ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ كوميتەتىنىڭ توراپ بەكەتى جاريالاعان ساندى مالىمەتتە كورسەتىلۋىنشە، 2019 – جىلى 2 - ايدا بۇكىل ەل بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساۋداعى 3 مىڭ 107 ماسەلە تەكسەرىپ ءبىر جاقتى ەتىلگەن، 4 مىڭ 304 ادام ءبىر جاقتى ەتىلگەن، 3 مىڭ 64 ادامعا پارتيا ءتارتىبى، اكىمشىلىك ءتارتىپ جازاسى بەرىلگەن.
تەكسەرىپ ءبىر جاقتى ەتىلگەن ماسەلەنىڭ تۇرىنەن قاراعاندا، بەلگىلەمەگە قايشى كەلىپ قوسىمشا قاراجات نەمەسە يگىلىك قاراجات (اقشا) تاراتۋ ماسەلەسى 849، بەلگىلەمەگە قايشى كەلىپ ساۋعا (اقشا جانە زات) الۋ ماسەلەسى 672، بەلگىلەمەگە قايشى كەلىپ ۇكىمەت اقشاسىمەن ءىشىپ – جەۋ ماسەلەسى 444، بەلگىلەمەگە قايشى كەلىپ ۇكىمەت اۆتوكولىگىن پايدالانۋ ماسەلەسى 392، ءنازىر – شىراق، توي – تومالاق ىستەرىن استا – توك وتكىزۋ ماسەلەسى 253، ۇكىمەت اقشاسىمەن ەل ىشىندە ساياحاتتاۋ ماسەلەسى 138، بەلگىلەمەگە قايشى كەلىپ ساۋلەتتى ساراي، قوناق ءۇي سالدىرۋ ماسەلەسى 72، ۇكىمەت اقشاسىمەن ەل سىرتىندا ساياحاتتاۋ ماسەلەسى 7، باسقا ماسەلەلەر (ولشەمنەن اسىرا قوناق كۇتۋ، ولشەمنەن اسىرا قوناق بولۋ، ۇكىمەت اقشاسىمەن تۇتىنۋى جوعارى كوڭىل اشۋ، دەنە شىنىقتىرۋ قيمىلدارىنا قاتىناسۋ، بەلگىلەمەگە قايشى كەلىپ جەكەلىك ساۋىقحاناعا كىرۋ، باسشى كادرلار ءۇي ساتىپ الۋدا بەلگىلەمەگە قايشى كەلۋ، باسقارۋ، قىزمەت وتەۋ وبيەكتىسىنىڭ قوناعاسىسىنا بەلگىلەمەگە قايشى كەلىپ قاتىناسۋ سياقتى ماسەلەلەر) 280 بولعان. تەكسەرىپ ءبىر جاقتى ەتىلگەن كادرلاردىڭ دارەجەسىنەن قاراعاندا، ءبىر جاقتى ەتىلگەندەردىڭ اراسىندا ايماق، مەڭگەرمە دارەجەلى كادر 45 ادام، اۋدان، باسقارما دارەجەلى كادر 556 ادام بولعان.
2019 – جىلدىڭ باسىنان 2 – ايدىڭ 28 – كۇنىنە دەيىن ەل بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساۋداعى 8 مىڭ 108 ماسەلە تەكسەرىپ ءبىر جاقتى ەتىلگەن، 11 مىڭ 607 ادام ءبىر جاقتى ەتىلگەن، 8 مىڭ 455 ادامعا پارتيا ءتارتىبى، اكىمشىلىك ءتارتىپ جازاسى بەرىلگەن.
