپ بەلگىلەنگەن: تابيعي ادامنىڭ جەكە ينفورماتسياسى زاڭنىڭ قورعاۋىندا بولادى. ءارقانداي ۇيىم مەن جەكەنىڭ باسقالاردىڭ ينفورماتسياسىن الۋى قاجەت بولسا، زاڭ بويىنشا الۋى، سونداي – اق ينفورماتسيانىڭ حاۋىپسىزدىگىنە كەپىلدىك ەتۋى ءتيىس، باسقالاردىڭ جەكە ينفورماتسياسىن زاڭسىز جيناۋىنا، پايدالانۋىنا، وڭدەۋىنە، جولداۋىنا بولمايدى، باسقالاردىڭ جەكە ينفورماتسياسىن زاڭسىز ساۋدالاۋعا، باسقالارعا بەرۋگە نەمەسە جاريالاۋعا بولمايدى.
